~★☆百合谷☆★~

10/9/02 - 13/9/02樓O

8/12/03 第一次勁過飯

每到考試的時間，就一定會搞一個好重要的活動：食勁過飯。在12月8號嗰日，我哋咁多位八妹仔去咗石塘咀街市度食咗餐好豐富嘅勁過飯。食完之後，我哋就返hall寫揮春同劈燒豬喇。講到寫揮春，又點難到我哋咁多位才貌雙全嘅八好仔呀！大家都好比心機咁搏盡寫，務求可以寫到一張又一張、又靚又有意義嘅揮春送比其他八妹仔。寫完之後我哋仲滙合埋9樓的兄弟一齊劈燒豬，希望大家劈過豬之後就可以凡試勁過。劈完燒豬仲可以攞到師樂同9樓樓主龍爺的勁過利是，你話喇，咁好玩咁有意義又咁著數（有利是收喎～）的活動，唔去點得呀？

14/1/03 大食會

為咗farewell要返番美國嘅Kristen同因事而quit hall的Janet，我哋就特別嚮1月14號為佢哋搞咗一個大大大食會。呢個大食會真係唔少嘢嫁，每間房都要負責煮一種色、香、味俱全既的嘢食，當晚的嘢食有：焗芝士茄汁“恐龍粉”、咖喱魚旦同牛丸、三文治、沙律、炒麵、菠蘿腸仔、鹵水雞翼等等；而甜品又有Tiramisu同栗子蛋糕，真係唔講得笑。今次的大食會除咗證明咗我哋八好仔之間感情要好、團結一致之外，仲係入得廚房出得廳堂嫁！！

10/9/02 - 13/9/02樓O 為咗令到新的樓友盡快適應我哋百合谷的生活同埋融入我哋呢個大家庭，所以我哋就嚮在開學的第一個星期搞咗一個為期４日３夜嘅樓O喇！今次的樓O分別由Jenny、Rebecca、Winnie同Betty負責籌備，佢哋事前準備咗好多嘢嫁。第一日Jenny帶領我哋玩咗好多mass game，全部都有助我哋互相認識對方。我哋仲各自設計咗自己個塊樓puzzle，再一齊砌出“百合谷”呢三個字添。我哋嗰晚唔單止玩，仲每人寫咗我哋嚮嚟緊呢一年對自己同88樓嘅期望，再放咗入一個寶盒入面，等一年後再睇返我哋究竟有冇達到呢啲期望，好玩得嚟又有意義。到咗第二日我哋就同9樓嚟一個unit O，以聯絡８樓同９樓、新人同舊人之間的感情。我哋嗰晚一開始就做咗一樣最重要的嘢：醫肚。食飽飽之後就開始玩好多由９樓的阿健同Betty準備嘅遊戲喇，大家都玩得好投入嫁。而當晚在自創話劇嘅比賽入面，大家都盡情發揮自己的演藝天份，務求得到其他組別的賞識。	Continue
10/9/02 - 13/9/02樓O 結果在一輪投票下，９樓的Andrew 成為咗最佳男主角，而Jenny則得到最佳女主角的殊榮。最後嚮幾個遊戲中得分加埋最高嗰組就係全場總冠軍，仲攞咗一份大獎添。到咗第三日，當時嘅樓主Jenny同候任樓主師樂一齊煲咗一煲又正又味嘅樓湯比八妹仔飲。飲完之後我哋就開始floor visit喇。當時大家攞住本小冊子周圍入人哋間房visit，希望可以同對方有更深入的了解。正所謂快樂的時光過得特別快，嗰晚大家都不知傾得幾開心，仲傾到唔願走添呀！！嚮樓O的最後一晚，我哋選出新一屆的樓會成員，跟住就進行咗一個樓會交接的儀式。由上屆樓主Jenny將過去一年的樓物交比新一任嘅樓主師樂，過程簡單而隆重。之後就有一個分享會嘅時間，當晚大家熄晒成個pantry嘅燈，淨係開咗２盞細枱燈（係其中２位八妹仔借出嚟），燈光昏昏暗暗咁，都幾浪漫嫁。嚮嗰晚，舊的八好仔都分享咗住咗嚮百合谷一年嘅感受，而新的就分享番呢幾日樓O的感受。當時嘅氣氛真係好融洽，好和諧，完完全全體會到我哋百合谷成班八妹仔嚮呢度係生活得幾咁開心，感情係幾咁好。結果，我哋百合谷的第一個樓O就嚮呢個咁和諧的氣氛下完結喇。	Next
20/10/02 遊船河在10月20日，今年度嘅第一個unit function──遊船河──終於舉行喇。嗰日一早，我哋一行近三十人就嚮８，９樓social sec. 嘅帶領下，浩浩蕩蕩咁向中環皇后瑪頭出發喇。我哋嚮嗰度滙合埋樓草阿泰同其他樓友之後就開始我哋今次嘅遊船河喇。首先我哋坐咗大約一個鐘頭船去沙洲海岸公園睇中華白海豚，在航行期間，我哋玩咗好多由4位social sec.精心設計的遊戲，雖然嗰日比較大浪，令到隻船左搖右擺，但都無阻我哋玩遊戲嗰陣嘅投入程度。到咗沙洲之後，我哋就停咗架船嚮度睇海豚。期間只要聽到任何“嘩嘩”聲，就知道叫嗰個人一定係見到嗰啲好靚嘅粉紅色海豚。當日我哋好好彩咁見到幾條海豚嚮水面度跳嚟跳去，牠哋仲一啲都唔怕羞，游得好近我哋隻船添。睇完海豚之後，我哋就啟程去梅窩喇。	Continue
20/10/02 遊船河由沙洲去梅窩都要一段船程，所以我哋就趁呢段空檔嚟醫肚。食飽飽之後大家各自搵唔同嘅玩喇，好似唱karaoke、玩“非洲話事啤”、在船嘅上層放風箏、對住個海大唱兒歌、又或者靜靜哋吹下海風咁，總之諗得出嘅就會玩！好快我哋就去到梅窩喇。我哋去咗附近的沙灘玩一啲看似低ｂ但又好好玩的遊戲，好似“色魔美女拳”、“大聲公細聲婆”、“二人三足踩波波”等等，大家都玩得好投入嫁，好似阿Bess咁，佢之前雖然扭親隻腳，但都一樣玩得咁開心呀！！玩完呢啲集遊戲之後，就到自由活動的時間喇，大家影吓相、傾吓計、飲吓汽水、放吓風箏、玩吓水槍，又或者埋個樓友在啲沙度咁，真係玩到忘晒形。但係快樂的時間係特別過得快嘅，好快就到回程的時候喇。我哋個個都意猶未盡，返到上程繼續玩，仲一齊睇日落添！！我哋仲趁架船駛到返中環嗰陣影咗好多相，靚人靚景，啲相又有咩辦法唔靚呀！當日一齊返hall嘅的兄弟姊妹仲一齊落咗利碧嘉度食飯，補充玩咗成日所失去嘅體力添。	Next
8/12/03 第一次勁過飯每到考試的時間，就一定會搞一個好重要的活動：食勁過飯。在12月8號嗰日，我哋咁多位八妹仔去咗石塘咀街市度食咗餐好豐富嘅勁過飯。食完之後，我哋就返hall寫揮春同劈燒豬喇。講到寫揮春，又點難到我哋咁多位才貌雙全嘅八好仔呀！大家都好比心機咁搏盡寫，務求可以寫到一張又一張、又靚又有意義嘅揮春送比其他八妹仔。寫完之後我哋仲滙合埋9樓的兄弟一齊劈燒豬，希望大家劈過豬之後就可以凡試勁過。劈完燒豬仲可以攞到師樂同9樓樓主龍爺的勁過利是，你話喇，咁好玩咁有意義又咁著數（有利是收喎～）的活動，唔去點得呀？	Next
14/1/03 大食會為咗farewell要返番美國嘅Kristen同因事而quit hall的Janet，我哋就特別嚮1月14號為佢哋搞咗一個大大大食會。呢個大食會真係唔少嘢嫁，每間房都要負責煮一種色、香、味俱全既的嘢食，當晚的嘢食有：焗芝士茄汁“恐龍粉”、咖喱魚旦同牛丸、三文治、沙律、炒麵、菠蘿腸仔、鹵水雞翼等等；而甜品又有Tiramisu同栗子蛋糕，真係唔講得笑。今次的大食會除咗證明咗我哋八好仔之間感情要好、團結一致之外，仲係入得廚房出得廳堂嫁！！	Next
29/1/03 團年飯每到農曆年，中國人都會食番餐團年飯，以示團團圓圓、齊齊整整，而我哋百合谷呢個大家庭都唔例外，齊齊嚮1月29號同9樓嘅兄弟食餐團年飯。嗰晚我哋一行三十幾人去咗附近的聖羅蘭度食，因為人多勢眾的關係，我哋要將４張枱拍埋一齊先至坐得落。嗰晚的情景就真係好似一個大家族食團年飯一樣咁熱鬧，仲搞到間舖頭都熱鬧埋添呀！！	Next
25/2/03 與14樓食樓飯 14樓食飯為左同其他一樣住在Starr hall的hall mates 聯絡感情，我地就同14樓的兄弟在石塘咀食左一餐好豐富的晚餐。嗰晚參加的人數都唔少嫁，足足開左2圍大枱先坐得晒呀！！我地唔單止輪流向14樓的兄弟介紹自己，仲傾左好其他野添呀！好似學業啦，嗜好等等，真係傾到唔捨得走呀！如果第二時有多啲呢啲活動，等我地咁多個八妹仔可以認識吓其他的hall mates都幾好丫！！！	Next
14/3/03 Unit BBQ 一sem.一度的大型unit function~BBQ隆重舉行喇,今次的盛會重請返上年在百合谷同九龍塘住過的樓友返嚟一齊玩添。當日，大家在黃昏時份到達赤柱之後，就即刻開始“醫肚”大行動，由於大家實在太肚餓喇，所以呢個行動直到夜晚的10:30先至完結。緊接既就有緊張刺激既“百龍好合大賽”喇(好彩之前填飽個肚，先有氣有力玩咋)！我地分為２隊，組成“中國”同“強國”２個國家，並各自選出國王、王子同公主。跟住我地就藉住多個考大家智慧、體力同膽量的遊戲來一決高下，睇下邊個可以嬴取豐富的獎品。大家為左贏，都出盡法寶，務求以大比數擊敗對手，贏得殊榮。同時亦都盡顯左大家的獸性，差ｄ搞到暴動添。在一番龍爭虎鬥之後，由“強國”隊嬴得冠軍，而輸左的“中國”隊就要飲晒２支２Ｌ裝的水。不過，意氣風發既“強國”隊眼見“中國”隊飲得咁辛苦，都幫手飲埋一份，盡現百合谷同九龍塘嗰種友誼第一，比賽第二既精神！邊個話比賽會失感情嫁？？	Other Functions