首頁     支配人     友達      相片本     宅急便     大小人


這是我的生活小記，

願意和大家分享，請細看！        
  





  2006 年 10 月 10 日   星期二     晴天

今日係我生日，勁開心，勁多驚喜！
朝早收到媽媽給我的利是，價值$HXXX！之後我就預備返工，今日返 11 點至 8 點。一路都收到好多人 send 來的 SMS，祝我生日快樂，thank you！返到酒店第一個同我講生日快樂係精通多國語言o既JoJo，呵呵！收到阿 Sam o既 first class 咭，唔知點解好開心。個死人頭Samatha仲要唔食飯出左去買生日禮物比我！丫！佢地趁我去左拎貨，o係度預備生日禮物比我！哈哈！返返入去office，丫！Peter 返左黎o既，仲要喳住個蛋糕比我！好開心呀！唱生日歌同吹蠟蠋，許願。張生日咭好大張呀，係佢地自製架！好有心思同好靚。好鐘意。個死人Samatha仲比左個 drop flow 袋比我叫我 drop flow 喎，原來入面係條我辛左好耐o既BV手帶！丫，我之前有講過，佢地竟然真係買左比我！嗚嗚！好靚好鐘意呀！Berlinda送左個DIY o既公雞比我，多謝！佢要自己填顏色的！呵呵！影相！之後Leon黎左，我走左出去Lobby greet 佢，招呼佢！雖然我知道我 d 同事好忙，但係唔理咁多，唔好意思呀！Leon送左條Burberry Boxer比我，同佢影左幾張相，又湛茶同比野佢食，認真大大VIP！Hamid 又見到佢，呵呵！我 d 同事話佢幾靚仔同個 feel 同我差唔多喎！hehe......傾左陣計就要返去做野！Thank you！
放工約左Irene佢地去食飯。遲左半個鐘先走。估唔到佢地o係我酒店門口等我放工，哈哈！d 人以為佢地等邊個明星 tim。有Irene，Ling，Van同Connie，thank you！又係另一驚喜！我地好似 d 遊客o係度影相，影Ritz-Carlton，影中環。仲撘叮叮去銅鑼灣食野！好開心佢地百忙中，勁累中，勁眼訓中，聽日返早中，都抽到時間出黎同我慶祝生日，lee 個我已經好開心同好滿足。佢地仲送左件無印衫比我，不過我驚唔o岩 size！thank you。食完飯就走返屋企 lu！
今年生日真係好開心同好難忘。多謝你地！









  2006 年 6 月 11 日   星期日     雨天

今朝早終於出太陽喇！所以我就約左 Angela 同埋 Tiffany 去赤柱。呵呵！暑假的最後一天可以去玩，真好！
我地撘地鐵去中環然後再撘巴士。好多外國人呢！架巴士都好搖！上車已經o係度狂食野！唔洗一個鐘就到左。一到左就即刻落雨，哈！所以我地就去左間赤柱茶餐廳到食 lunch。(下面幅相)食完都仲係落雨，都照行，赤柱大街！買野，去左美利樓，好多餐廳，又想食野！去左海事博物館。去睇千年古井，好似好恐怖咁！再去赤柱廣場，食Mc cafe。之後就撘巴士返屋企了！
今日都幾好玩，下次要去沙灘玩，要買架船浮出海！





  2006 年 6 月 10 日   星期六     陰天

今日返左poly，教Leon彈琴。佢送左份開工禮物比我，thank you！
學完琴，由於時間尚早，所以就去唱 k ！都有成 4 個月無同佢唱 k 了，奇蹟！之後行尖沙咀，亦都好耐無同佢行街了，次次我都要趕返工而冷落左佢。今次終於可以行街 shopping。買左野。and then 返屋企！
GPA竟然好過 sem 1，神奇呀！




  2006 年 6 月 8 日   星期四     雨天

今日約左Irene去唱 k。佢遲大到呀！30mins咁多！我就自己一個唱左30mins k。原來自己一個唱都幾悶！唱左3 個幾鐘！之後行左陣尖咀，見到吳卓羲o係Fancl House買野！之後佢約左人，我就去學日文。勁耐無學過喇！又落雨了！




  2006 年 6 月 6 日   星期二     雨天

sales last day了！向Ritz-Carlton 邁進！





  2006 年 6 月 3 日   星期六     雨天

今日返左polyu，交埋張copy比阿Chris。某人真的好很廢拉柴！
教 Leon 彈琴，最衰佢屋企無琴，無得practise！之後就去銅鑼灣返工。
都無乜野做，今日係3rd last day，仲有 2 日就完了。其實我都幾想快 d 開始我個 placement，睇下會係點！夜晚收九點，返屋企！




  2006 年 5 月 31 日   星期三     雨天

都係落雨！同左Angela去旺角，買唔買鞋好呢！？




  2006 年 5 月 23 日   星期二     雨天

今日去左大嶼山。同埋去左中環，買左一樣野！




  2006 年 5 月 15 日   星期一     太陽

今日考試，考完去左食元氣壽司，第一次食！呵呵！
考完試先至黎打風，希望可以快 d 陽光普照！
我想去海洋公園，去BBQ，去CAMP，去沙灘，去離島呀！




  2006 年 5 月 13 日   星期六     太陽

今日鋼琴堂，係第 7 堂了！進度有點兒慢左 d ！之後同Leon一齊食 lunch，就去銅鑼灣返工。食 KFC。Leon 黎左探我班，狂興奮呀！
已經拎左 marketing plan 個分，好掂喎！




  2006 年 5 月 11 日   星期四     太陽

今日考試，都ok o既！考完去左唱 k。有connie、irene、ling、ruby、van。一路唱 k 一路溫日文，因為我要返去考日文。$27 唱 k，勁抵！我 d fds 成日有jetso！考日文，毫無難度，不過又未至於滿分！之後去銅鑼灣 join 返佢地。由於我早到左，所以就去左買 agnis b. 的萬字夾。Connie 好豪咁用左$5000 大元，變態！and then同Angela 去 kfc and mc 記食野！之後學日文，遲左一個鐘加訓左1 個鐘！勁眼訓！




  2006 年 5 月 8 日   星期一     太陽

今日好曬呀！好耐無見 d 同學仔了！好想同你地傾計！
考marketing唔識！但應該 pass 到o既！我 d fds 去pizza hut 食野，不過我約左 Leon o係 poly 學琴！所以我無得去！佢竟然無帶琴譜！咁都得！不過都可以教第二 d 野！又影左幾幅相。食 pizza hut，撘船去灣仔拎身份証！之後去 apm，買左野，一共$810，好彩有個 9 折！呵呵！Leon，有好野當然要一齊 share 啦！





  2006 年 5 月 6 日   星期六     太陽

今日返銅鑼灣，但係要去尖咀拎貨先！有記者去左我地間野到影相，攪到亂晒！cwb 無乜人！7:00pm放工！食 kfc，再o係銅鑼灣行下！Leon o係中環，約左一齊o係銅鑼灣行，太好了！佢買左好多野，我睇中左 d 野！呵呵！行到成十點幾先走！仲見到陳宇琛！
返到屋企 check e-mail，先知原來今日考日文，我無考到！攪錯！




  2006 年 5 月 4 日   星期四     陰天

今日去左Ritz-Carlton做制服。唔靚！
之後去左 ifc，竟然買左野！再上左去空地溫 marketing。不過太大風，溫左陣就走！
去灣仔學日文，坐左o係 Mc 記溫書，同Angela食 Mc 記！





  2006 年 5 月 2 日   星期二     雨天

今日返工，連續 8 個鐘，餓死！不過有錢，返得過！
之後約左 Angela shopping 同食 pizza hut。落大雨，走唔到！o係 harbour city 行。細返 d ，都照行喇！




  2006 年 4 月 28 日   星期五     雨天

其實我係米真係咁可怕，咁恐怖呢？連我自己都有 d 驚，有 d 唔係咁 like 自己！




  2006 年 4 月 27 日   星期四     陰天

今日返晏！last day of sem 2！好開心！last day of year 1！yeah！考左waiter 了，都比想像中易！我已經將 Jack 恨恨地嚇倒了！anyway，happy to have known him！
放學去學日文！同Angela食 dinner，跟住就返家了！




  2006 年 4 月 26 日   星期三     陰天

今日好開心，sem 2 就黎完了！攪掂左 GE essay，真好！上 STAFFING Tutor 影相，好開心！阿Jack真係超攪笑加低能！放學去左食 lunch！傾計傾到成 4:00 先走！去返工，free！
今日見到 Kenny，第一次見到佢係o係旺角，o個時好佢樣衰，今次佢靚仔左，有 d 想叫佢影相，but anyway，it's okay！





  2006 年 4 月 24 日   星期一     有雨

今日都幾開心，可以狂傾計，狂食野。但係就有 d 黑仔。
我的朋友都有打算住Hall，聽落真係好好玩，我都好想住。不過最後決定都係唔住！我可能太需要私人空間了。
放學等巴士等左一個鐘，救命！我屋企人突然打黎仲話黎車我，oh！so GREAT！




  2006 年 4 月 23 日   星期日     太陽

估唔到我有咁多野做都仲可以花成幾個鐘時間去整網頁，勁！
GE essay 的進度，300字over 2700字，真煩！
如此好天氣卻要待在家中做功課，浪費！




  2006 年 4 月 22 日   星期六     太陽

今日返左poly，教Leon琴，教唔到 d 乜，係度玩！浪費時間！玩影相。之後去新港 foodcourt 食 lunch，超貴！
返工，好耐無見我 d 同事喇！HELLO！夜晚勁忙，本來放 9:00 變放10:00，好彩有得補水，同埋有人買下野！
收工去左 24 小時 M 記食野就返屋企！




  2006 年 4 月 2 日   星期日     天晴

今日同左Leon一齊去中環行街！好耐都無 shopping 喇，咁o岩又出左糧，所以可以大shopping。去左Bape，佢 4 月 1 日開張。都幾有日本 feel，買左條電話繩！Leon 就買左件 tee！
好開心，今日係好有旅行 feel，可能因為我地今日好早，11:30就出到去中環。原來中環都有佢舊o既一面架！仲去左「三更」拍攝o既場地，有種恐怖o既氣氛！跟住行埋 ifc 同置地！four seasons o個邊好寧靜，勁休閒 feel！I love Central so much！
如果真係去左旅行就好喇！




  2006 年 2 月 20 日   星期一     多雲

今日放學同 Irene 去食壽司，好味！之後去海港城行左陣，o係個港運個許願池許左個願，放下了 2 元，哈哈！不過真係希望願望會實現！一定要呀！あきらめるな！
Angela，生日快樂！




  2006 年 2 月 17 日   星期五     多雲

好耐無打過喇！差 d 唔記得左點打！
一個信封一個希望，一定要得呀！
sem 2 的生活開心過 sem 1，唔知點解，可能無咁多功課要做！同埋上侍應and廚房堂好好玩！




  2006 年 1 月 4 日   星期三     多雲

好悶呀！正在無野做搵野黎做中！



  2006 年 1 月 1 日   星期日     太陽

新的一年了！新年快樂！
今日同 Leon 去唱 k，佢今日有蘋果日報o既 article。比 d 相大家睇下！Leon，congratulations！




  2005 年 12 月 30 日   星期五     有雨

約左 cccss 的 fds 去唱 k！
其間 HTM 2113 個 macau project 發生左 d 小插曲，但係我地 handle 到喎！一場角色扮演o既遊戲！



  2005 年 12 月 27 日   星期二     多雲

約左cccss的 fds 去食飯！有 kennix，debby，同阿英！今日我地真係狂食野law！好開心，好似去左台灣o個 d 咁，由街頭食到落街尾！仲影左相！我鐘意小人 多過 多人！之後佢地走先，我就去尖咀 meet Angela！
丫！佢買左禮物比我呀，好開心呀，勁鐘意呀！呵呵！第一次收到 lee d 禮物law，係我o既第一條CK，哈哈！唔會著的！要黎留念！呵呵！之後我地去左影相，傾計。行到0030先走！yeah！

CK


  2005 年 12 月 26 日   星期一     太陽

約左poly fds去BBQ，我又早到左一個鐘喇！救命！好彩可以一齊去霸爐先！有我，Irene，Van，Jason，Ling，Ruby 同 Connie 一齊去！yeah！好開心可以約到大家出黎玩！今次應該係第一次o係非返學日子約poly的 fds 出黎玩，所以特別有意思呢！交換禮物，第一份收到o既聖誕禮物！hehe！BBQ完大家坐左o係亭到傾計，加大嗌，加飲酒！傾到2330先走！好似成0130先返到屋企！

全人相靚相Ling幸運抽中我o個份
抽中Jason o個份假情侶


  2005 年 12 月 25 日   星期日     太陽

今日本來留o係屋企諗住睇個頒獎典禮，不過之後同左Angela去旺角！我o係地鐡站入面坐左一個鐘，等佢！不過唔關佢事，係我自己早到左姐，訓著左！
1830去到旺角，食左野先！佢買左好多野，我都買左 d 野比 Edward，希望佢會好好努力讀書！
行左咁耐就去左許留山飲野！影相。Angela，thank you 你呀！你係最知道我心入面諗乜o既人！0100先返到屋企！



  2005 年 12 月 24 日   星期六     太陽

今日朝早去左 APM 見工，見到Pheobe，佢仍然係好靚女！
平安夜，去玩！約左L同E，咁快又一年了！今年去唔到海旁呀我地，封晒路！白痴！都唔知 d 人點出到去！所以好早就走，不過都成0130先返到屋企！thx！



  2005 年 12 月 23 日   星期五     太陽

我要搵 part-time 呀！
考晒試，可以放一個咩都唔洗理o既假，放到傻！
聖誕節約左唔少人去玩！不過我都未買到我想買o既野！又無錢，真慘！



  2005 年 12 月 19 日   星期一     太陽

lee期無乜運仔！
好彩我有 lee 支哥仔！



  2005 年 12 月 6 日   星期二     太陽

乜 present 完唔係應該有種釋放o既感覺架咩？



  2005 年 11 月 30 日   星期三     太陽

非常憎自己做野毫無效率可言！
12月，浪漫的聖誕節來臨了！同 fds 一齊都可以好浪漫，hehe！好期待今年o既聖誕節呀！



  2005 年 11 月 27 日   星期日     太陽

整緊個網頁 d 相！陸續有黎！



  2005 年 11 月 26 日   星期六     太陽

以下係我o既sem 2:
2105 sem 2, 2108 sem 2, 2111 lab 5, 2112 lab 5, 2121 sem 6

POLY FDS@會展 visit


  2005 年 11 月 25 日   星期五     太陽

今日終於出左 sem 2 o既 timetable。分開晒我地！到而家為止，我只係同Irene係 exactly the same 喳。ling 同 ruby 就 90% the same。無lu！少少唔同可以接受到，100% 唔到，就真係......我只係怕macau lee 個 project 係 last 一個同Kevin and Friends 的人一組！調唔到組都唔緊要o既，米當識過 d 新o既舊同學 law！
Macau project，要開始做了！我係唔會比我o個組o既人拎低分架！



  2005 年 11 月 23 日   星期三     太陽

今日無返學，留左o係屋企溫書。雖然唔係溫得好 efficient，但係都好過返學校。
好開心呀，今個星期一同左 poly d fds 去影貼紙相。星期二又去左唱 k ，好好玩呢！愈黎愈鐘意 lee 班同學，lee 班 fds。希望sem 2 唔好拆開我地呀！千祈唔好！
關關難過關關過，hehe......好多功課都攪掂晒，而家仲有 Macau o個個 project 姐！之後就考試！之後sem 1 完成！呵呵！



  2005 年 11 月 17 日   星期四     太陽

正所謂家家有本難諗的經，睇返同學 d 網上日記，原來好多人都有佢自己o既唔開心！點解會係咁o既？可能係因為太家黎自唔同o既背景，有唔同o既目標，所以有唔同o既要求！有時覺得 lee 個世界真係好現實。我亦都有自己唔開心o既野！不過唔會係學業上，唔會係感情上，唔會係工作上。
好 enjoy 自己一個人o既時間，又或者身邊 d 人全部唔識我o既時間！



  2005 年 11 月 16 日   星期三     多雲

今朝係勁少人返學，可能因為凍左o既關係啦！我都唔想返 actually！
好想去唱 k 呀！幾時可以呀？



  2005 年 11 月 15 日   星期二     多雲

好憎 d 人無時間觀念！明明係約左，又唔見人！好彩我唔係準備左好多姐！



  2005 年 11 月 14 日   星期一     多雲

今日 present，今日 hotel visit。
present 得幾好丫！好多野做，唔打！



  2005 年 11 月 13 日   星期日     多雲

第 26 課o既日文開始好難喇！一定要加油呀！
好想快 d 到星期一，因為我好想返學呀！聽日千祈唔好落雨呀！聽日有野攪呀！



  2005 年 11 月 9 日   水曜日     暑い

今日はちょっと楽しくなかったです。
あしたよくなると思います。今日、僕はJASONさんとIRENEさんとACさんに「どうもありがどうございました」と言います。


  2005 年 11 月 8 日   火曜日     暑い

Jason さんはきょうがっこうを休みましたから、ちょっとう心配ですね！病気がありますね。お大事に。頑張りましょか。僕はいっしょに習いたいです。



  2005 年 11 月 4 日   星期五     太陽

今日專登返左學校開會，估唔到個會係咁o既law！
今個禮拜都 ok 啦！唔知打乜好！唔學德文lu，已經quit 左！我已經無晒錢喇！好想搵到一份我鐘意o既part-time呀！
功課好多，亦都就黎考試！sem 1 亦都好快會完がんばります！



  2005 年 10 月 28 日   星期五     太陽

又一week！好驚！
同學們幫我改左個名叫「力夫」，話我個頭似喎！不過我個頭髮好快長返，到時又要改名了！不如叫阿 wing 啦！呵呵！it's winging.
要繼續努力！
要多謝Edward o既諒解，我唔想驚住咁去！sorry！但唔洗擔心呢！
specially thx to Angela.



  2005 年 10 月 21 日   星期五     太陽

d 相 d link 死晒！真係煩！唔得閒整住呀！我諗我都打唔到日記，只可以打返個週記啦！
今個禮拜，唔開心！好在有 fds share！
終於測晒驗，過左一關，但係都不太理想啦！測完驗仲有數個 projects 等住我做，help！唔明點解 d 人話上大學係 hea，但係我一 dd 都唔覺！激多野做呀！



  2005 年 9 月 18 日   星期日     陰天

我想去買書呀！買o個 3 本野，快 d 攪掂佢！



  2005 年 9 月 17 日   星期六     陰天

我要增肥唔要減肥！



  2005 年 9 月 3 日   星期六     陰天

今日同 Ed and Le 一齊出街，好開心呀，呵呵！
我地今日去左旺角，好多人呀！好迫同空氣好差law，唔太鐘意lee 個地方，又無乜野行咁！間唔中黎一次都 ok o既！Ed 買左隻錶呀！估唔到咁快就買得到 law，我仲諗住要睇晒所有店tim！豪！爽！之後就去食野，去左間 cafe，唔多掂 law 我覺得，要繼續做落去就真係要下多 d 苦功喇！o係o個度都坐左好耐，又玩又發晒癲咁，因為o個度只得我地 3 個客law！之後我地就去朗豪坊行，買左 d 野，探左 Le 個 fd，跟住 Le 就要走先喇！我同 Ed 就去左奧海城。睇佢o個間野，睇左好耐！呵呵！你得o既！之後就走lu，去左中環！我真係好鐘意IFC，o個度 d 衫好靚呀！我想做有錢仔呀！買晒 d 衫去！但......見到章小惠！眼大！之後我地就去食野，好好食！Ed 仲有艷遇，比女遼！妒忌佢law！開心死佢！之後就走lu！
今日真係好開心架！



  2005 年 8 月 31 日   星期三     太陽

等我同大家講返聲先，我而家唔洗返工lu！我讀poly HD HOTEL MAN呀！
今日係第一日返學。琴晚真係有少少訓唔著架，話晒我都有成 2 年無返過full time o既學喇！都唔知自己仲適唔適合返！今朝去induction day，識到一個讀tourism degree o既人，Roy，不過我地好快就分返自己o個科！分左科之後，我就開始左我o既悶爆時間喇！因為我無去到O'camp，一個人都唔識，而其他人已經一堆堆咁！不過算啦！食lunch o個陣去左報埋個名，之後去左元綠食，要慳返 d 先得喇！之後就去做制服！又自己一條友，好悶呀！臨差唔多走得o個陣，就有 d 同學同我講野了！lee d 真係我 d 同學，都係 HD hotel架！第一日見我 d 同學，有 d 好似好細個咁，都有 d 靚仔靚女。之後我就去print野，再去左中環報埋個考試。返屋企，竟然比我見到Kennix 喎！咁o岩o既，傾左陣就落車喇！
聽日又要返學了！



  2005 年 8 月 29 日   星期一     太陽

今日同左Angela去沙灘玩。去沙灘，我真係由夏天開始講到夏天差唔多完架喇！但係都係去得 2 次喳！終於都去lu，yeah！好開心呀！玩玩下又落雨！不過好正！希望個暑假可以長 d，玩耐少少！



  2005 年 8 月 13 日   星期六     雨天

星期一去上海 lu，同屋企人去，去到20號返，yeah！
我去完旅行就要返學喇！好開心，可以做返學生，唔洗搵工，hehe。



  2005 年 7 月 22 日   星期五     陰天

病左幾日喇！唔該快 d 好返啦。攪到我乜都做唔到！



  2005 年 6 月 28 日   火曜日     暑い

きょうKennethさんに約束がありました。私達は午後2時に九龍灣でカラオケをしました。しばらくでしたね。4時間くらいかかりました。歌をたくさんしました。樂しかったです。それから、Kennethさんは友達に會いましたから、私は姉と銅鑼灣へ旅行の事しに行きました。一緖食事しました。


  2005 年 6 月 27 日   月曜日     暑い

きょう紅さんとArikさんと車で將軍澳と土瓜灣と北角へ行きました。紅さんは犬がいます。とてもかわくて、小さいですね。


  2005 年 6 月 26 日   日曜日     暑い

きょう仕事をしました。私はAngelaさんと妹と一緖行きました。いい天気でしたねから、私達はいろいろな所へ遊びに行きました。車で赤柱や石澳などへ遊びました。寫真を2、3枚撮りました。Swimming suitを持って行きませから、泳いでいけませでした。殘念でしたね。


  2005 年 6 月 20 日   星期一     太陽

琴日同Leon講開做gym，咁o岩佢又想做，所以我地今日就約左去做GYM 喇！去左一個私人會所，好大好靚，但係好有大陸feel！好似 d 咩xx園 d 會所咁！哈！o個度都有幾多野玩，我地打左機啦，錄左齡啦，做左GYM啦，玩左2個鐘，有d累，便走了！琴日同佢見到William呀！之後o係銅鑼灣行左陣便走了！返屋企睇「鬼娃娃花子」！



  2005 年 6 月 16 日   星期四     有雨

今日係阿紅生日呀！佢同佢班中銀同事同埋我一齊去左元綠拆一餐，因為佢今日有生日優惠，半價呀！佢有2個同事都讚我呀，攪到我好開心呀！呵呵！佢地話我 d 皮膚好同埋膚色靚喎！thank you！我仲未買禮物呀！so sorry！不過真係好耐無同阿紅去街去玩喇！好期待會再有機會！
再夜d，Angela辭左職喇！為左慶祝，我地撘左E22去機場呀！哈哈！當遊下車河，幾relax！其實我都有 d 想返機場做，anyway，隨緣啦！見到幾個舊同事，希望佢地可以快 d 走得甩！o係機場行左個圈就走 lu！撘E22A！無聊得幾開心的一晚！



  2005 年 6 月 14 日   星期二     有雨

今日要開工，揸車送貨呀！朝早去左將軍澳接Angela先，佢幫我手呀，thank you！我地周圍去，又周圍食野！最開心係可以散晒 d 貨走law，同埋做完野之後可以去食野！超正！去左扒王之王，勁抵呀！$55 2 個人喎！嚇親！之後因為今晚約左鄭記的朋友，所以就送佢返屋企先！迫左架車o係新都城！就去食飯了！
有昌、Suki、Jeffrey、芷慧、葉知、人妖、stone，我地傾計傾到11:30先走呀！



  2005 年 6 月 6 日   星期一     太陽

今日做左小老師，同 ED and  Leon 去左城大練 oral，因為佢地就快要考喇！練左成2-3個鐘呀！成日見到 d 大學生好似好無聊咁，讀埋 d 垃圾書，覺得好彩自己無入大學讀書！哈哈！不過，或者lee個只係安慰自己讀唔到大學o既藉口啦！之後我同Leon都唔想返屋企住，ED 就走先，我地去左銅鑼灣！我竟然買左野law！買左Nature's野呀！個slaes平左$100比我呀！本來唔買都變左買！ 



  2005 年 5 月 27 日   星期五     太陽

今日同左個舊同事 Grace 一齊去見工，我地去見 ZARA ar！真係好，可以著 causal wear 去 in！亦都好耐無見Grace 喇！o個個interview個arrangement 都幾好，好過KA 好多倍呀！都幾滿意！in 完行左陣便走了！



  2005 年 5 月 22 日   星期日     太陽

今日原來係入夏以黎最熱o既一日，有成32度呀！
由於爸爸媽媽返左大陸o既關係，架車就留左比我地去揸喇！

今朝7:00起身，8:00就落街喇！因為8:00之後可能會有人黎抄牌！上車！出發！有姐姐，妹妹，我，東芝四個人！好似去旅行咁！我地首先去左將軍澳食早餐先，妹妹揸車呀！好煩呢！要搵位泊！泊左o係寶琳巴士站到！食完就o係將軍澳兜下，去接埋我家姐個男朋友！佢都識揸車架！跟住就可以話係在晴朗的一天正式出發喇！

我地首先去清水灣郊野公園先，好曬呀！所以行左20分鐘倒就走lu！大約11:00去到清水灣，嘩！見到個海灘喇！好多人呀！又無位泊車呀！所以我地就走lu，哈哈！去西貢食晏先！仲買左沙灘波、帽•••食完再行陣就走lu！再去過清水灣，仲多車過頭先，要等位law！不過好彩夠lucky，我地好快有位，yeah！2:30就可以落去玩lu！晒太陽，玩水，玩波，食野，hehe！好寫意o既呢！4:00到就走lu！返一返屋企先！之後去九龍塘，因為阿文(姐姐男友)去操車！佢自從考左牌之後5，6 年無揸過喇！跟住我細妹送東芝返屋企，又去左葵興o個邊！勁！之後就替媽媽做埋d野，返屋企食飯lu！好 free o既一天！



  2005 年 5 月 21 日   星期六     太陽

今日爸媽返大陸，然後架車就交左比我！所以我今日揸車返學，學日文！由9:30到3:30 呀，真長！之後就要開工，因為成架車都係貨！好彩我個 fd Angela，話出黎幫手喳！不過佢都無乜點幫過手喎，仲成日話走得未 tim！哈！不過有人陪我已經好好！之後因為仲有成 2 個幾 3 個鐘，所以佢提議上山頂！不過到最後，因為山頂同淺水灣都幾近，所以我地去左淺水灣，我想去海灘多d！勁多自由行呀！救命！由於我地係即興就黎，所以我地乜都無帶，無得暢泳一番！只係o係o個度坐左陣，食下雪糕！走lu！又要去做野，then去左北角食日本野，唔太好味喎，同埋都幾貴！Angela 個細妹o係o個度做呀！hehe......所以有個 free desert！之後就返屋企喇！因為聽日要好早起身，所以無去其他地方lu！



  2005 年 4 月 24 日   日曜日     暑い

きょうRonnieさんとJohnnyさんと尖沙咀へ行きました。そちらは國泰のしゃいんです。樂のしいでした。下に私達の寫真がいます。


  2005 年 4 月 16 日   土曜日     冷たい

きょう先生に尖沙咀で日本語を習いました。それから、うちへかえりました。



  2005 年 4 月 15 日   金曜日     冷たい

けさGraceさんと佐敦のNewayへ行きました。
きょうの晩家族と旋轉のレフトランヘ行きました。あちらは62階です。高いですね。



  2005 年 2 月 10 日   星期四     太陽

年初二，去睇煙花！
今日去左銅鑼灣o既一間餐廳食 buffet，有成八十幾人呀！o個間餐廳o係 38 樓，所以我地可以一路食一路睇！大約6:30，我就做左護花使者，不停地來回接大家去 EDEN RESTAURANT，行左好多轉呀！最尾o個個竟然係我個 fd，Angela，喎，攪錯呀！7:00倒就開始食野 lu，d 野都 ok ，但係款就唔多。8:00，放煙花喇！嘩！最鐘意係個金海！之後仲有大抽獎，我中左呀，呵呵！then就回家 lu！今個年初二都幾好！最特別當然係有 fd 一齊過，唔單只係親戚啦！



  2005 年 2 月 9 日   星期三     晴天

恭喜發財！新年快樂！
今日朝早同左屋企人拜年，之後就去嫲嫲道，坐左陣就走喇！
跟住就去大舅母度，我細妹揸車去呀！佢地今年有 2 間屋呀！係勁喎！o係o個度同個細路玩，佢幾好玩！傾下計，坐下就走喇！
跟住就去大表姐屋企，坐下就走喇！
每年我地都會去o個個唔知咩公園度影相，係指定動作！但係因為今年有揸車，所以就無去喇！一家人出左去尖沙咀，食咖哩，不過o個日好食 d！之後就買左 d 野食去飛峨山！嘩，好恐怖呀條山路，超黑，一 d 街燈都無！經過九曲十三彎先上到山頂，嘩！係幾靚喎lee邊，仲有 d 凍架係！周圍都好黑好靜，我地o係o個度食野加影相！但係太黑好難影呀！之後就落山走lu！
今日幾好玩！



  2005 年 2 月 6 日   星期日     大霧

今日要食團年飯，無野好食！




  2005 年 2 月 5 日   星期六     大霧

今日約左Phoebe，Grace同佢bf去食咖哩！好耐無見喇，又精神左喎！Phoebe 成日都話要食咖哩，今日終於去到喇！o係尖沙咀重慶大廈，o個度有好多阿义义呀！我地好快咁沖左入去，因為佢地狂派傳單比我地呀！原來咖哩係可以咁好味架喎！超正又低食，係正宗咖哩，好香好正呀！食完就去shopping，izzue咁快換晒季o既，太快喇我覺得！之後我地o係 starbucks坐左陣就走喇！
Phoebe o既介紹係正架！




  2005 年 1 月 27 日   星期四     天陰

今日好鬼早起左身，7 點鐘，有 d 唔願起身呀！諗起以前返機場份工日日要凌晨 5 點幾起身，真係超越左自己o既極限！換好晒衫，8 點就出門口去旺角喇！今日朗豪酒店約左我 interview。好早去到。用 staff channel入，入面成個迷宮咁，好混亂呀我覺得！我仲見到 d 廚師，著晒廚師衫咁，見到都黑人僧！怒啤！原來我係咁憎 d 大廚架！lee 個全因為我以前做意大利餐o個陣比過個大廚鬧o既後遺症！憎憎憎！
Interview 了，十一個人唔同 post 一齊 in，哈！都好，睇到其他人 d 表現。等左勁耐 law，我係第十個呀！11:30先攪完，希望會有 sec in 啦！不過唔請機會大，因為佢o係度問我：「你有無對其他 post 有興趣」，我答左無！Thank you Grace 講左咁多野比我知。
行旺角，無乜野行，d 舖都未開！
之後去左葵興交張 form，好累呀！今日行左好多路呀。




  2005 年 1 月 26 日   星期三     中霧

今日o係屋企睇左兩隻 vcd，一隻係「阿孖有難」，幾好睇！另一隻係「龍鳳鬥」，唔好睇！我 d 影評只係有好睇同唔好睇，比較膚淺！
展望明天，我會去旺角走走，看看有什麼心頭好！




  2005 年 1 月 25 日   星期二     有霧

今日o係屋企睇左隻 vcd，“What Women Want”，都幾好睇。
加左幾幅相o係頂！




  2005 年 1 月 24 日   星期一     太陽

悶都悶左幾日喇！快 dd 搵我啦大家！病好了，應該！
今日約左Angela食lunch，小南灣，好多學生呀，不過我已經唔係著住校服o個 d 喇！食完就去理下財再去佐敦的 HKU SPACE 報左個日本語課程，讀 5 個月倒啦，一定會繼續讀落去架我！我而家O既目標就係報好多好多 courses，希望搵到一份 part-time做，lee 個 pattern 可能會持續一至兩年！oh！兩年呀！真係好耐呀。
諗前途 lee d 野其實真係好鬼煩，唔理喇！報晒 d courses 先喇，再諗就遲喇！





  2005 年 1 月 12 日   星期三     太陽

今日夜晚同左班舊同事去旺角打邊爐。首先我同Ronnie and Kison 一齊會合左先。佢地竟然話我殘左喎！殘過返工o個陣喎！死架！算！陪左Ronnie 去釘耳，見到佢眼有淚光喎！之後行左陣就去食野喇！見返 d 舊同事，丫！好有親切感，對左7 個月喎！今晚都發現左唔少野，個Kison一到2300就會開始•••對住個相機擺 post 架喇！好邪呀！大約0030走啦！返到去同個國泰空姐傾左陣電話，又比我地發現左好多野喎，好攪笑呀！0300先訓。





  2005 年 1 月 10 日   星期一     太陽

今日同 Arik 去街！好耐無見佢喇！首先我地一齊去灣仔還左個 modem 先，然後就行去銅鑼灣 shopping 喇！雖然只係相隔一個站，但係原來要行好遠下架！行到好支力就去別府食晚餐先，無人，真係正！之後就買野。Arik 買左好多野呀！時間真係過得好快，要走喇！拜拜！





  2005 年 1 月 1 日   星期日     太陽

新年快樂，Edward 就生日快樂啦！

今日係最後一日o係 Jardine o既假期，我留左o係屋企睇電視同打機！聽日係我的 last day了，過左聽日，我又要開始搵工喇！呵呵！終於走得甩喇！不過始中Jardine的人和事都陪左我 7 個月，都有 d 唔捨得架！





  2004 年 7 月 29 日  下雨  

今日放假了，好耐都無 update 返 lee 個日記喇！不過唔知又會有幾多人見到呢？無計啦！我都唔得閒理佢喇！

而家日日都要返工，一個星期返六日，遲 d 就可能一個星期七日 tim 呀！lee 間公司成日都以為有錢係大晒，狂逼人返工，返早。日日起身天都未光呀！落到街都仲係黑漆漆的！所以日日都係好眼訓，一 d 精神都無！不過，好彩大部份同事都好好人，個個都好睇住我，thank you！但係當然有 d 就懶晒係野咁啦，o係度教我做野，又暗寸我，都唔知佢點解要咁喇！我自己有自己做事的方式，唔滿意o既就唔該你幫我做埋喇！唔做就唔好出聲！出聲又幫唔到我手，攪到我 d 野亂晒。真係好想好似以前意粉屋o個次咁罵佢！





  2004 年 6 月 19 日  太陽  

今日o係機場見到容祖兒呀！佢個身形幾 ok ，見到佢好nice 咁同 d fans 影相同傾計。本來我都想同佢影相架，但係我又開緊工喎！所以望左幾眼便算了！睇返報紙，原來 Eason 同 Aron 都有去到，佢地去濟南。

今日係 last 一日跟 Elaine 師傅了！謝謝她這 2 個禮拜的教導，我和 Grace 會 try our best 架喇！






  2004 年 6 月 15 日  陰天  

今日係我第一次著住公司制服，等左三個禮拜終於都有喇！好彩都唔係話太差，但係件褸就細左小小咁。返到機塲先換，攪左成半個鐘都有，下次都係o係屋企換埋先！

今日o係禁區入面 d transfer desk 到做，成日都要同 d 客周圍走，又要同佢地一齊趕飛機，機塲又大，行都行死。著住制服自然會有好多人走埋黎問野，又問我閘口 3 點去，邊度有位坐，撘無人駕駛點撘之頪。好彩我都識答，hehe。放工著住制服走。今天也不錯！





  2004 年 6 月 4 日  太陽  

今日朝早去左考車，哈哈！合格左lu，終於都可以楂車出街喇！之後就去左睇醫生，因為我今日 sick leave，唔洗錢的好在！真幸運！





  2004 年 5 月 30 日  太陽  

今日係我第一次入禁區的 check in counter 度做野。感覺唔錯，仲去左burger king 度食野。everywhere都會有折law，呵呵！d 同事好好人。今日見的大多數都係內地人，個個都o係度講晒普通話，無奈我係唔太明 d 內地人所講的普通話。不過就有一種去左大陸世界的感覺！放工o個陣仲見到好多仔仔同言成旭 d fans tim 呀！不過就見唔到o個 2 個主角。





  2004 年 5 月 22 日  太陽  

返左一個星期工了！覺得幾好玩同埋我都會幾鐘意做！五日內有四日係classroom training，第五日我地真係落左機場的check in counter 度睇人做野！我幫左 d 客整o個條 baggage label，好好玩呀！





  2004 年 5 月 18 日  陰天  

今日撘左另外一架車去返工，唔識預時間，差小小就遲到喇！嚇死！d 同事話我似一個台灣歌手喎，張智成，好彩唔係咩如成喳！上堂有 d 無聊，講 d 野都唔關事o既，不過我幾enjoy 咁樣law，好似以前返學咁，一 d 都唔似返緊工！正！仲日日都有得早放 tim，哈！今日1600就放左喇！不過其他人仲未有得放，因為佢地有 permit 可以入禁區行，但係我仲未有呀！





  2004 年 5 月 17 日  太陽  
今日0600起左身，準備返工了。0700出門口，好似以前返學咁早呀！撘車撘左成個鐘，救命呀！坐到個人都好累呀！

返到去，我o個班有7個人，佢地個個都好好人。真係來自五湖四海law。個個都唔係讀完大學就去個外國幾十年咁，聽到都嚇死左我。所以我o係o個度係學歷最低的一個，語文最差的一個！oh！我要努力呀！話咁快就已經有一堆野要我地背喇！