02年對你講係運氣比較起伏一年，生活中經常出現不公平現象令你憂心忡忡，而情緒低落又會造成心煩、失眠、心緒不寧等現象！記住現實係無得改變，與其令自己壓力重重，點解唔開開心心去面對現實呢？02年6月開始有貴人扶持，事業感情皆得意，但一有誤會最好第一時間主動去擺平，自以為是只會令自己得不償失咋！不過好運只會持續數月，到10月開始你就會麻煩多多，尤其同法律有關事情最好搵有關方面處理，以免受蒙騙。年底會有一蹶不振危機，注意與同事之間相處問題，最好發揮你合作精神，因為想從困境中重生要靠朋友支持！02年全年對金牛座講並唔易過，不過凡事樂觀去面對，就可以見到世界美好一面啦！

愛情

總括講，金牛座來年愛情運表現只屬一般，除非你能夠配合朋友幫助，愛情先會有較好成績，如果老友多幫忙更可能有更親密發展添！所以依家開始最好馬住你老友先喇！因為戀愛運普通，所以你一定要好好把握所有機會，多參加朋友聚會先會有結識異性機會，即使質素唔高對象都要好好維持友好關係，睇目標就叫朋友開口代你說明心意，o甘就大有可能由友情變為愛情喇！

事業

由於木星及土星同時移動，金牛座02年事業會一改之前不順，所有工作都能輕易掌握在你手，係豐收一年。不過幸運情形未必持續，8月土星會一次又一次o甘帶俾你考驗，但只要你正視工作上人際關係就可通過試驗得到成果。而良好人際關係會將你好運延續至03年添！另外02年金牛座好奇心旺盛，最好趁住呢個時機去增廣見聞，因為知識領域越廣，好運就會越接近你喇！

結論

運程：起伏不定

好運月份：6月

衰運月份：10月

幸運數字：6

開運顏色：粉綠色

吉利日子：星期五

幸運寶石：翡翠

有利地點：卡拉OK

好運方位：東北方

貴人星座：獅子座

小人星座：天秤座

吉祥物：純金項鏈