堂本剛扮Q太郎賣新廣告        04/10/1999

        嘩！邊個孖潤腸扮到好似Q太郎咁。原來是堂本剛，這是他為資生堂化妝品拍的新出唇膜廣告。乜野叫唇膜？面膜就用來滋潤塊面，唇膜當然就用來滋潤嘴唇，但好似堂本剛一邊做唇膜，一邊周街走就認真少見。

       剛仔拍此廣告之前的一天，正在東京開Kinki Kids演唱會，但第二朝晨早五點就要趕到仙台一間商場拍攝，但剛仔不但沒有「烏」下「烏」下，而且還精神奕奕地食他最愛吃的納豆意大利粉。

臨記忍不住笑

        在拍攝期間，廣告公司一共請了一百位臨時演員到場拍攝，剛仔見到場面咁多人亦嚇了一跳。

        跟住這一百位老臨就開始扮途人，而剛仔就貼住個唇膜，拿住大聲公扮導演，可惜班老臨見到剛仔個樣好搞笑，個個都忍不住笑起來，搞到頻頻食NG，最後要剛仔執起大聲公大叫：「唔好用奇異眼光望住我，大家有咁遠閃咁遠。」之後才能順利拍攝完畢。