家家有本難念的經，而我家的經書，女主角通常嫌涉我媽，有好多時，佢會成為家人的目標，何解？之前都略為提過我媽的為人，佢係一個普通過普通o既無知婦孺，人地女人三從四德佢學唔到，三姑六婆衰野就學齊，咁講好似好衰，但的確係咁，雖然我家陣都算比以前尊重佢，但佢呢個形象依然深入我心！

我媽年紀唔算大，家陣四十幾五十，平生最鍾意就係打牌，我由未出世到家陣將近爛茶渣，佢都依然o係呢方面非常活躍，呢個係佢由小到大指定訓練，我以前睇番佢做女時ｄ相，真的不錯，個屎頭高一高，佢身邊個個姊妹都係咁；佢地做女時都成日打牌，就算我地住到屯門，佢都成日出九龍打，真係咁大癮？我阿媽都係肖虎，正所謂一山不能藏二虎，所以就有佢無我！回想起來，我們的積怨是自我小學約三年級左右開始，因那時我媽仍常出九龍打牌，而我們放假時又要照顧我們，於是，她便順理成章將我們帶到婆婆處渡假，那她便可在星期六或假期時打個痛快，而我和細路又有公公婆婆照顧，一舉兩得！由那時開始，我便不太喜歡她，因在我心目中一個母親不是這樣的，當然，我那時又未有太多學識跟她討價還價，於是放在心上，而當中，我有時和她吵架時，見她想打我，我多數便說告她虐兒，因當時才疏學淺，只懂用這技倆，我知這是註定的，我弟妹都不及我學識多，我自覺不曾學壞，也沒有想過放棄自己，但為何她總是最看不起我呢？為何她總是疼愛弟妹？前幾年，我一直非常在意這事，有一次，見到父母的結婚証書，一看之下，為什麼我未足十個月便出世？莫非真的給我估中，我不是她的親生女？心裡很是不安，不知會否好像電視劇的情節，背後有段可歌可泣的故事，又或我要找回親生娘親之類的事發生呢？纏繞了幾個月，又不敢開口問，終於有一次和老豆及細妹飲咖啡時，我們討論媽時，我說了一句：都唔知點解你會娶佢做老婆？他拍了一下檯說：我就係一個負責任o既男人，所以先咁！細妹即說：哦！你攪大佢個肚！就是呢三句說話，我才知我是奉子成婚下的產品，所以他們結婚未夠十個月我便出世，怪不得我比弟妹特別聰明！天意！

年青人一時做錯事，就做成今天結果，浪費將近三十年，仍有今天的結局，何必？