浪 茄 奇 遇 記

       我今朝唔知發咩神經，約o左C+0同歡姐8:30，我就以為8:00，後尾仲壓後到8:45，搞到我晨o甘早出門口，唯有係荷里活個KFC度訓覺，等齊人之後，就搭92號去西貢join埋Jo子，之後再搭94號去北潭涌，北潭涌係麥理浩徑一段ge起點，而我地今日預計ge行程，就係行麥徑一段去浪茄游水，之後再行麥徑二段走。不過，由於西灣山太崎嶇，聽講仲話死過人tim，經過商量，我地決定行麥徑一段去，不過搭的士番，而呢個決定，後來亦為我地帶o黎一次奇遇。

        係網上面睇ge麥徑一段，沿路有優美ge水塘風光，所以我都幾期待。初初行ge時候，雖然都會對水塘景感到新奇，不過，全程都對住個水塘ge時候，真係悶死!! 而且行成10km柏油路，好似行極都唔完o甘，又冇樹蔭wor，真係熱爆又曬爆，好彩途中都有D亭抖o下，不過，我地每人平均都帶得一支水，去到浪茄都飲鬼曬lor~走o個程都唔知點算。

         幾經艱辛先去到浪茄，遠睇：「都幾靚ar~」，近睇：「.........」，個灘都叫水清沙幼，不過，近岸D沙都幾污糟 (後來知道，因為前幾日落完雨先o甘)，而且，o個度真係冇任何toilet 比我地換衫，我地去到，企o左係度，呆o左，唔知下一步點做，o甘o岩隔離企o左2個叔叔，歡姐見佢地有個冰箱仔，就問o下佢地有冇水同附近where有地方換衫，我地今次真係出「浪茄」遇貴人啦!! 呢2個叔叔勁好人：「呢度冇水wor.......得D啤酒......我地船上面有汽水wor......我地上船拎比你地啦!!........我地ga船仲有位淨.......你地諗住點走ar?........可以載埋你地走wor......」歡姐同Jo子即刻唔客氣o甘上o左佢地隻小艇，初時我都有D驚ga，亂o甘上陌生人隻船，而且見到佢地成船男人 (雖然都有少少女人)，不過，睇佢地都唔似壞人，而且可以坐遊艇走，hoho~~ 我地要坐小艇 (要用槳划的那種) 去佢地隻遊艇，勁過癮!! 等一次坐呢種艇!!!

          上到去係勁唔好意思，坐o左係度飮汽水唔知做乜，不過佢地勁好人同搞笑，D叔叔見到無啦啦多o左4個靚妹，都感到十分新奇，得閒過o黎嚇o下我地，話出到海中心先收我地$，如果唔比就掟曬我地落海，又話我地誤上賊船，又話懷疑我地係「II」， 其中有一個仲飮醉酒，成日行o黎行去，語無倫次，問我地同唔同佢個仔補習，有個又叫我地第時要嫁消防員，勁好笑!! 同佢地傾計，先知道原來佢地係消防員，平時都救開人，今日放假出海，就救o左我地4個落難女子啦!! 佢地仲叫我地換泳衣出番海灘玩，遊艇上面有toilet又有淡水沖身，勁方便!! hoho~~D叔叔仲借埋泳鏡比我地，我地又坐番小艇去浪茄游水啦，yeah!! 不過走o個時又要著番o黎o個時D衫，勁嗅!!

           回程o個時，我地又同D叔叔傾o下計，佢地仲請我地食西瓜，之後去o左船頭影相，估唔到D叔叔對影相十分雀躍，個個都o黎同我地影o下，好搞笑!! o個個飮醉酒ge仲話要錫Jo子一啖先落o黎影相，hahaha!!!!! 駕船番到西貢碼頭，大家影o左張大合照，就走lu~~榜

        D叔叔實在太好人啦!! 我地三唔識七，又請我地飮汽水又請我地食西瓜，照顧周到，又用遊艇載我地走，在此真係要深深感激佢地!!!