2003-11-03 - 12:01 p.m.

澳門遊

今次澳門之行真的經歷了很多才去得成，原本應該是日本之行或韓國之行，但現在只可以去澳門，有點失望呢。

不過幸好今次旅行都不錯，正因為大家對澳門的評語都是沒有什麼好玩，去一次就夠，大家都對這次的旅行沒有太大的期望時，卻又會有些出人意表的收獲。

我們今次旅行一行四人，早上我和candice、rita都約好了，steve那時還在元朗，差點就趕不切上船，幸好，最後時間還是剛剛好。去到澳門，第一個給我們的感覺是很大陸，因為我上一次來澳門已是十年前的事，那時的印象，基本上都沒有了。我們等了酒店巴士，去到我們預先book好的皇都酒店。為了要減低開支，我都只租了一間房，這個決定很明智，全個旅行，我們只有晚上幾個小時在酒店。

我們第一程是去找午餐的地點，我們雖有地圖，但是研究了很久，還是對澳門的街道迷迷糊糊的，原本想去旅遊書中的?記，但行了很久也找不到，見到一個所謂的景點 "三?燈"，正確黎講只係一條街燈。最後找到?記，但是原來那店晚上才開門，我們只好再找另一家店。去了一家上海店，那間店的食物都很美味，唯一是那招牌菜 "蟹粉小籠包"相對下卻有點失色。價錢很便宜，一百元有找，有4粒星(5粒為滿)。

之後上東望洋山，又要走回酒附近再行上山，很了很久，真的很像行山呢，我們都有點懷疑自己有沒有行錯路。途中有睇炮台和防空洞，上到山頂也有一點點景色。之後去搭吊車落山，卻發現在另一邊上山，就不用行那麼多路了。幸好我們在六點前下山，要不然，吊車沒有，又要再行落山了。

之後係去議事亭，這個地方，有印象以前去過，晚上景色比較靚，去了食雙皮奶，影下相行下，又去食野。又係旅行書介紹的 - 龍記，當然又係跟旅遊書介紹的必食推介來order。那個炒牛奶都不像預期中好，只是覺得有一點特色，最好還是個椒鹽九吐魚，有4.5粒星。

食完飯，去了觀光塔，唔係上個搭，而係去睇煙花，話九點，九點半才開始，未試過睇煙花都會delay咁耐。坐在海邊，不像香港那樣人頭湧湧，我們前面又沒有人頭檔住，煙花就在我們對出放。原本諗住一定好美麗，但卻出乎意料的，煙花的煙檔住d煙花，有煙冇花，都係第一次見，可能同得一隻船放有關，d煙散唔到，都係上次睇既好好多 (煙花1粒星)。

十點幾，繼續去下個景點，新世紀賭場，只係去見識見識，check呢樣check果樣先入到去，大家當場沒有賭錢，只是去了拉一拉老虎機，一拉，又沒有了兩元。

十二點，再去另一個景點，大三巴，我諗都無咩人會成十二點去大三巴，去到得小貓三隻，都應該係本地人，只有我們幾個旅客。上到去，晚上又是另一個感覺，都幾靚，又影影相。大三巴後面原來有得上去的，我都係今日先知，諗緊唔知比唔比上去，但係最後都無理，走左上去，雖然只有三層樓高，但係由於地下是通隆的，所以都好驚，感覺上又好似好易會爛咁，但原來上面影番落黎係好靚既。我地好快就走番落黎，想去四圍行下，點知個???醒既管理員就話呢到close左，叫我地走，好在之前未比佢發現，如果唔係就冇得上去睇(大三巴4.5粒星)。之後食宵夜，去番強記，太飽，只食少少，燒鴨粥ok架。

番酒店，等沖涼，四方城 (我諗都冇咩人去澳門帶麻雀去玩)。

第二天，早餐豬扒飽(不是大利來，3粒星)，之後去路環，試食葡tart(3粒星)，老字號都無咩特別，和肯得基都是差不多，可能只好一點點，去睇教堂，相很靚，真實卻只有十份之一宏偉，黑沙灣就像污染了的沙灘，還是鍾意石澳多d，去了葡式餐廳，想豪一次，嘩，要等成個鐘，野食ok啦，但都無想像中好(3.5粒星)，氹仔有很多博物館又去了買一些紐結糖，又要過番去觀光塔。

上左去，周圍睇下，肯比錢的話，可以行出出面，大家當然冇咁做到，話晒都幾十層樓高，反而我地玩另一樣野。有一度係玻璃地下的，下面就見地面，開頭大家都唔咁行係玻璃上，但係搞左一論都ok了(係果度玩左半個鐘)，天黑了，睇埋夜景就落番去。

見有時間剩，去番音樂噴泉旁的pub見識下，點知去到冇人，得兩圍?有人，坐低叫杯野飲，吹吹水就去手信街入些貨。入到去個個都比野你試食，食到好飽。中間有一段小插曲，我地去完鉅記和咀香園後，諗住走，點知比小店的八婆拉住，想捉我地入去買野，好在最後擺脫了，搭的士走人，去碼頭回港。

兩日的旅行完了，很充實，又很累。

澳門其實都ok丫，可能我地就算見到唔靚既景點，都會笑一餐。

下次有機會都會再去的。

Back