我其實唔沉迷打麻雀，只係當作朋友間消遣聚會中其中一個節目，但唔知點解，近幾年打牌變成我地聚會o既主菜，我開始有ｄ厭倦……一向自覺牌品唔差o既我，近來打牌時都會發下小脾氣，諗過都係少打為妙！

我自從學識打台灣牌後，唔再想打廣東牌，好多識打台灣牌o既人都會有咁o既感覺，因為你會發覺台灣牌o既變化比較多，好得意，總之你識得食糊就識打，問題係你糊牌o既番數有幾多；有ｄ人覺得台灣牌太多規例，好煩，但係，呢ｄ只係普通遊戲規則，如果無遊戲規則，你亦未必認為佢好玩啦！其實都睇過一ｄ有講台灣牌o既網頁，但係佢地有好多數番呀，牌型都唔同我打o既，又或者有ｄ係無呢樣野，佢地o既計法就同家陣網上免費o既台灣麻雀game一樣……

而小妹就整左呢個小網頁介紹一下我同朋友打o既台灣牌；正所謂家有家規，國有國法，家家有求，以下o既只係我地圍內朋友打o既方法，可能同你地打o既又唔同，所以無所謂架，最緊要打得開心，和氣生財嘛！小賭宜情，豪賭亂性，所以我唔係鼓勵人家賭博，只係衛生麻雀咋！