堂本光一陪你抄筆記        文：黎嘉雯 黎巧鎣       17/07/1999

        人氣組合Kinki Kids的堂本光一同堂本剛今季進軍TBS電視台，參演兩部重頭劇，成為本季風頭躉。TBS亦好識做，為堂本光一主演的《P.S.俊平,我很好!》出了一批產品，滿足光一Fans的要求。

       今次介紹的三款產品中，最有睇頭又最實用的，首選外貌似足劇本的筆記簿。呢本筆記簿雖然冇乜特別，但外形同內容都好簡潔，睇落十足一份劇本咁。而另一款商品電話繩除寫上劇名的膠帶外，仲掛住印有漫畫家柴門文親自執筆的漫畫公仔，都係好有 Feel 架。

       各位 Fans 去 TBS Store買筆記簿時記住買番本由Kinki雙子做封面，名為《Lovely》的TBS季刊。裡面詳細介紹劇集內容之餘，仲有好多彩照，唔買就笨。