我的手信.....好多野食呀﹗
台灣四天遊
這個旅行只有四天，同行的係阿may和阿姨。今次是我第一次搭飛機出門，心情總有點緊張，我知是比別人遲了一點，因為我要等我賺到錢，才有能力去我想去的地方。而家實踐了，so great﹗
這個旅行團只有頭兩天是由導遊帶我們去不同的景點，第三四天就自己plan去那裏玩。這個團一行有十八人，大部份都是我們的年紀，而且有好年紀都比我們少，但他們大部份都比較靜，不過有個o靚仔好得意。
我們第一日先去了基隆廟口市集，其實只係一條街，入去試了苦瓜汁和一口腸，之後就走了。返回車，下一站是九份，九份比較多野行，又試了三種丸，d丸好大粒，大過粒乒乓波，又試了牛內麵和芋圓糖水，我地都買了很多東西，有笛、鎖匙扣、仙人掌，如果有多d時間就好了。
之後又搭車回台北，去了士林夜市，那裏有得行街和食野，我地行了一陣便去食野，我地三個加埋另外兩個團友，5人一齊去食野，咁樣就可以試多d款。入到去試了蚵仔煎，大餅包小餅，官材板，鐵板燒，炸雞扒，排骨湯等等 (有d可能忘記了)，因為趕住集合，所以大家都好衝忙。
之後就回飯店，那是一間溫泉飯店，但是我覺得水實在太熱，只浸了一陣就要上了水。晚上兩個團友有過了我地既房，我地間房很大，有成四張雙人床，我地一齊吃野食，因為之前在士林打左包，又再食過。原來大家都係東區人，helen細佬，阿姨同阿may都識，真係幾有緣。跟住搵埋個領隊黎一齊玩，原來個領隊仲細過我地一年，跟住又估下其他團友有幾大，又諗下我地明天要點去識佢地，咁就玩了一晚。
第二天早上吃早餐時我地都盡量去認識其他人，但係有d實在太靜了，唔知點打開話題，但係都大概知道叫做咩名。第二日有很多活動，去了中正紀念堂，靈芝茶藝館，見到個山地公主，搞到台灣好似好古老咁，叫我地買什麼靈芝，大家都冇咩興趣。之後去了士林官邸、國父紀念館、101、華納影城、京華商場，去了很多地方，但係都係走馬看花咁，但係其實又唔係真係咁多野睇，下午食了一人一鍋，都ok，晚上去了饒河夜市，又係食，胡椒餅和雞翼，跟住又買了一人一頂聖誕帽 (領隊都有份)，話晒christmas o麻，而且仲好平，只係港幣2.5元一頂。返到酒店都好早，之前話呢間飯店會好細，但係原來都ok，d房夠我地三個訓。見咁早我地就再出去，今次搵埋導遊和另外兩個團友tracy同阿燕，行左一陣，最後落了bar，不過間bar好細加冇咩人，我地玩足球機 (好耐冇玩了)，又玩大話骰，玩到一點倒，回飯店訓覺。今日我地5個熟了，都活躍了。
第三日，去了深坑豆腐街，d串燒豆腐都幾好食，之後又入去買了綠茶糕、花生糖和杏人酥糖，又買了一個小玩意，出來見其他團友都冇咩買野，係得我地一袋二袋，之後去龍山寺，果道真係一個好普通既寺，只係影了一兩張相就走人，華西街早上亦唔見得有咩睇，下午已是自由時間，我地先去書店街，分頭睇野，我地都係最遲走的，其他人一早就到了西門町，只有我地仲係度行，漫畫冇買到，只係買了兩本電腦書，見佢特價，都係廿幾蚊本咪買囉，但係要拿，所以都唔敢買咁多，之後去食左d野，又去了港記買手信，跟住去了西門町。個導遊講到好多野行咁，咪又係一個旺角，不過d野貴過旺角，所以我地都冇買衫褲鞋襪，之後join返一齊又去士林行街食野，紫粟米、炸菇(食太多了，都不能盡錄)，之後去了玩碰碰車，又陪領隊食野，我地對佢實在太好了。跟住返飯店諗下明天去邊。
第四日，遲左d起身，個 'morning call' call錯房，食完早餐出發，原來有一家團友都係去淡水，我地今日有機會搭捷運，去到淡水，都有野行，有d貝殼精品店，我地都買了一些手信，哈我又係買得最多。跟住入了一間奇怪博物館，有得睇莽蛇、美人魚骨、八腳豬標本、長頸龜等，都幾得意，買了鐵蛋、魚酥又搭巴士到漁人碼頭，果度都幾靚，影下相，見到有人在畫畫，睇左陣，突然間又好想好似佢地咁，但係要好努力練習先可以，唔係咁易，原本的故宮博物館諗住去唔到的，但係最後都有去到，去門口影下相，冇入去。因為去到都四點幾了，而博物館係五點收，入去都冇用。我地要五點半至五點九回到飯店，但係我地等左好耐的士都等唔到，好在最後都等到，返到去o岩o岩好，又係做最遲果組。六點鐘起程去機場，嘩原來我d野都好重，真係拿死人。去到機場影了少少相啦，雖然係車度拿了團友的contact no，但係唔知會唔會搵呢。搞完一輪，去了食野，又去換番港紙，最後又唔知點解搞到好遲，又係包尾，好在又剛剛好。
九點八起飛，十一點已到香港，四日行程就完了。
我的手信.....好多野食呀﹗