About My Ragdoll Cat Dolly
Dolly係屬於Blue Colourpoint既Ragdoll,佢係我由我老板娘私人繁殖的, 老板娘本身屋企養左好多貓, 共有7隻貓,其中有5隻Ragdoll, 一雙Chinchilla(金吉拉), 一隻家貓,Dolly 既亞爺曾在貓展中勝出(牠其實只得3歲), Dolly是由Bi-Colour(父)及Colourpoint(母)所生下的, 所以牠的色比正常的blue colour 為深, Dolly 同牠的母親好似樣, 大家都擁有一雙憂鬱的淺藍色眼睛.
其實本身我冇養開貓的, 但就好鐘意貓羅,而且我dad, mum細個果時都有養貓, 仲養好多隻, 所以我話想養,佢地都即刻比,冇反對. 我第一次見dolly, 係老板娘帶左4隻kitten返黎,我第一次見到佢地, 就愛上左佢地啦, 佢地勁得意, 好貪玩, 又粘人,成隻公仔咁樣, 佢亞爺都好靚仔,大到成隻狗咁,冬天攬住佢實好過攬住男朋友訓. 所以我就要求老板娘賣一隻比我, 本來我想買佢亞哥嫁, 因為我鐘意bi-colour 同男仔多d, 但係最後佢都比老板娘羅左去Pet shop賣左去, 剩返隻仔同女比我, 但係隻仔就太瘦啦, 又未介奶, 所以我最後只好choose colour point 既dolly l.
Dolly兩個月大就係我屋企生活,第一次黎我屋企果時, 佢好驚嫁, 係咁走,勁不安,仲驚到打冷震, 但係過左3個鐘之後, 佢就可以自己去食野, 同我地玩, 勁熟咁! 第一晚我記得好搞笑, 本身dolly 有張床比佢訓嫁, 佢都訓左係果度, 但係我訓係佢附近, 見到佢咁得意, 咪成日都訓唔著, 望住佢羅, 見佢訓左15分鐘倒, 佢就開始動, 咁我就炸訓, 睇下佢仲咩, 原來佢都好似我咁扮訓, 見到我動一動, 佢就即係合埋眼, 我一扮訓, 佢就望黎望去, 過左一陣, 佢見到我唔動, 以為我訓左覺, 佢就好鬼鼠咁走過黎, 羅隻手掂一掂我塊臉, 見我冇反應, 佢就即係損落我個身到訓, 果時我勁想爆笑,由果一刻開始我就勁鐘意dolly, 覺得佢好可愛, 成晚我就攬住佢訓, 不過都攬唔到, 因為佢太細隻,只有我隻手咁大, 我就摸住佢訓啦! 好似隻公仔咁, 所以我就叫佢做dolly la, 雖然dolly 係一隻狗名黎!
Dolly 既行為都好似狗一樣, 佢完全係唔怕人, 見到人仲好似隻狗咁, 走過去同佢玩, 又鐘意出街, 成日都係門口度企, 由成日偷走, 所以為左防止dolly 偷走, 我屋企好似個監獄咁,用晒d網整住度門, 等佢出唔到去, 但佢依然日日係度努力咁嘗試扒出去,每次返屋企定出街都要好小心咁開門, 因為dolly 會無啦啦係你開門時撲出黎, 為左解決dolly呢d慾望, 我地決地左每日都要放貓一次, 將佢綁住係度門到,等佢係走廊都行下, 自始之後dolly都好少偷走啦!