始 得 仙 姑 宴 遊 記

        起行之前，我仲雄心壯志，想征服曬八個山頭，仲帶埋零食，想上去野餐。我真係睇小o左八仙嶺啦~~ 首先，未上山之前，我地要先行條斜馬路，已經行到有小小喘氣，不過仲叫有氣同同學吹o下水。之後開始上山啦! 要行成幾千級樓梯，D樓梯仲要係由一舊舊石砌成，凹凸不平o個種，我初時 (15分鐘) 仲頂得住，仲可以跟得上D同學，之後就開始唔惦啦!!

        好快就開始勁喘氣，好似扯哮o甘，跟住已經筋疲力盡，全身冇力， 隻腳已經行到痺曬+冇曬知覺，提都冇力提起，要捉住leo隻手借力先上到，後尾C+0都執o左枝樹枝比我當手杖 (之後o既路程都靠曬佢) ，之後開始頭暈目眩，嘴唇發白，但係o個時好似係連山腳都未到 (-_-)，跟住開始反胃作嘔，無幾耐仲嘔埋!! 嘔曬D早餐出o黎，絕對係辛苦到嘔!! 但係o個時只不過係o岩o岩到山腳。

          沿途好似焗桑拿o甘， D汗係o甘係耳邊一滴滴o甘滴落o黎，我諗我今日都流o左成公升汗。每行10分鐘就要停低休息，因為真係支持唔住，個人暈陀陀，勁驚自己會中暑，我直程tired 到冇力講野，連昆蟲都冇力驚，可想言之我係幾o甘辛苦!!

         我D同學個個做曬我妹仔，又扶我、幫我咩袋、幫我遮太陽同撥扇，真係唔話得!! 中間真係勁想放棄，因為我行到死o甘滯先至行到山腳，仲要見到前面一條無盡o既樓梯，但係見行o左o甘耐lor，o米行落去lor~~( 好叻啊!!) 不過我D同學真係超強，全程冇乜不適，只係微喘，呢D就係平日有做運動同唔做運動o既分別啦~~ (經此一役，我都係選擇做個躲懶的人了)

          我就係o甘，受盡百般折磨，行o下抖o下o甘掙扎上山 (為乜?) 。突然，聽到同學大叫︰「好大風呀! 好涼爽呀!」嗚~~原來山頂就在眼前，只係幾級樓梯之差，完全係兩個世界，係超級涼爽。上到山頂，嘩!! 係勁靚呀!!! 又勁舒服!! 終於比我堅持到山頂，仲要見到個o甘靚o既景，勁感動呀!!! 我地當然即刻要影相留念啦!! 逗留o左幾個字，就落山lu~~ 因為如果繼續行，要行5個鐘o架!!

          落山o既時候，大家都唔可以停低，因為一停低隻腳就會勁震，所以我地上山要3 粒鐘，落山只要1個鐘jar~~落山之後，隻腳超痛，尤其係腳底，比D石勁"銀"，所以話行山千其唔好著Converse~~之後我地就去o左食tea，回一回氣，傾陣計就番屋企lu~~

           雖則上到山頂係好感動，但係我都係要講句︰以後唔好預我~~~