4月14日 晴 心情靚靚
懶惰既人就真係好難整走條懶筋既，其中一個懶人就係我喇！！放左咁耐假，我只不過做左一樣咁大把功課咋！真係懶到出汁．書又未溫過，仲有要考好ｄ，哈哈，我覺得我一定有第一囉（尾數上黎果隻）．．．．．．
4月16日 晴 平平無奇
ｅ呀．．．又一日無無聊聊咁過喇，好想出街買衫衫呀！唉！日日咁係屋企，好想快ｄ返學呀！
4月17日 晴 平平無奇
唔知自己近黎發乜神經，成日囉返ｄ以前既野黎玩，好似琴日咁，表姐好耐之前，送過一隻象牙手鐲比我架，哈哈，咁而家就緊係帶唔到喇！所以呢我就用條鏈串起佢帶左係條頸度，哈哈！
仲有呀，今日自己對自己做左過好大既決定，將一個唔值得留係我張ｉｃｑ ｌｉｓｔ裡面既人ｄｅｌｅｔｅ左，我覺得自己做得好岩，因為我要同依個人作最後既了斷！以後乾乾淨淨，無拖無欠！
4月20日 晴 淡然
因為自己既日記板開唔到，所以我決定寫埋上黎依度，其實我好想我一陣講果個人知道我依篇野係講佢，但係我好怕會令到大家唔好受，所以我決定唔打名，如果你有睇我既網頁既話，我諗你都會知道我講緊你，對唔住，我係一個好怕將自己收埋收埋既人，我一定會將自己諗既野講比人聽，希望你唔好介意喇！
其實有２個問題我好想問你好耐架喇，其中一個係點解你要成日強調你自己係乜乜，係乜乜，唔通依樣野會令到你自己同一ｄ唔鐘意既人好好受咩？就算你係，點解都要一句說話裡面強調唔只一次呢？你話你唔怕人地講你，ｏｋ，咁你咪堂堂正正咁囉，雖然我唔覺得依樣野係恥辱，但係唔係個個人都咁諗，起碼你身邊有唔只一個反感喇！仲有，其中一個對你都幾重要下，你可唔可以講少幾次等佢個心冇咁唔舒服呢？我覺得依樣野唔洗成日強調既．．（純粹個人觀點）
仲有，雖然我只係一個１５歲既o靚妹，冇乜資格去話任何人，但係我自己真係好睇唔順眼囉！我覺得根本你自己仲未識愛自己，何況係愛人？生命，唔應該自己去糟蹋，擁有生命，應該係好好咁利用，好好咁發揮，我好唔明點解要怨自己個生命．怨自己既命運，老士ｄ講句：依個世界上大把人慘過你，大把人辛苦過你，其實自己已經好好好幸福架喇！我亦都好唔明點解要界手，痛完之後唔通唔開心既野會消失？我唔相信囉！心又痛，身又痛，好好玩呀？唔單止自己痛，你身邊ｄ人呢？我相信如果佢地係錫你既話，佢地更痛囉！
我覺得你真係好兒戲，點解可以唔清唔楚咁就可以一齊，仲要係一心唔知幾用咁，好巴閉呀？大豪客呀？你豪得起咩，唔該你諗清楚先喇！有ｄ野唔係淨係話ｆｅｅｌ就算，要付出架！試問除左＄之外，你有做過ｄ乜野？可能係我唔知得清楚喇，但起碼我有咁既感覺係從你口中聽返黎架！對愛依個字，冇論係咩野既愛你都唔識分，咁試問你配得起愛你所講既人咩？（純粹個人觀點）
哈，講完．．．．．．講多次．．．純粹個人觀點
4月30日 晴 心酸酸
唔,好耐冇打日記喇!自從返左學之後,有好多野有自己follow返,尤其懶惰既待價..>_<今日返學要測驗,行行下返學果陣諗返起一個戒指既故事,一個好耐好耐既回憶故事,好彩,我冇乜事,只係係心裡面感嘆左2聲..又一次自己諗野黎煩..不過算喇,人就係咁架喇!
哈哈,放學同寧寧依lunch又講起戒指,唔知係咪因為佢(戒指)呢?我竟然喊喎..仲要係自己冇喇喇滴左出黎知先tim..er...唔知我有冇一日係唔流眼淚既呢?^^"搭地鐵返屋企果陣,我好勇敢咁delete左2個唔值得留係我張phone list度既人no.,冇錯,就係我之前delete佢icq no.果個喇!我真係覺得要頒返一個英勇勳章比我......
放學返屋企,同amy講左一陣電話,一陣陣既心酸感覺出現左,原來,之前sis.上堂講既果個爸爸媽媽死於asrs既留院女仔,yan係識架!我真係冇諗過原來我身邊竟然有人不幸......主呀!希望你保佑佢地平安,健康!
想訓覺果陣,媽咪突然間入房同我講左d前途既問題,原來,都就黎到我架喇,2年後,我就要真真正正面對,突然間好怪責自己點解3年唔讀好書.......
6月10日 大雨 尚好
好耐好耐冇打過日記喇!um...其實依一排,我都仲未放低到一d野,尤其岩岩睇完朱古力果日記板之後,突然間有一下,極度極度之唔開心,雖然根本我發生既事同佢發生既事,係完全唔同,但係係間接地,有d野係有關架!不過,點都好喇!朱古力呀,唔好唔開心呀!雖然我唔係話知道你好多野既朋友,但係我都想你開心架嗎.係咪?有d野其實唔洗唔怪責自己架!可能咁樣之後,會有意想不到既野發生呢!so...plx don't be unhappy!!
我好想打返上個星期6既事出黎依度,不過,比人知道既話,又會話我架喇....(所以我打左係另一個diary度)但你地放心喇!!我會識做既,唔會成人令人擔心,我會做返果個wuwu話既士多..唔會再想..'to be continue''..
仲有呀...打返一樣開心既先..就係我可以同朱古力一齊玩drama呀!!哈哈!!唔知你仲記唔記得我地講過....two sundy呢??哈哈!!
6月25日 晴 尚好
我好耐冇打日記喇!um...話咁快就20號喇!咁就過左喇,我承諾過朋友仔既事,做到喇!see?我未有唔開心過呀!係見到某d野不安左一下喱...得架喇..放心喇,吳思穩講得出,做得到既!
近黎成日都落雨,之前我仲諗,係咪個天知道有好多人唔開心,所以落大大雨,但係,其實係落下既時候,都有好多開心既野架!就好似係14號,我就同朱古力一齊去first meeting喇!果日真係好開心呀!識左幾個新朋友仔!哈哈!
仲有呀...而家考緊試,要努力d呀!!升班呀!!
8月10日 晴 尚好
上一篇日記,係2個月前打架喇!唉!太懶惰喇!um...依2個月,有開心,有唔開心,失過得過,其實都好應該感謝主架,佢依2個月,真係發生左好多野,令到我自己大個左,多謝天主係依段時間同我一齊去行,雖然有d事自己仲未可以平伏到,但係我已經好努力架喇!
而家等我打番一d重要既事出黎喇!
1)朱古力本身係同凡一齊玩果個drama架!但係去因為成績既問題,去左外國一 排,不過而家返左黎喇!佢話過會黎睇架!仲有,好開心,係drama到,識到一班 好朋友,多謝佢地對我既關心,多謝你地比依個機會我識到你地,特別有幾個 人我要更加多謝,多謝佢地聽我講心事,多謝佢地陪我渡過,真係係MT到好開 心,真架!希望我地可以一直咁keep 住依個relationship!就黎on show喇 ...大家加油!!
2)係上個月,3c大家庭裡面,kitty離開左我地,學sis.話,佢係天上面,做左一個 小天使,為我地祈禱!依件事唔想再講喇!喊已經喊左唔知幾多次,亦唔希望有 人再擔心我.kitty and 3c...forever...
3)近來,發現有一樣野好矛盾,就係"小朋友"依個問題,一直以黎,我都係用一個 小朋友既覺度去看世界,同時我自己唔想大個,但係可能有時太過受人保護 ,我又唔想人地當我係小朋友喎...好似認路依個問題咁,識我既人都知,我係 唔會認路架嗎,所以形成大多數都要人地陪住我行,但有陣時,我好想試下自 己一個架!但係如果有機會既...身邊既人都會唔比...唉!好矛盾!矛盾到自 己都唔知自己講乜...
4)may be你會睇我homepage既,不過依個機會好小,你放心,我唔係想講乜,只係 想話比真心睇我homepage既人聽,我學習緊放手!