「我覺得今時今日一個100分既少女， 會係『內涵』同『外貌』兼備．．．．．．」許樂未講完，就俾 Jerry 一拳打埋黎話：「咁未來阿嫂未會似叮噹定似Ｑ太郎．．．．．．」 ．．．．．．呢幾日Jerry同許樂都愁緊點樣為雜誌活動「一百分少女大募集」 搵緊１００分少女．．．．．．「最衰係你Ｒｅｊｅｃｔ左老戀揀既Ｍｉｎｉ啦， 而家搞到我地周街．．．．．．」許樂仲未怨完，就拉住Ｊｅｒｒｙ，跟住前面 個女仔，直到走入叫「漫畫王」既鋪頭入面：「由後面睇就知佢係．．．．．．」 呢個時侯個女仔擰過黎，許樂即刻轉軑：「知佢係『背多ｆｕｎ』啦！仲唔同 我去廁所嘔番ｄ隔夜飯出黎？」
佢兩個走番出黎果陣，撞到個對住塊鏡剪頭髮既女仔：「哎呀！我跌左副ｃｏｎ呀！仲唔幫我搵？」個女仔擰過黎講果陣，隻眼已經電到佢地兩個跪係度。
離開左呢個叫Ｃｈｅｒｉｅ既靚女之後，Ｊｅｒｒｙ同許樂走係街上面，你一言我一語咁講：「係我開門打中佢，所以我有權追佢。」聽到許樂咁講，Ｊｅｒｒｙ不忿咁講：「ＯＫ！公平競爭！」兩個訂左一大堆規矩，包括每次出街唔准用多過五十蚊，平日唔可以打俾Ｃｈｅｒｉｅ多過三次．．．．．．兩兄弟霎時認真起黎。
呢一晚，陰差陽錯之下，許樂同Ｊｅｒｒｙ約左Ｃｈｅｒｉｅ到兩個同住既屋企食飯，門鐘響起，西裝筆挺既Ｊｅｒｒｙ開門，但見到大包細包既謝祥根：「兩位大佬，細佬俾人迫遷，江湖救急，借宿幾宵！」許樂兩個未開口，Ｃｈｅｒｉｅ出現係門口，本來幾浪漫既「三人行」，變成左夠腳開台既組合。
食飯途中，口沒遮攔冇句正經既祥根突然話：「Ｊｅｒｒｙ，聽講話你同許樂正係度一齊溝緊一條係漫畫王度做既正菜．．．．．．做咩掩住我個口？」Ｃｈｅｒｉｅ鎮靜咁放下碗筷，話：「嗯！」四日後有個舞會，你地邊個有誠意，我就請邊個做Ｐａｒｔｎｅｒ！」兩個紅晒面咁應承左。
勤力既許樂以「巧遇」作攻勢，又向Ｃｈｅｒｉｅ展示自己決心學好跳舞既心意，相反，懶洋洋既Ｊｅｒｒｙ咩都冇做，只係有天藉詞去漫畫王借書，同Ｃｈｅｒｉｅ講舞會太俗，如果佢當日唔去舞會既話，自己可以陪佢，咁樣一講，Ｃｈｅｒｉｅ就決定同許樂去舞會，許樂高興到忘晒形。
舞會舉行當日，許樂成日都係度整裝待發，Ｊｅｒｒｙ仲係幾唔在乎，而Ｃｈｅｒｉｅ呢？話興奮又唔係，但係佢成日做野都心不在焉，好似有ｄ咩野意想不到既事會發生咁。
當晚，搞左大半日既許樂企係舞會門口等左好耐都未見到Ｃｈｅｒｉｅ．其實因為當Ｃｈｅｒｉｅ惄住出發果陣，Ｊｅｒｒｙ突然之間去到漫畫王，就係Ｃｈｅｒｉｅ踏出門口果陣唔小心將條裙整爛左，細心既Ｊｅｒｒｙ用釘書機幫佢修補，Ｃｈｅｒｉｅ看在眼裡，甜在心頭，兩人對果一刻，情不自禁，竟然拖住手跳起舞黎，時間就好似凝住一樣，當陶醉係浪漫氣氛既Ｃｈｅｒｉｅ記起要打電話俾等左好耐既許樂果陣冒，佢既手提電話突然響起黎，同時，許樂亦企左係漫畫王門口，拎住電話．．．．．．( 待續 )