020731

嘩!!!!!!!!!死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我死啦我~~~~~~~~~~~~~

晴天霹靂.......事關張考琴個張類似准考證o既野，今日終於寄左o黎...一睇，嘩∼唔係ya....13 NOV 2002?o甘咪即係得返兩個半月都唔夠???等我仲以為肯定分到12月尾...仲o甘定......點算好呢?我唔要唔合格呀∼

於是呢∼我今日就去左個試場book琴練啦∼講真....book琴真係幾無聊，又晒錢喎.....190先得半個鐘，羅去食左佢好過啦!!!

經過cd鋪，先記得我仲未買呀Jay隻碟........拿拿聲買左，嘩!!!雖則我一早就知佢送件T-shirt係唔多靚，一睇真人....何其甩皮甩骨，相信大家都有目共睹..........另外送個舊聽閒係"孤筍"o既物體，似個膠袋多多多多多D lor~ 不過!!!!!!!唔緊要，歌正咪得lor~

020728

琴晚....失眠呀∼∼∼其實失眠情況經已發生左一段時間啦....不過我冇理姐。琴晚係張床度"典o黎典去"，典左幾粒鐘都訓唔著呀........慘!!!第二日仲要7點幾就要起身，嚴重冇精神，個樣好似想死o甘....去到長洲人地一定唔肯租房過我.......

返到屋企，8點，一見到張床就唔理o甘多，"達"左落去先算，訓到10點，俾人強行叫醒左.....算∼我上網∼無意中俾我睇到d好搞o既野，係同我o既幾愛(未能稱為最愛，所以叫做幾愛)少爺占占占占占架∼好搞好搞∼

看(要睇請快手，事關我唔知幾時冇)