矮瓜
小傑呢日悶悶地,又覺得天口热,就一條友走去泳池游水,諗住消下暑咁,游左冇幾耐在池邊準備攤抖之際,見到泳池中間小駿畀一大班靚女重重圍住,有D仲投懷送抱添,令到小傑不知幾咁羨慕,流晒口水。
冇幾耐之後,小傑游完水,返去更衣室換衫,咁岩得咁橋撞到小駿,就膽粗粗咁問佢:「哥哥仔,點解會有咁多女仔圍住你呢?你就好啦!」小駿就好得戚咁話:「好簡單,你條泳褲入面放舊矮瓜咪得囉!唔信下次即管試下!」
到第二日,小傑照住小駿意思去做,但係泳池度浸半日,連一個女仔都冇埋過身,咁小駿就在呢個時候出現,小傑就捉住小駿話:「你又話塞舊矮瓜一定掂?點知一D效果都冇,女仔見到我,仲雞咁腳咁走添呀!」
小駿正摸不著頭腦,然後再望一望小傑條泳褲,就笑笑口咁同小傑講:「老友,冇人叫你放舊矮瓜响後面… … 」