*用Mouse指O下佢O地,睇O下佢O地係乜東東?
In-Out Board 出生日期: 11/3/02
呢個咁靚的In-out board雖然比較遲先面世，但佢的出生真係花左我哋唔少的心血嫁。佢係由Annie負責設計，由Jenny去買材料，再由Rebecca、Betty、Bess同Cindy一齊落手落腳做。經過大約三日嚟的努力，佢終於在3月11號面世喇！跟住各位八好仔仲親自設計咗一塊代表自己的名牌掛嚮塊board度，嚟顯示自己究竟嚮唔嚮百合谷度添。所以呢個board真係既實用又美觀嫁。
長袖樓衫 出生日期: 02年4月
呢件長袖抓毛樓衫實在花了我們不少的心思，無論在顏色以質料各方面，都經過大家的積極討論同投票，再加上阿ｋ的精心設計，希望可以做到一件大家都滿意的樓衫。雖然呢件衫整好個陣已經係春天，天氣開始回暖，搞到八妹仔無乜機會著佢，但我相信“它”已經成為大家的珍藏。
樓刊 出生日期: 02年9月5日
呢本書係咪好正呢？淨係睇個封面咁靚，有啲百合花嚮度，就知係我啲百合谷的樓刊喇！！呢個封面係由阿k負責設計，而內容就由Bess、Rebecca、Feon、Betty、Tristan、Lammi、細Emily、師樂、Cindy同Jenny負責撰寫,內容多姿多彩O架！包括八樓回憶實錄、百花蜜語（各八妹仔嘅資料及想對其他人講嘅嘢）、趣怪遊樂園（過去一年所發生過嘅趣事）、八妹仔（訪問warden、attendants、9樓兄弟對八妹仔的感覺）、8樓之最等，真係應有盡有。呢本記載咗我哋一年愉快生活的樓刊，唔珍藏點得呀！！
樓CD 出生日期: 02年10月 在百合谷生活咗成年，加上我哋平時鍾意咩都影一餐，所以都儲埋儲埋唔少靚相嫁。就因為咁，師樂就為我哋整咗一張CD，入面儲存埋我哋成年以嚟影過嘅相，而隻CD面仲有晒我哋成層八妹仔的名同我哋的樓歌添。得閒睇返啲相，諗返嚮百合谷的生活，都咪話唔開心！！
樓O小冊子 出生日期: 10/9/02
呢本咁精美的樓O小冊子係由Jenny負責內容,Feon負責設計嫁，入面除咗有齊我哋樓O嘅活動時間表，樓名的來源，樓規等之外，最重要嘅當係仲有floor visit嘅簽名頁啦！八妹仔都嚮visit嗰陣留低咗自己的個人資料同埋對對方的感覺，睇返真係覺得好warm嫁。所以話無論係新人定係舊人，只要攞住呢本資料咁齊全咁靚的樓O小冊子，就真係“８樓通行”啦！！
'八'巧板 出生日期: 10/9/02
呢塊咁靚咁特別的樓puzzle係我哋嚮樓O嗰陣大家一齊砌嘅，出面絕對買唔到嫁。佢係由23塊puzzle組成，每一塊都經過每一位八妹仔嘅精心設計同埋上色，砌埋一齊之後，就會有“百合谷”呢三個字在正中間喇，寓意我哋百合谷係由２３位八妹仔組成，而且大家團結一致，不分彼此，生活得和諧融洽。我哋就將呢塊咁靚的puzzle掛咗嚮In-out board的下面，大家只要一出lift lobby就會見到嫁喇！
短袖樓衫 出生日期: 23/1/03
呢一件短袖的樓衫就係百合谷今年的新出品。件衫的顏色係非常鮮艷的粉紅色，著在咁多位姊妹身上就更加明豔照人喇！呢件衫係由Antonia 負責設計，衫的後面用我地咁多位八妹仔嘅名砌成一個8字，再加上“Starr Hall”的字樣，就話晒比人知我地係Starr Hall 8 樓的靚女喇！！
樓Jacket 出生日期: 21/5/03
有夏天樓衫,又點少得件冬季樓衫呢?樓JACKET係由FEON設計,仲有BETTY,BESS,CINDY同ATHENA幫手,靚靚樓JACKET先可以大工告成。紫色既樓JACKET,再配以粉紅色O既樓T,真係妙絕!妙絕!
樓刊(2nd Ed) 出生日期:
2/9/03
呢本樓刊超正! 封面係由百合谷過去一年所製作O既樓PRODUCT組成,由Antonia設計, 內容就由Athena、Rachel、Feon、Betty、Jenny、Lammi、細Emily、師樂、Cman同Karen負責撰寫,內容 比上一年更精彩！包括回到過去、百花蜜語（各八妹仔嘅資料及其他人對自己O既睇法）、趣怪遊樂園（有精心設計O既小遊戲）、八妹仔（訪問tutors、Ex-八妹仔、9樓兄弟對八 樓的感覺）、8樓之最等，內容應有盡有,令人愛不釋手呢！！