成個星期無寫野，應該係無野寫，日子都係無無聊聊，做�鼣戊ㄚY無無謂謂囉…

今個星期都係整理�鵂儥|電後遺症，拎哂ｄ燒左�儮q器去整，睇�儮q視劇結局週呀，病�懱暙o，same as usual！

有日搭車，發白日夢時諗，我原來係好鍾意將ｄ唔好�鼣弗憧炕A跟住重新�褸L！細個做功課，每開一本新簿，我都好有心機寫，想ｋｅｅｐ住本新簿ｄ野靚ｄ，如果發現寫錯左，跟住我就會撕左果頁，重新寫過，錯左又撕，又錯又撕，最後可能本簿會薄左好多，或者無哂內頁，哈哈！到依家，我都係一個咁�鴾H，只不過唔只係撕簿，係其他野，可能一ｄ未必一定要掉�鼣央A覺得佢都係唔係咁好，就掉囉，但多數係私人事件上，工作上我又好鬼慳架喎，唔知點解會咁呢！

但係唔開心唔如意�鼣央A就掉唔到，如果可以，我都想佢地好似ｄ錯�鴷\課咁－－”走啦，唔使掛住我架！”

P.S.馬田劉笑我扮文人呀，所以我都係－－做番我自己囉，寫番ｄ次文化啦！呵呵！

.................1/4/2001 Sun.................

今天是愚人節，但還未到愚人節，小妹已被上天愚弄一番…

星期四晚，在雄哥家裡，和親愛的同事們共聚，美味的魚生壽司，卡拉ｏｋ，麻雀耍樂，嘻嘻哈哈，歡樂非常，就在歌舞昇平的背後，我的家裡發生了大災難……！

回到家門前，手電響起，沒有接聽，因是家裡來電；入到屋內，燈光火猛，很奇怪，為何廳燈好像換了，很光猛，不像平常的昏暗；老二便開始說他要找的事－－電視機出煙呀！樓上沒有了電，ＡＶ產品沒電到，燈突然很光很光，很刺眼，但一下便燒了……他一路說一路說，話說沒完，廳中唯一的壁燈〝噗〞一聲，又燒掉了；沒辦法下，我們只好把天花燈開著，我們一邊向雄哥求救，一邊討論著，跟著我才猛然醒覺要到房間檢查檢查，一到房間，第一眼便望向心愛的〝索尼〞音響，ｓｈｉｔ！！！真的沒有了時鐘！！房燈沒燒，但是光得很，再而電腦，沒反應！可幸的是電視機沒有問題，但是，死掉是致命的兩樣，即等同沒了三份二條命，這不就是〝�咩琣悕R〞嗎？

回到客廳，唉聲嘆氣，若有看過〝家有囍事〞，蘭子弄到家裡停電，李香琴大叫：「無電視睇呀！世界末日呀！」…我想我當時便是李香琴，真的，心情掉到谷底，那是我的命根呀！沒有了它們，我怎能生存下去？但在說呀說呀，同居三兄弟好像比我慘些，LD、VCD、AMP、錄影機、還有新來不夠一個月的電視機（雖則是六百幾元的二手貨）…好像損失還慘重…我想還有人墊屍底（心腸壞透！）；於是，我們便在自我安慰，說著，連天花燈光也離我們而去，為了慶祝這個棄舊迎新的大日子，我們嘗了一頓candle light dinner，何等浪漫！飯後，老三為我們造了一則新聞報導，他拿了前兩天的報紙，貼在電視機面前，讀著新聞內容，表現不錯呢！但我還是比較喜歡看著魚缸放映的『魚樂無窮』！

換了電腦的火牛後，才發現螢幕原來〝打柴〞了，於是今天又花了八百多元買來一個新mon。

為何惡運總是接連而來，連感冒菌也來湊熱鬧，似乎上天很喜歡要我接受挑戰；原來就算你足不出戶，你也可忙過夠；但老天爺呀老天爺，我在此非常非常認真的對你說，我真的很累很累了，這十多年，你給我的磨練似乎應該停了，我想學阿廖寫：「何時？」……究竟何時才終止下來呢？

真是：「夜了我像變了啞巴，喜愛獨坐在窗下……」

P.S.三兄弟的電器，除了電視出煙certify之外，奇蹟地，其他的都沒事了，但我的……幸運沒降臨，因我才是上天要打擊的目標！

.................26/3/2001 Mon.................

今日可算悲喜交集…

翻開報紙，看到警員出殯的消息，心裡酸得很，雖與該人互不相識，但看見這樣的事，總是不安；家人、未婚妻失去摰親摰愛，警員痛失同胞，多位硬漢流下男兒淚，可等傷感！

今屆奧斯卡早上舉行，「�楫篢藝s」十項提名，怎能錯過！本想看直播，但我想，沒有字幕，不會太明白，倒不如今晚看重播，於是自我封鎖所有關於得獎名單的消息，想到時可投入一點嘛！但可惜，為了看六點半新聞報導警員出殯的事，而得知了賽果，但正在煮飯的我，都要拿著菜刀走到電視機面前，看完有關報導，當時好像置身現場一樣，看見周潤發、楊紫瓊做頒獎嘉賓；看見Peter Pau得獎，真的很激動，有些少想哭的感覺，很誇張；到晚上再看重播，每當有這戲得獎的時候，都很開心，好像自己也是一份子，由其Peter Pau領獎時，一口氣讀出很多他要道謝的名單時，簡直拍案叫絕，「好正」！

上述兩事發生時，我的心都有「ｕｎ」住而想流淚的感覺，但兩事很極端，拉不上關係，為何人的感覺會這樣奇妙呢？呵呵！

P.S. 又是我期待香港電影金像獎的日子．．．即＝我已在這裡經歷了春夏秋冬呀!^.^

.................24/3/2001 Fri.................

又凌晨……但欠一吻……

個網頁又多了一些訪客不甚察覺的東西，但對我來說，又浪費了幾個良宵，簡直係自尋死路，的確，真的是一發不可收拾，我是一個情緒化的人，既然有心情做，當然一直做下去，否則，又不知可時再有”雅興”。

我放了一隻歌在此，據說，有一晚，我依舊聽著電台半夜的節目，因為這些節目通常會播放一些”老歌”，我很喜歡聽的，我就在那一晚聽到這歌，主持人說了一次那歌名及歌手，但我的英文程度有限，當然不可能聽準所有，我只知小時係有隻叫”ａｕｌｄ　ｌａｎｇ　ｓｙｎｅ”友誼萬歲，會不會就是”ｓａｍｅ　ａｕｌｄ　ｌａｎｇ　ｓｙｎｅ”呢？之後，上網搜查一番，結果幾百萬個網頁，點搵呀？放棄……個歌手好似係”Ｄ”字頭，正確係咩唔記得，個音都記得少少，就向”Ｄ”字進發，原來都有好多好多個，終於當然好辛苦先搵到隻歌……Ｄ資料，再唔係呢，就有少少ｓａｍｐｌｅ過你聽，千山萬水，今日終於搵到個ｌｉｎｋｉｎｇ，仲未有ｄｏｗｎｌｏａｄ……

終於明白為何阿董伯伯要推行資訊科技教育，想打爆機，學識上網ｓｅａｒｃｈｉｎｇ就可以搵攻略；想做功課搵答案都可以上網搵資料，但你們的課程、多年來的學習形式，可以改變嗎？好像是非常非常非常遙遠的事呢……

P.S. Hope you will enjoy the song....everytime I listen to this...feel touching!!

.................16/3/2001 Fri.................

愈來愈討厭自己！講說話的時候總不可控制自己，無論說話內容、語氣、聲調……由其是聲調，一高興時，說話的聲調表情總是很誇張，滔滔不絕，失控地張開咀巴肆意亂說，聲音大得連自己回想時也覺得很失禮，實在討厭；但當沒話好說時又沉默得異常恐怖，旁人也不敢對你說話，情緒起伏為之極端。改……我很想改掉這習慣，但近多年也是這樣子，也很難改。說實在，我有許許多多的壞習慣，但反思之時，又覺得這是我很自然的習慣，不是每個人也每天在了解自己？不是每個人每天也在尋找適合自己的生活嗎？那為什麼要改變自己呢？每個人也有不同的特性，那是人們各自的ｓｙｔｌｅ嘛！但每個人也知道，這或許只是妄想，到最終，每個人都會和世界妥協，堅持或許是絕路，由其在香港……

.................14/3/2001 Wed.................

剛剛到〝撲碟園〞一行，係咩？係一個同校同學的網頁，都已開張好耐架啦！有一排同佢同區工作，成日一齊食lunch，轉工之後都沒有聯絡。但前兩年前得知佢有個網頁，到那一看，驚喜萬分！真的估不到她的文筆可以令她變成另一個人，感性非常，而且令人看得很有共鳴；不論感情、生活或是關於情慾，也令人看得津津有味！我…絕對佩服！現在還有她的日記，不過看完她的日記後，更覺自己可悲，想到…她現在的生活不是那麼多采多姿吧…但也可將它修飾得很有感覺，很有感情，文人即是文人；看看自己的日記…oh…shit！我也不想自己的"文"這麼口語化…真的…我真的有這麼想法，但若不是口語化一些，我又沒有能力把"說話"注入感覺…唉…要好好學習呢！

其實喜歡她的文章還有一個很大的原因…"坦白"…她真的會將她的感覺說給大家知，而我也認為應該這樣，可惜，不知為什麼，我總有多多少少的隱瞞…其實不是想說這些，但偏有太多顧忌，怕得罪人？怕說出了人家的秘密？怕A知道B原來是這樣？我想這都是我的"苦衷"…在這裡的真是"日記"…但只記事，不記情，就如報導…但沒有記低感覺感情…那…感情如何發洩分享呢？…"情歸何處"…？

.................11/3/2001 Sun.................

嘩!勁呀!我呢兩日又o黎家伙啦,做咩?梗係"煲碟"啦!一日三隻...算少啦!但因為時間關係,一次過睇三套都幾係野架啦!我係一個唔可以無電視o既人,一係睇電視台o既節目啦,一係就睇碟,睇碟時最好就一個人,投入好多,又唔哂俾人嘈住,幾好feel架!呢兩日睇左d睇過o既戲,又睇左d未睇過o既,當中..."生死碟變"係最好睇,真係幾好睇,我諗好多人都睇過架啦,我係遲左d,但我家陣真係無動力去戲院睇戲,d碟出得咁快,唔使等好耐都有得睇啦!諗番起以前住石硤尾時,附近有間kps,我就成日去流連,d新戲又好多人租架喎,所以可以閒閒地o係果度一兩個鐘,因為要等佢d帶返o黎,搶住租囉....放假時可以一日睇六套戲架....諗起都覺得傻!但我就係咁架啦....哈哈!"今日睇番"真的想嫁你"....Julia Roberts果套...其實我o係戲院睇過,果日仲有一d好難忘o既事發生,發燒呀...所以唔係好記得套戲...當日有個人做左一d野,令我好難忘,今日都記得,如果果日我又做番一d正常人會做o既野,可能今日我o既生活又唔同左,又或者只係多左更多o既回憶....如果你有o黎睇呢段野,你唔知記唔記得呢...............?

.................6/3/2001 Tue.................

呢排,身體實在太唔好,生理心理都唔好,點解?我都想知點解....

"朋友"其實係咩呢?每個人都有一個唔同o既標準,又或將朋友分為唔同層次...我...好老實講,我仲未搵到我理想o既朋友,係咪好可悲呢?我意思係"理想"o個隻...朋友當然有,但都唔係好多,可以交心,稱兄道弟,好了解我,好似......係咪我要求高呢?其實到依家,我都有好多野想同朋友分享,但我搵唔到對象,於是,收收埋埋,都積左好多秘密!有時我覺得自己唔知點咁,真係唔知自己想點...好無奈!

唔知幾時先有個人可以睇得穿我呢?????????

.................25/2/2001 Sun.................

勁!尋日過得好充實,因為要負責攪呢個BBQ,我整左呢個"蒜茸牛油焗三菇",係呀焗阿三菇呀!呵呵...非常掂,仲得丁今年度最佳BBQ食物大獎,咁我又覺得係實至名歸架!仲有燒左成粒鐘o既乳鴿,都係非常好味道呢!

但係我諗最最開心都係可以同d同事圍住個爐吹下水,我係好鍾意呢d feel架!你地諗下,如果大家唔係情如手足,點會用咁多時間淨係o係道吹下水,嘻嘻哈哈呢!有時最好o既朋友都未必會同你咁做啦!有時d人會淨係想知有咩節目,食完飯有咩做,玩完呢樣跟住點...不過當然每個人o既生活方式唔同,每個人都有自由啦!只係我自己就鍾意優閒d...

前兩日同阿邊個傾開電話,知道原來佢地會覺得我係一個情緒化o既人,知道佢地對我o既comment,其實,阿邊個呀,我想同你講我其實幾開心聽到你對我有呢d意見,起碼等我知道自己原來俾人有呢d感覺,係好事,無論好與壞,我諗我都要嘗試去改變一下,人同人之間o既溝通文往目的都係要令自己反思,係咪?

.................22/2/2001 Thu.................

今日唔講怪房客,講o下細路仔啦!每個人o既兒時生活都唔同,但同年紀o既朋友玩o既野就大同小異,我??都幾精彩架!我童年玩樂差唔多全部都關於石硤尾,果時細路仔有咩玩?首先講下呢個"何濟公"先啦!通常我地一玩就十幾廿人玩,因為我去石硤尾時多數都係學校假期,我地更係要出哂o黎開o下會啦!事發地點係邊度都玩得,多數o係公園仔囉,夠哂大;"bok lay lay"梗唔少得啦!呢個都有幾個陀地o既,郵局門口啦,o個度個地勢幾好,個"周"呢會o係一塊寫住"石硤尾郵政局"o既大石碑度,石碑後面可以lay埋個人啦...幾個都得,一伸隻手出o黎就可以埋"周"...但玩多幾次都無人再lay埋o係果度,次次都係果度,係人都第一時間睇下先啦!果度仲有個高過我地o既花園仔,如果佢行左,我地咪行右埋"周"囉!再後面仲攪笑,有條坑渠,好深,所以有d人就會成個人"mou"落條坑渠度,成條蛔蟲咁,離遠又真係唔覺架喎,我當然無份啦,咁"拿渣"...隔離仲有個小斜坡,只係足夠幾個成人平排訓o係度,但都不失為一個好地方,因為果時細細粒,可以鬼鬼鼠鼠咁溜返去埋"周"....但我覺得最攪笑o既係,有時玩玩下,一個人都搵唔到,因為一d走左去到面街買野食,一d直情行落幾條街度食車仔麵,有d又入左去郵局嘆冷氣,我就多數會返上屋企飲水再睇陣電視囉...呵呵!!!

.................18/2/2001 Sun.................

三個怪房客今日終於入侵,幫佢地手執野時,發現佢地原來係住家菜中o既住家菜,所搬o黎o既住家用品包括煮食用具都非常齊備,仲話係唔可以成日出街食飯o既人,我真係有d驚訝,屋內唯一o既女性我呀,都有d佩服!

屋企唔單止多左幾件人類,仲有一堆魚,阿主人好有心機幫佢地佈置"新居",似呼好多野都要重新o黎過,重新適應,連我都要,因為我唔可以隨意在屋內活動,或者唔係咁serious,但起碼要記住屋內唔止你一個!

今日怪怪咁,好似食野咁,午餐及晚餐都係食日本野,係兩堆唔同o既人都o係同一日要求食日本野,我都好鍾意食日本野,但可惜食得密得濟,而且我唔鍾意o係呢個區食,因為d野好唔得,不過你地都知我唔鍾意話事架啦...so......!?!呀...仲有今日都有食一樣野添..."愛情白麵包"...都ok啦...我諗裡面對我o黎講最深刻都係"藍色"o既裝修擺設...o^_^o

.................16/2/2001 Fri.................

今日同馬田劉睇網頁,知道佢有link我個網,好鬼開心,多謝你囉....

遲兩日,我會多左三個房客,唔知我地o既生活有無問題呢?都係希望開開心心囉...最難得佢地鍾意煮野食,我都鍾意架,不過好耐無煮啦,因為我鍾意煮俾人食多d,"孤芳自賞"無滿足感嘛!

我係好鍾意廚房o既人,所以我最注重廚房,大掃除時都會洗得乾淨d,我o既dreamkitchen係要起碼好似茶餐廳個水吧咁大啦,重要有哂所有o既廚具啦,但一定唔要有microwave,到依家,我都好堅持唔買架!一來好危險啦又無益,二來我覺得一個鍾意煮野食o既人係唔鍾意呢樣野o既!我呀...煮個面都有好多配料架...所以煮親野都用好多時間...慢條斯理!!

有一件事,我成日都講架...我d friend都成日笑我...就係住可硤尾o既時候,我住二樓,幾個friend o黎食飯,於是煮餐好架啦,整呢個"椒鹽瀨尿蝦"...首先梗係走下油啦,跟住用redpepper同椒鹽起鑊(我當時諗係咁架)...點知...兩樣野產生呢個化學作用,不斷出煙,我開始咳,但仍然放d蝦落鑊炒,但我d friends原來已經走哂,離開間屋,我望到屋內白濛濛一片,我一路咳一路炒,直至完成,想叫番佢地入o黎,但我要去到對面球場先搵到佢地番o黎,鬼咩,成條走廊都係煙佢地話頭先o係街個細路話火燭,要報警,好彩佢地喝住佢咋,唔係真係笑死街坊呀!我絕對無誇張架,當時人個個都可以證明,所以我之後都係煮過一次咋,因為後果實在太嚴重啦!!!!!!

.................15/2/2001 Thu.................

尋日情人節喎...唔知各位點過呢?我?梗係有電視陪伴啦!咁多年都未試過有慶祝情人節,所以都慣左....節日對我o黎講係無咩特別,長假期最大o既得著就係一日食一餐會輕左幾磅囉...因為長期處於睡眠狀態嘛!阿鄭都算有心,請哂我地成校o既女同事食三粒裝o既金沙...不過我真心希望佢可以早日成 家立室,畢竟都幾廿歲人啦,有咩頭暈身慶,都有個人照顧嘛!我已經成佢安排左佢o既終身幸福架啦...廿四號...就睇佢o既做化啦...希望佢醒醒目目啦....呵呵!我都希望我身邊o既朋友快d有喜事,咁我可以出下場呀...女o既就可以做姊妹...男o既我可以頂酒...我諗會好好玩呢!!!!呵呵~~~

.................13/2/2001 Tue.................

尋晚我過得好開心,應該係好安慰先至o岩...或者年紀大左,對好多事都覺得唔使大執著,總之大家平平安安,生活穩穩定定咪算囉...我成日都覺得平凡是福,有d人可能每日都好好拼命工作,希望步步高昇;有人每日都為著尋找一段美好姻緣而忙得不可開交....但若果每天都要苦心經營、刻意追求,做人會唔會太辛苦呢?

朋友,知足常樂才是幸福...我對生活絕對是這類人,但....其實我又算唔算太唔長進呢??......模稜兩可!!!!

.................10/2/2001 Sat.................

今日用兩舊水買左兩本書,真係兩舊水睇怕都可以買到正正紀香寫真集啦!不過我當然唔係買呢樣野啦,係兩本日本家居雜誌,都幾貴呀!一路睇就一路幻想呢d屋係我o既,真係流哂口水呀!講開屋,呢十年我都搬過好多地方,頻頻撲撲咁過我o既生活...記得我畢業後第一處獨居o既地方,就係我婆婆o係石硤尾間屋o勒!石硤尾大火後起果d七層公屋呀!呢度係我由細到大,住得最耐o既地方,讀幼稚園之前我就o係度住,因為我媽唔識湊我,所以就俾左我婆婆湊,直至要返去讀書...由小學到中學,我一放假就會去"放o下假",果到俾我好多好多o既回憶,我o既童年事多數都發生o係果度,好難忘架!唔....其中一樣就係中秋節o勒!記得小學有一次中秋節,咁當然我會同埋我d鄰居friends一齊玩啦,落到樓下我地玩開個公園仔,果度呢有一個好高好大o既斜坡,都有成六層樓咁高架,斜坡面呢就有一個一個o既水管洞,於是我地就o係每個洞度都點一支蠟燭,點o下點o下,我地竟然將成個斜坡d洞仔都點滿哂,當你o係下面離遠望o既時係,真係好靚好靚,依家諗番起都覺得好感動架!由此可見,我細細個已經係"人細鬼大"架啦,呢d"lum"女橋,真係多多都有得出賣呀~~~

.................9/2/2001 Fri.................

唔知有無人有睇"無業樓民"o既呢?睇怕都無人好似我咁早開始煲電視架啦!但呢套劇真係好正架喎,攪到重播我都日日追,仲就o黎大結局添!唔知各位鍾意睇電視o既人會唔會追劇追到大結局時會好失落呢?我一定會係果隻人,之前一次就係追"世紀之戰",不過我身邊無人有睇呀!但係真係好正呢...近排都無咩好劇睇,不過今日"頭條新聞"幾攪笑,講天水圍保寧丹果單野呢,background song竟然播小丸子隻歌---小丸子又再出事.....好攪野!港台d節目係幾有吸引力架~~~

.................8/2/2001 Thu.................

我呢兩個禮拜都唔知發咩傻,每晚呢七點幾就訓,跟住夜晚三點幾就一定彈起身,之後我就一路聽住收音機,一路對住部腦攪下整下,到天光,沖個涼洗個頭,再食個早餐,飲杯奶茶,嘆份報紙先返工,真係成個阿伯咁呀!幾優閒都有呀!就係因為生活有左規律,做野d效率都高d,真係喎!平時效率已經好高架啦,家陣直情"超頻"呀!

再加上呢,呢幾日有幾個新同事返工,估唔到佢地o黎左之後,成日學校d人都好似積極左好多,總之工作氣氛非常之好呀!令到我好開心,真係開心架!有邊個唔想每日都開開心心喎?仲要有錢賺之餘又開心添!我地呢度越o黎越似一個大家庭,每日都有好多有趣o既事發生,我好享受同佢地放工一齊坐車走果段時間,果種感覺好難捨難離架!因為短短十分鐘,我地都會將d好笑野review一次,攪到成架車都滿載笑聲,好回味呢!

.................7/2/2001 Wed.................

嘩嘩!不經不覺我個網頁都起左貨成個禮拜啦,都總算可以續d續d完成,原來真係好有滿足感架!唔知d人覺得點呢?留言版都有幾個msg,大家都好俾面呀,無出口話唔好,總之,點都好,我都會keep on架啦!希望各界友好多do黎"坐"啦!