yo~仍過著自給自足既生活..有電視睇!!哈哈..(點解而家做凶鈴再現ga~) 個個房都有電視!!今日好高興地同男友去街~成2點成決定..3點先到..近近地又係mk,行呀行,左去去右去去..今日勁多野講..充滿著話題..多野講到佢要"禁"住我個口!! 一心真係唔能夠2用..我一路行一路傾~就睇唔到邊到請人..又睇唔到街d靚野..所以成日冇收獲..到新世紀..靜落黎..就買衫啦~點知又冇碼..咁就想用買衫既$買playboy鏈..又好似好cheap款..又冇買!!哈哈...(用黎買野食丫嘛,死肥婆jennifer!!) 之後山長水遠落番下面搭巴士諗住同佢去TP食飯..點知條隊...........所以又爬番去搭KCR..一有停低既時間我地就係咁打機..輪住佢玩一舖我玩2舖..(其實有2部喎..)時間勁快過so happy!!到左tp就去食飯..今日食超好味既菠蘿海鮮妙飯..燒雞串..仲有泰式小食!! 飽!! 抵!! 愛!! 跟住再睇下野..之後就"拖住"走lu~~~so甜蜜既一天!!笑到收唔到聲...我粒"飛知"痛到抽筋!!

圖1&4:新世紀shiseido ANESSA個廣告真係正到..我係女仔都睇到眼定定!!鬆開bikini帶~wooo...圖2:波波糖  圖3:晚餐  圖5:愛愛愛...哈..今日食飯既時候..男友做左一樣野.......原來佢好錫我&好似我爹D對我咁好ga...哈哈哈!! 幸福!!

哈哈.2日輕左3磅!! 今日又十萬噸又"顯"婘結局..哈哈.好方便呀~自己房而家有電視..形成一個自給自足既環境~又有電腦呢..除左去沖涼&toilet都唔駛出自己房喇.(其實只會令我更加懶者..哈哈哈)男朋友話我好快會變肥婆.成塊野撻起張床到..要媽咪餵野我食.(哈~我諗到個情況會係點)..可能遲d黎探我既時候..要反起我..清走d蜘蛛網(eeee..)2日冇出到街呀.琴晚有新電視.仲睇到4:00a.m.先捨得訓覺..哈哈哈!! yoo..小怡搞gathering.哈~好野~期待..真係甜品日??so good!! umm..今日十萬噸好浪漫呀..架船好grand.我都好想去.(其實我已經get左d information喇.希望去得成)..張家輝都幾型丫~諗下佢都關詠荷拍左12年拖就知佢個人應該幾好啦~阿din帶a#頭巾好搞笑!!哈~ 今日睇0個個什麼"智趣相投".搞到我好想養多隻狗..養金毛尋回.又嫌棄小白lu..聽日家姐同佢bf去東京lu~羨慕..手信!! 家姐0係日本去日本既機票仲貴過佢bf香港去東京...有冇搞錯....

是日又回學校開級社.9:00-1:30.大多是討論遊戲&時間表.途中遇上了愛人伍sir.傾足一堂..談談他的感情生活與我的愛情生活.被我知道又有人從中多多事幹.妖!! 問他謝師宴要什麼.又懶客氣.他是我唯一留戀此學校的東西..原來他心目中有>40%的我!!哈~嘔..開會中~學校又火警演習..茄呢啡的我們都要..麻q煩..開完後即走..行上火炭..發覺冇野好做..回家又太早.決定撥個電給書..看看有什麼美妙活動.到了她樓下接她.又想睇戲.又想搵工.又想打機.到NTP行呀行..買呀買..最後決定到MK找工..呀!! 真老討..冇書讀..就真正知道搵工難..成個mk行呀行..重複又重複..終於有2間野勁大可能..很想做其中一間...不過要12:00am放工..一係就2:00am(夜生活??..唔好諗邪野..)請我啦請我啦..可能性都ok大ga..但番歸又有點兒後悔..聽天由命..人工少..但可以免費xxxxxx..返歸發覺我雙腿....原來已經廢左..眼睛發炎2天..嚇死了很多人..之後覺得勁口乾..探熱....................大獲!!發燒!!! 莫非我臨尾香..肺炎離開之前我都要執番個尾彩??虛........大吉大利!!  是日非常感激書的陪伴..覺得自己有點兒不人道..自己得閒就call人出來..傾談了很多以前的事..無奈=.=  anyway,thxthxthx!!!  明日房間有新TV機!!! 

圖1&2:新買激平裝飾彩虹野  圖3:由小大伴我腳痛的安美露!!!

ce後一直都過住荒唐既生活.今日要9點起身仆返去沙田開會.一定唔可以遲到..我呢d小角色仲遲到就野都冇得畀我做ga喇..級社講謝師宴,期待已久,不過因為sars..miss lo竟然提意我地取消~都唔知佢個腦生係邊..抽筋!! 當然冇人理佢啦..以為佢今日都黎嘈嘈閉...好彩佢要上堂..~yo~暢所欲言!!! 又提議好多funny games 啦..大家諗到當時情景都勁期待!!哈哈..大包都返左黎..大包,陳伯同家賢都勁踩我d腳趾..又話我著拖鞋=.=今日分工.我,家賢,陳伯&蘇琪都已經有一個幾好既post喇..yeah!! 可能仲可以去買禮物!! 今日仲get埋部gameboy番去..為10萬分而努力..點知原來家賢都係高手..14萬分..輕易get..有得睇火箭movie..幾想唔close機就咁拎去畀男友呃份獎..呵呵!!完會之後(開左4個鐘)就趕去TP搵男友..仲拎左D楊枝畀佢..哈哈!! 迫佢拎多部gameboy&對打線出黎..係咁對打俄羅斯..冇次win...shit!!同佢打機真灰心..之後我又繼續為10萬分努力..最勁得4萬..佢死都唔肯送獎(其實唔係實物..哈哈)..後來又去TP中心行街..呀...冇恆生咭...冇得50%OFF..要搵我阿E去同我買XX先~哈哈  

今日同佢又勁改花名..有新名..佢叫"屈機王"..成人屈我歧視人..我都係叫xxx啦..因為..(懶神秘..)愛

今日原本好好訓ga嘛..畀我好媽媽嘈醒..唔知佢口upup講咩..之後又唔見左佢..又到bf嘈醒(都係佢叫醒我有用d!!哈哈~)佢又講一大輪..結果都係取消我地今日去farm既大計..下星期去!! 起身發覺屋企冇人!! 以為媽媽去左放狗..點知小白又0係到.shit.原來媽媽離我而去,去左沙田飲茶!搞到我悶死..之後唔份氣,打畀佢迫佢同我出街..去左tst..新港.海港.海運..0係海港成日都見到0個個"年青有為"既彈琴青年..其實之前都成日見到佢..不過第一次同媽一齊睇..嘩~0個個人真勁到..媽媽又迷上左佢..(因為佢都幾靚仔ga..原來叫陳雋騫)..搞到我呢d學過下琴又中途放棄既人幾咁慚愧...唉!! 之後番屋企..因為琴日0個"兜"楊枝已經食晒..所以今日又整過..整左勁多..又有得食~yeah!!仲整左紅豆糕.不過有少少失敗,唉!! 夜晚發覺我隻小白竟然食蘿蔔.笑死我.一隻食紅蘿蔔既狗...咪應該改名做"小白"兔?!哈哈 (圖2:)今日拎左d旅行資料!!  聽日要返學校開級社會..講謝師宴..一定要搞得成呀..大佬..個8婆misslo又想搞風搞雨..多多意見..聽日佢出聲我實星把佢!!

**yoo..俄羅斯方塊我已經玩到7萬分..做左男友徒弟..到10萬分有禮物!! yeah@!!加油

yo~祝小怡生日快樂!!今日都冇出到街.實在太肚痛喇.但今日好有興致整野食.於是就落街買材料..整左最近成日食既楊枝甘露.都可以掛..爹D返到黎食左4碗!!哈哈~本來都想整埋椰汁紅豆糕..不過整完楊枝已經想睇電視..唔想留0係廚房..所以都係聽日整!!哈哈 

琴日玩得太累.又夜訓.今日喉嚨痛..女仔每個月有幾日唔方便既野又到.成個人唔想郁.訓到點幾又畀bf嘈醒..不過都出左去剪頭髮.2個月冇掂過把頭髮..幾有一把火剪晒佢地既衝動..不過留左咁耐..又要為遲d電頭留後路..最後都係修下剪左一隻手指尾長度..剪陰..想染返d色..返屋企又買左楊枝甘露食~yoyoo!!

夜晚收到學校寄黎畢業禮個邀請咭.原來咁快就到.又要搵番套夏季.麻x煩.

好野~咁快就畢業.可以離開呢間咁令人討厭既學校.冇禮貌既書記.唔識教書既老師(伍sir&misslin除外).姣到震既f.3.dirty到爆既校舍.假&無聊到爆既人.yoo

圖1)興奮購物中           圖2)燒燒燒..有豬頸肉            圖3)此狗嚇爆很多人          圖4)在報紙船上                圖5)我其實想推....       圖6&7)西頁的招牌--滿記!!       圖8)令人懷念的西瓜波 

wooowoo..好久冇玩得咁徹底..今日同學們都考完可怕的PA..一早plan定今day要係BBQ day..哈..雖然有好多狗狸人...本來應承左後來又多多籍口..幸好仲有14人出席!!goood!! 第一站去買燒烤物...直頭係瘋狂..好似自助餐任夾..老闆勁好人..成功講價減$40.哈哈!! 之後都係過番新城市parkn買左好多好多好多野...集齊人馬就出發去西貢..落車時候雖然出左d狀況..不過都ok既..話晒大口同學都放學即刻黎嘛..!!!原諒!! d野真係好好味...好少d份量會預得咁好..而每人$40都唔洗!! 全靠我財政部!! 第1次燒豬頸肉..嘩~正!!(大家有機會一定要試..) 燒燒下途中有隻自來狗..幾個驚狗之人嚇到喊咁!!搞左好耐好耐. .燒完就再搭入d去西貢滿記食野..又係某個playground映好多相!!!時間尚早就返沙田打機...woooo...玩左一個型野避避避...拍拍機..鑽鑽地下機,同男朋友合作玩食物拼拼拼....(自己作既名堂...哈哈)...yoyooo...阿書竟然玩0個d音樂野有3xx個combo..抽筋!!!!  10點半就返歸..成個人散晒...勁開心1day..

下一function....釣蝦..beach day..雨毛球day..薯片day..減肥day....哈哈哈哈哈哈哈..........瘋狂!!!!

唉..呢排可能太得閒喇..突然對打機好有興趣..玩GBA模擬既CRAZY TAXI有S LIC. 呀..哈哈..同埋每日練習俄羅斯方塊..今日終於GET到5萬幾分..嘻嘻~因為BF係 king of tetris..是但玩一陣都有5萬幾分..仲玩到隱藏關~抽筋..我而家有5萬幾~可以做佢徒弟喇..日日煲機~哈哈哈

yo今日家姐生日!! 又大一歲喇!!哈哈..冇寄生日咭&禮物畀佢tim!! 但armarm打左電話畀佢..噢~佢又可以過去東京..羨慕死..手信手信!!(一早落晒order lu~) 今日.真係覺得成個人散晒..事緣就係emily琴晚send左某商場既一個地方請人..emily都好好人咁比我同佢一齊去見工..一朝早去到見見見.雖然都可以入一間類似"會議室"既物體.但多數都唔會請..唉!!之後一齊去銅灣..行晒所有地方.商場.間間都問..好熱呀..見冇咩機會就過左tst..又行行晒所有野..真係間間有貼野都入呀..好彩0係某2個商場都有d機會.希望得啦..

yoyoyo!!!!!聽日BBQ DAY..又係同學們最後一日考PA..加油喇!BBQBBQ..映好多相!!YEAH

唉ya..今日成點半先彈起身..琴晚get左部N年前既大gameboy出黎玩..玩上引..太悶喇我..所以今朝起身繼續打..之後睇電視..唉~~悶爆喇..所以4點幾出去MK搵工..成個MK畀我行晒..只要有貼紙話請人我都有問..賣女人衫啦..甜品..精品..HIPHOP野..核突假野衫..食物..差唔多去左幾十間..好彩都有4間畀我填form..行到抽晒筋喇..快d有人打畀我啦..今日買左條褲..聽日開始食減肥餐..又買左沖涼減肥..誓要同肥肉講byebye...哈哈!!! **P.S:今日行到去瓊華門口..見到d好恐怖既野呀..瓊華門口整緊地..地下係鋪住幾塊黃色膠板..行到去既時候..其中一塊移開左少少..有個"lun"..有幾個保安人對住個"lun"噴殺蟲水.....因為.....個"lun"有成千上萬既細"蟑螂"擁出黎..有一個人就用吸塵機吸佢地...嘩........成條街既女仔都停左0係度...嘔..大家經過記住小心d..

***仲有,琴晚睇到以下資料,大家留意:
原來會飛的蟑螂是----懷孕的!!嘖~好噁... 他們說是為了保護肚子裡的xx蛋才會飛 ^_^
所以.為了讓家裡的蟑螂別再那麼多子多孫,看到會飛的就快讓牠升天吧!因為它肚子裡有好多好多..蟑螂已經快成為我們的大敵了,數目多到難以想像.. 我現在看到蟑螂飛翔的話,奪命以後再用酒精燒!! 這樣,牠的卵才會死掉!!  如果你只是把牠打死後丟掉或沖入馬桶,那韌性異強的蟑螂子還是通通會從屍體出來..而且大家不要用殺蟲劑對付蟑螂 ！ 
不然牠的下一代就可能有抗體,而不怕你用的殺蟲劑了..大家一起努力,我們的家居才能更乾淨 (問你驚未..)

yo~今日同嘉媛去行街.我又遲到.MK again.又係好多未開.周圍行.冇目的.但我今日有好多野想買呀.買左套cheapcheap bikini.之後去尖沙咀買birkenstock.0係新港好開心咁食滿記~又再去返太子行街.落車既時候見到有得整錶,都隨便問下啦.(諗住實冇得整) 點知個好好人既師傅整左好耐好耐..係咁周圍搵一粒粒零件..呀!!終於整大左喇!!好開心好開心!!仲超平! yeah!之後到聯合行下買下野就走lu!!

噢~今日開始原全放低考試.開心-輕鬆!!今日決定同男友黎個shopping day.第一站去MK..不過今日閒日.我地又早左少少去.所以冇舖開.冇野睇..去左M記食野.經過xx門口.有個sales望一望我~嘩!!原來係阿珊!!嚇死佢!! 傾左幾句就走..佢好勤力!!之後搭車過TST..利時,4點都冇野開..去新港..SHIT! 前幾日仲見到間野開左..今日竟然要執拾舖頭..唔開..我X!$%@$&!!!!!又買唔到XXXX..去double-park..竟然見到NOEL..嗲左幾句..哈~真係好耐冇見!! 再行下..男友等唔切啡色puma suede mid..又買黑色鞋..第4對黑色鞋..靚!! 下一站~海港城..quiksilver門口見到心愛的FLORA..又靚女左!! 好耐冇見again!! 行到"支力"就去大家樂eat tea..之後浪漫地步行到新世界SL..自己落去買野..擺低男友0係上面..其實我係買錶畀佢..實在太靚喇..本來唔想畀佢知..結果我又係屎忽"很"畀佢睇..SHIT>.<點解會唔arm帶..我帶勁鬆喎..(係隻錶細..定係某人隻手過大..激爆腦..而家唔知點算..) 之後決定過番MK搵人整錶.."冇得整喎".."要用原廠ga".."我地冇呢款".."成條換啦"..真失敗..做咩我成日做d懶驚喜既野又永遠都係衰收尾呢..我想成條換..不過都幾貴呀~小姐.!!!=.=    買左野拎去畀阿珊食..坐左0係佢舖頭1.5個鐘..佢真係好勤力呀..我都想做..又帶旺佢間舖..又試下佢d衫!!哈哈.之後男友送我番歸~完成一天!! 聽日將同嘉媛再整個shopping day!!  開心!!!

今日問左幾間舖頭係咪請sales...有一間叫我寫低information..希望得啦..間野幾靚..d衫都靚.不過好似有假野!!哈哈哈..聽日繼續搵...

母親節快樂~希望所有媽咪今日都咁開心啦!!今日成點鐘先起身..琴晚太夜訓喇..之後都冇咩搞..睇下電視..又做左乖乖女..幫媽咪洗碗..之後就出發去沙田..去婆婆到食飯..之前當然同媽咪0係新城市行下街先啦..去左IKEA..買左好多無聊野..靚靚波波cushion(nikkie都有喎~)..波波布.飲管.同相架.後來阿姨話訂唔到位食飯..要我地買野上去..咁我就call pizza hut啦(得我一個想食~哈)..點知佢話要等80分鐘..嘩.....誇張死!! 最後唯有只可以去西田買好多sushi..同埋去大家樂買左好多小菜!!不過都非常美味!!(減肥大計又胎死腹中)哈~今日爹D龍舟比賽冇去睇tim.不過聽佢講今日玩得好開心.又曬黑左好多~嗯.端午節0個日我一定再去睇佢比賽.唉ya.我真衰女,冇買禮物畀mum.家姐都有寄野返黎啦.媽咪又買左燕窩畀婆婆.我應該要買d咩呀?? 呀!!我洗左碗lu..哈哈哈(狗) 本來今日可以同媽咪買衫.褲.鞋~又冇時間..下星期可以再去

嗯~今日考我最驚既中史..都好似未合格過咁..但又聽聞好似好易0係ce合格..於是就係咁煲大熱題啦..琴晚溫到1點..訓左..3點又起..4點又訓.. 5點又起..鬼叫自己臨急抱x腳咩..結果我都係溫唔晒就去考喇!! yoyoyo~好彩出左我至愛既[元]者..而乙部0個d制度史..琴晚都冇掂過(從來冇睇過)..唯有開考前10分鍾睇下啦..哈哈..又出左新文化喎~吹到丫~真好運!! 希望合格啦..有好多人都早走~睇到好開心!!(賤)考先之後去左cwb行街買野..睇到未有得買..即走@cwb逗留左10mins jar..又睇下母親節禮物啦..之後去tst買衫...嘩今日熱到我嘔血呀..辛苦!!3點幾利時都冇野開..=.=~去新港又冇左件衫..我!@#$%^&*..頂!! 本來諗住去mk..但我太累喇..於是返屋企訓左成日!! yeahhhh..又煮左健康好味既"粟米忌廉蛋花螺絲粉"....實在太美味喇!!!! 聽日有得同媽咪行街~又或者去睇爹D 龍舟比賽~!!  **其實0係呢間學校考左咁多日..都係0個幾個監考員,不過今日睇到我真係笑呀!! 有個盲雞sir.應該有1000度近視呀.(副眼鏡有圈圈感覺)..睇人d準考証好似用鼻聞咁..有個人0係佢面前舉手其他老師都叫佢去睇下咩事..佢搵左勁耐都唔知咩事..哈哈哈..結果都係其他人過去!!仲有個女人..都應該唔細啦..條裙短到......對腳又怪..考咁多日佢都係著同一套衫..又多白hair..人地緊張jar住枝筆.佢勁大聲提高8度"放低筆呀~" 收卷又黎個大鵬展翅..一對手收2行.要個個都配合佢..不過星期3終於唔0係呢間考喇~yeah

蕭瀟好漂亮..聲音甜美..just like an angel....woooo

永別了~econ..真係要喊住黎道別呀..今日做到幾想喊呀..唉! 曾幾何時我不知對econ幾有興趣..高峰期既test都試過24/3x啦..而家......唉~唔打緊~都預左呢科fail..走既時候搭巴士..聽到一個"戇直"仔0係架冷氣巴勁大聲講電話..好一句"懷舊就係潮"..XDDDD..仲有,唔知點解air force會變左係"air frog"..笑到我反肚..好明顯佢係一個會考生..正與電話裡的人談論試場的人既衣著.內容如下:** 我個考場都有人著(air frog)既..咁算唔算潮呢??仲有勁多人著vans...vans舊款0個隻囉..不過我覺得vans似dunk 0個隻先靚ga嘛..**真係戇x...哈哈!!隔住口罩笑人~感覺真爽~   今日試場有個人同豪鬼好似~爭d認錯..哈哈!!琴日考中文有一個又靚..又高..又瘦..同利嘉兒有85%似既女仔遲大到先黎..所以好突出..佢隻腳好長~ 佢著對綁腳鞋著得好好睇..但好明顯佢應該唔係今年既會考生..做左一陣就訓晒..今日我竟然............0係屋企附近既SALON見到佢~睇黎似係個hair stylist...   wooo~  有d野真係好奇怪..我覺得呢個世界某個角落總會有個人同你好似樣..會令到人認錯..都曾經有人話過見到一個同我一樣樣既人(咁咪超樣衰..).我呢幾日都見到翻版豪鬼,翻版利嘉兒,翻版男朋友,翻版阿書同翻版connie...哈哈..真ga!!

maths阿maths..點解你次次都唔同樣..仲一次比一次樣衰ga..永遠都唔認得你~唉...其實今次我覺得好似好易咁..不過我都唔識~哈哈!!!應該勉強合格掛..mc就真係緊啦..對完ans竟然得18題arm..嘩..大佬..19題先勉強合格jar=.=不過我仍然有希望!!! wooooo!! 勇!!!聽日到中文..其實仲驚~好啦..我彈去溫書            

之前幾日係荃灣考~我見到有間個名好正既幼稚園..因為.....  :-)

今日又係時候返學校補下d maths..真係好驚x1000..我好似由細到大maths都未試過合格..到左F.5..我仲次次全班最尾..真係好憎maths..唉~今次博個合格都ok ga喇~不過似乎冇可能..但今日都好好好多謝伍sir抽空返黎(為左我~wooo) 好(支力)啦..做左好多數(我覺得)..今日有書.connie.水爸.田鼠..途中同田鼠去買野食..返黎見到條好靚毛蟲(見圖1)~青bbX鮮黃..(有一隻無名指咁大)..做到差唔多7:45就走喇(已經做死左!!)做到我好炆屎呀...臨走又落場狗屎雨..又同煩人同遮嘈嘈嘈~咁大雨~實濕ga啦..男仔人家,都唔知佢知唔知咩叫風度~不過其實我都幾鍾意落大雨~(要係我有遮既時候!!)感覺好浪漫..尤其係同男朋友一齊~因為佢一定會"踏"住我膊頭..或者我"kill"住佢.好有安全感~woooo不過浪漫還浪漫..佢拎到把遮咁高..但又要就住我..通常都係冇咩用ga喇~2個都濕晒..唉,不過今日都係唔好提佢..(激爆~挑)  仲有呀~今日走0個時呀~周圍都係0個d飛蟻..(肯定有一億隻)..超級恐怖..一堆堆~飛呀飛.諗起都毛管動,成個火車站,月台都係,去到kln tong成地都係屍體..我想嘔.=.= 呀..聽日考maths~好驚..諗唔到著咩3~好煩..有人唔知發咩神經~好心淡~灑淚~       噢~有點兒喜歡了~彭于晏~

唉~好一個listening~又係時間累事~其實都真係好易既~~(除左有d字唔識串呀..太複雜..聽唔到)shit shit shit shit shit寫到我手都殘廢..今日冇人上pe堂呀~激死..   唉...開始有d驚maths..千祈千祈千祈合格合格合格 

<--photos can click to enlarge          

圖一"讀咁耐書都未試過咁亂  

圖二"奇怪..未見過小白訓呢個位       

20030502  Day 1  

20030501  好驚呀...有窒息既感覺