華東七天遊

地點：杭州-->蘇州-->南京-->無錫-->上海
　

第一天
我們早上九時幾到機場集合，交了証件給領隊姐姐後便到M記吃早餐，見到個Friend，原來佢準備去星加坡。我們乘塔11時55分中國東方航空(CHINA EASTERN)前往第一站--杭州。我們一團十八人。飛機很細，不過大細唔重要，最重要係穩陣，機師的技術都幾好，安全到步。一出飛機已經覺得有一陣陣的冷風，身穿羽絨的我都還可以接受那種冷天氣。我們一到機場就見到我們的導遊哥哥了。我們坐上旅行車開始我們的行程。我們先去淨慈寺，是一處有幾間寺廟的地方，裏面有鐘樓、濟公殿和運木古井，我們拍拍照，聽聽故事，之後又去了附近影雷峰塔。晚飯是八餸一湯，之後餐餐都係咁上下。之後去了宋城，行了一陣，竟然撞到我個另一個Friend，原來佢同佢個Friend都係參加華東七天遊，不過唔同旅行社，而且他們已先去過上海了，好橋，一日第二次撞到人，仲要去到杭州都撞到。我們周圍行下，不過都衰係落雨濕濕。七時半去看一個大型歌舞 -- 宋城千古情。值得一讚的是舞台的設計及效果，有多種變化。之後回酒店，那裏都幾偏僻又殘，不過這些我都無咩所謂，但係D水係黃既就唔係幾好，不過最後都OK番。		飛機上　淨慈寺
第二天
蘇堤西湖	第二天仍然在杭州，我們去了雲棲竹徑，之後去了茶莊，試飲龍井荼，不過無買茶葉，反而買了一些小吃做手信。下一站去了錢塘江，錢塘江觀潮起源於漢、魏，已有2000年的歷史。農曆每月初一至初五、十五至二十日都有大潮可觀，尤以每年的農曆8月18前後潮頭最大，可是我們在不合時的時間觀潮，當然係無野睇，只係係度影影相。下午去了花港觀漁，係一個花園，D景都OK啦，影影相。再去了蘇堤和白堤。去了坐船遊西湖。之後去了寶樹堂，係買D類似中藥既野，不過我無咩興趣，咪循例聽佢講下囉。去了河坊古街，那裏比較古舊，我們試了定勝糕和酥油餅，都幾好食。花港觀漁	雲棲竹徑在錢塘江遇到兩位朋友仔
第三天
在同里坐人力車寒山寺	第三天去了桐鄉--菊花之鄉，試了杭白菊，我也買了一些，可以做手信。在杭州出發去蘇州，會先去同里，原來同里有富土的意思，"同里"兩字是把"富"字的"田"，放在"土"字上而變成的。我們坐人力車遊同里，又坐木船遊同里內河。同里這個地方很純樸，是一個退休住的好地方。再坐車去蘇州，遊了寒上寺，有觀音、釋迦牟尼、寒山、拾德等神佛，亦有聽聽神佛的一些故事，有些都幾有趣。去了獅子林，有"假山王國之稱，園內以太湖石及竹林疊置的擬態假山為主。吃晚飯後就回酒店了，今晚是年卅十，所以早早回酒店後又出去了，那裏雖然不算荒蕪，但係一定不夠香港多人，我地去了一間CAFE飲野，勝在可以坐得好耐，我地坐到十一時幾就出去，開始有人玩煙花，炮竹，周圍都係，個感覺都幾得意，至少唔會係香港見到呢D情景，當然又會有一D危險。十二點幾就回酒店了。
第四天
南京長江大橋	第四天先去了蘇州刺繡廠，看到養蠶取絲的過程，都幾有趣。之後又坐旅遊巴往中國「三大火爐」之一--南京，當然冬天是一樣寒冷。我們在南京吃午飯時看到窗外下雪，都是第一次看到下雪的情景，我們急不及待地走去影相。在南京去看長江大橋，長江大橋位於南京城北，是一座雙雲雙軌鐵路公路兩用橋。鐵路全長六千七百七十二米，公路橋全長四千五百八十九米，江面正橋長一千五百七十七米。係上面好凍，好大雪。之後去了夫子廟，有很多小店鋪行，都買了一些書簽、石頭。第四天晚上，和之前一樣，晚飯後就沒有活動了，酒店外又沒有什麼店舖，最後唯有去M記。
第五天
明孝陵外	第五天去了明孝陵，但係由於要入場費，最後無入去，在外面影影雪景。又經了四方城拍拍照，又一隻龍頭龜身的獸。途經明故宮，之後去了南京磬琢玉器廠，又見到我個Friend，他們應該要回程了。之後坐車去無錫。午飯有得吃無錫排骨。下午去了黿頭渚遊太湖，又去了紫砂芸苑看紫砂茶壺，茶壺都是一種藝術呢，不過我當然沒有買啦。晚上去了隻船食晚飯，呢餐比較好吃。上之後回酒店，是五星級呢。
第六天
東方明珠塔	第六天去了太湖明珠珍珠場，我都買了一條手鍊，而且玩遊戲贏了一瓶珍珠膏，都幾好運。之後又坐巴士往上海，吃過午飯後往宋慶齡故居，那裏是國家級保護的地方，要穿鞋套才可進去。之後前往東方明珠塔，塔高468米，為亞洲第一、世界第三高塔。晚上在南京路步行街行，都無咩買野。之後去外灘看上海夜景，有很多人呢，晚上看東方明珠塔比下午看更漂亮呢。繼前往上海浦點--新天地廣場，內設有酒吧，食店及小型店舖，不過我們沒有入那些酒吧，因為好貴，最後係同導遊哥哥和領隊姐姐一齊去Mc cafe飲野。	外灘
第七天
天祿	最後一天去看天祿，天祿是上天守護瑞獸，和天龍、麒麟、祥獅並稱四大瑞獸。天祿俱闢邪、增財運的作用。之後又去上海小食天地城隍廟購物遊覽，先去排隊吃南翔小籠包，好多人排隊，但係都係一般。原本買了一些手信，不過自己大頭蝦唔記得攞，返去搵已經冇左了。接著乘極速磁浮列車抵達上海國際機場乘機返香港。	城隍廟

	七日，看似很長，其實又好快咁過了，今次旅行都沒有什麼期望，純粹係想休息下，振作下，所以可以四圍睇下野已經好開心，而且發覺自己都幾鍾意四圍影野添。