020725

書展後遺症終於消失，於是呢∼就約左IRIS去睇想睇好耐o既我左眼見到鬼，都幾好睇呀!!!不過最尾有d唔知佢講乜....而家o念o念下，有個何麗珠o既人生都唔錯呀∼一陣見下鬼、一陣又見唔到鬼，我o念會幾好玩掛.....哈∼好多時塔車返屋企都會經過墳場，每次都例牌望一望，但係唔知點解次次都見唔到喎....整定o既可能.........

下期想睇o既戲係絕世好B，同IRIS不約而同覺得好好睇，超好睇，勁好睇，好睇到爆.......

睇完戲，返到屋企....唔知點解，走左去跑步.......跑呀跑∼跑呀跑∼跑完，汗如雨下，猶如水鬼........

食飯，跟住上網，上到無無聊聊，自自然然就走左去帶銀公主度遊，見到佢d書展戰利品，嘩!!!多到唔知幾多本......有野做幾好呢....我呢d甘o既學生仔，買野要就住就住..........可憐!!!再一次興起去M記做野o既念頭，不過∼無可能o既。我o念我做唔夠一個禮拜就唔做架啦∼事關好似好辛苦o甘。我o念呢∼我將來會去教人彈琴架.....唔太辛苦又多錢喎∼不過佢唔係我最鍾意o既職業，我鍾意o既呢......自己知自己做唔到架啦.....算把啦!!!!!

020724

今日完全係匆匆忘忘o既一日呀.....11點半要學琴...11點兩先起身，即刻以旋風式侵襲我屋企個廁所，一睇∼死羅!!!我o黎架o個個?個頭o甘o既樣o既???一倫博鬥.....我個頭終於正常返，見得下人.....上堂期間，俾我摷到Miss屋企有幾米o既照相本子....我就梗係即刻問佢借o黎睇啦~~我o既幾米王國只係得地下鐵za....遲d想買佢o既我只能為你畫一張小卡片，又係錢o既問題...

返到屋企，親愛而又偉大o既阿媽叫我快d食飯....話一陣有人o黎幫我琴調音喎∼老實講呀，我唔覺調左同冇調有乜分別喎!!!搞到我又要好匆忘甘食完餐飯啦∼都唔知為乜?

2點幾，悶悶地...見冇乜野做，就出左去葵芳買野啦....一出街，即刻極度後悔...個太陽唔知點解今日o甘鬼死勤力，曬到我死....可唔可以可憐下我呀???出得街，梗係順便去下cd鋪啦~~見到心愛o既八度空間，差d攬住唔捨得放，我已經決定左，我會買架啦!!!!至於錢....惟有問阿媽賒住先啦........

今晚...上上下網，發覺張小嫻個本《離別曲》引起好大所應啊∼連帶銀公主都話唔好睇(帶銀公主:「枝葉太多，主線不明顯，感覺抽離而無法投入，枉我一早預備好的眼淚放著無用。」)根住d網友睇左，就去佢個留言板發表意見...好多人都話唔掂呀....好傷心!!!曾幾何時，佢係我o既偶像，我好想第時我會係一個好似佢o甘成功o既作家....點知，而家會o甘.......唉!!!!!!!!!!~____~"不過，寫作都有高潮同低潮，希望佢下一本小說會寫得好D啦!!!!

嘩嘩嘩嘩嘩!!!!!!!越o黎越唔正常啦我.....家下1:07am啦，我仲係度吃芝士+朱古力維他奶(食早餐???)想唔肥都幾難.........

強力推介sammi o既上一次流淚+eason o既明年今日，兩首都旋律優美動聽加歌詞到肉，正呀!!!!!

020723

哈哈哈!!!我o既日記終於又再出場啦~~~好耐未寫過lu!~

今日，滿足o既一日呀!由琴晚2點幾狂訓到今日4點，爽耶~起身之後，由於有某名3姑6婆要o黎我屋企，所以我就要汁下野la~~繼上個禮拜5o既大規模掃除掃左3大袋垃圾之後，今日又再掃到2袋。我而家先知原來我有好多「雞肋」(食之無味，棄之可惜呀....)即時乾淨晒呀!~我D心愛正書都有著落啦~呀!講下我去書展d野先....狂買狂買，仲入左兩次場....(係咪有d變態呢......?)睇左好多本啦我好似....張小嫻o既《離別曲》令到我好失望lor~但係深雪o既《另一半的翅膀》就超正啦~睇到最尾，仲有d想喊tim ar~~哈哈^++++^不過書展過後，就有嚴重後遺症....就係冇晒錢。仲要我最愛o既周杰倫撞o岩18號出碟，係書同埋周杰倫之間...我揀左書.....八度空間...你要等我呀!!!(慘叫~)

好啦好啦~唔寫啦~我要努力睇書!!!!