2005年2月17日(星期四)
前幾晚，當我在靈修的時候，見到一句野------
'' 金錢可以買到一張床而非睡眠；食物而非食慾；
一間房子而非一個家；娛樂而非幸福；
十字架擺設而非天堂。
耶穌基督完全免費供應金錢所買不到的東西。''
都係在早幾日，朝頭早我係我樓下的 7-11 度增值，
我再一次的見到佢，佢係一個男仔o黎 ga ，
佢大約廿幾歲度 la ，我由攞起我張 Octopus 到俾番我，
佢都係用一隻右手………佢隻左手係無手指 ga ……
見到佢o甘樣，總會有一 d 難以形容的感受 ! !
之前，我買報紙的時候，我見到佢，
o個陣我唔知道佢左手係o甘，佢問我要唔要膠袋，
我話要。跟住佢張份報紙放o左落地下度 ''對接''，
然後入膠袋。對於一般人o黎講，這是好簡單的事，
但試諗一下，一隻手攞住份報紙，
而用一隻無手指的手打開個膠袋入份報紙落去，
是否一件容易的事？
我寫o甘多野，想講什麼？唔好再因為要上一 d 唔想上的堂而爭論、
唔好為 Exam Results 而擔心、唔好因為小小事就扯火、
唔好因為要日日早起身而感到唔開心……等等
我覺得這樣的一切都需要感恩 ~