澳門之旅
因為大家第一次一齊「出國」，所以異常輕奮。我地係船上面買糖o既時候，仲遇到個有病o既售賣男，佢自以為好幽默o甘話︰「食o左萬樂珠會變豬豬.......唔係變豬豬係變蛤蚧!! 」.......我唔知比咩反應佢........
落o左船，我地完全唔知D路點行，亡命飛奔幾條馬路，勁樣衰~ (因為澳門冇乜交通燈，基本上我地全程都不断o甘飛奔馬路) ，誤打誤撞，去到第一個景點︰「盛世蓮花」，勁似HK o既「金紫荊」，仲遇到個熱情o既「食蕉」 ，佢「非常」詳盡o甘指引我地.........不過冇人明佢講乜.........
之後我地搭的士去「東望洋燈塔」，澳門D的士勁平，$10 起標，不過多數唔開冷氣，熱死。個塔D樓梯勁恐怖，又窄又中空，行到我腳都震埋，走o既時候我地好辛苦o甘揾纜車搭，點知比ellen「開口中」:「今日d纜車會唔會唔開」......真係冇開...........唯有走捷徑(山坡).........
落到山，已經筋疲力盡 (估唔到一o黎澳門就要行山)，即刻去酒店check in，間酒店環境都算ok，休息夠，就出發去「大三巴」啦!!
大三巴真係幾靚、幾宏偉o架，上面仲有得掉錢許願tim~下面又有有間類似墓室o既野，個feel 好神聖，又係可以掉錢許願.......不過我掉極都唔中。
下一站係市政廰，呢度好似歐陸風味o既旺角，尤其o個間「仁慈堂」，好似白宮o甘，勁靚!! 我地係門口影相時，無啦啦殺出個熱心o既管理員，佢竟然拎住成疊圖片，想逐張「細心」講解，仲叮囑我地聽日o黎參觀.......即刻走夾唔抖。
等到差唔多天黒，出發去「觀光塔」，個觀光塔真係勁高，不過上面真係純觀光，同埋D玻璃都幾污遭，仲有玻璃纖維地板o既範圍，其實好細，不過初初唔慣，都幾嚇人。落地面時仲有D頭赤赤tim~~ 仲有!! 旅行社張poster個觀光塔明明係夜晚時會有光射向天，好靚o架嘛!! 原來係假o架!!!
夜晚，我地去o左葡京，不過o個度D人好似好壞o甘款，有好多chicken o既物體同標型大漢，所以我地只係入赌埸逛o左一圈，就打的去食din啦~
點知我地遇到個懷疑係收佣o既壞的士司機，佢勁踩我地原本想去o個間餐廳，車o左我地去間updup餐廳，我地梗係唔上當，去番原本o個間啦!!
食完din，冇野做，又去番市政廰影相，仲見識到一隻會喊o既狗..........
番到酒店，折騰o左成日，已經筋疲力盡，係呢個時候，梗係傾心事o既早好時機啦!! 傾到5:00，第二朝半死o甘起身，食完早餐，再訓過。
中午check out 之後，去o左氹仔，o個度係完全冇野玩，我地淨係去o左個「住宅式博物館」影o左幾張相就走lu~~
跟住一時諗唔到去邊，唯有去番間「仁慈堂」參觀，裡面勁似英國大使館，o個個熱心o既管理員又出現......仲教埋我地影相︰「第一張相o向呢度，呢 度係第二張相.....」.......無奈..........
之後去食lunch，勁低!! 有蜆、有青口，成個海鮮餐o甘，都係每人$30 。
食完lunch，去o左狂買手信，為o左買豬肉亁，我地深入手信街 (恐怖街)，o個度真係好似龍潭虎穴，D亞嬸為o左sale 野已經係不擇手段，不斷伸出鬼爪，足住D途人唔放，我D friend都逃唔過亞嬸o既魔爪，比佢地爪傷o左，聽講前排有個女仔比D亞嬸扯甩手跤tim~~沿途仲聽到唔少亞嬸o既呐喊，例如︰(巫婆版)「唔洗驚喎~~過o黎買啦!!」、(死屈版)「你又話o黎買o既!!」、(發爛版)「廿蚊鎊都唔買!! 死仔!!」.........呢度D亞嬸實在夠傳奇~~~
歷劫歸來，猶有餘悸o甘上「主教山」，o個度只係得一座教堂就叫主教山，不過座教堂都幾宏偉o既，同埋o個度都幾靜同舒服，坐o左一陣，就去碼頭搭船走lu~~澳門之旅完滿結束。