高姓同大名：士多
性別：小女孩子
誕生日：１０月１６日（記住當日要講一聲生日快樂喎！）
星之座：天秤座
花語：西洋蓍草
動物星座：狸貓
血型：Ｂ
唉詩焦：８５７４５５１１
Ｅ貓貓：
心之最
色：藍色 紫色 粉紅色
食：除左唔食得既野同苦瓜
事：訓覺覺豬．玩．睇戲．上網．諗往事．發夢．睇書書（唔包括返學既課本）
卡通：布甸狗
動畫師：宮崎駿
演員：妮歌潔曼．ＤｏＤｏ．湯漢斯
歌手:楊千嬅．李克勤．梅艷芳．黃耀明．劉德華．張國榮
厭之最
人：傷害自己身體既人
最好最好唔好比我見到狗，因為我會赫死！！！
１０月１６號，一個風光明媚既中午時份，聖嘉肋撒醫院又誕生左一個小生命，而果一個ＢＢ，就係我喇。係我出世之前，我媽幫我改左一個名，叫做吳思穩，意思係想我思想穩重，踏踏實實去做人。（但事實上我絕對一ｄ都唔思想穩重！哈哈！！）係我４歲果年，我阿姨幫我改左個花名，叫做士多啤梨，佢話覺得我塊面似喎，自此個個人就咁叫我喇。其後，中一果年，有個同學仔話個名太長，所以就淨係叫士多喇。細細個果陣，我係由我姑媽照顧我既，事因我爸爸媽媽都要返工，冇時間照顧我，好彩我姑媽一家都好錫我，姑丈姑媽當我自己個女咁鍚，表哥表姐就當我係佢地既妹，成日陪我玩，到左而家佢地都係咁鍚我架！當我１歲多ｄ果陣，我患左大病，生「玫瑰疹」呀，我姑媽要開始返工，所以就冇再照顧我喇！而照顧我既責任就交返比我媽喇！不過自從果次，我就成日係咁病，攪到我媽話我係「藥缸浸大」喎， 我成日要去睇醫生，真係洗左唔少＄係我身上．．．．．．
４歲果陣，有一次返大陸，自己貪玩，想試下合埋眼行路既滋味，就叫表姐拖住我行路，但係表姐唔肯，於是我就自己行喇，行行下，行左去海邊，海邊有一舊高過果陣既我既大石，由於我係合埋眼行緊路，我唔知前邊有ｄ乜野係度，好唔好彩咁撞埋舊石度，我媽話返比我聽，果陣我流好多血，佢話我痛到唔識喊㖭呀！到而家留下左痕跡喇！我諗因為我發生ｄ咁既事，所以屋企人就決定去下旅行，放鬆下心情。第一次去可以去泰國旅行，唔知點解我好鐘意果度（因為當時仲未有細佬同行，呵呵！！）
１９９５年７月２７號，一個下雨天，一個小ＢＢ又再係聖嘉肋撒醫院出世，而依個ＢＢ，再係我既生命裡面加插左一小席位，佢就係我既「好」細佬。雖然直到而家，佢都成日打我，不過佢都會成日帶歡樂比我既。
小回憶
依一ｄ全部都係我好重要既野，如果冇左依ｄ事，亦都唔會有今日既吳思穩。