無謂的準備

前言：
就o黎final exam...俾到少少靈感我寫左呢一篇野。雖然呢一個題目或者類似o既文章好多人寫過，但係我都要寫，因為每個人都有唔同o既見解。（為左令睇呢篇文章o既人更加「身同感受」，所以我用左口語…）

就o黎考試，呀媽就成日叫我溫書溫書...其實佢越鬧我就越唔想溫，因為我覺得好似向佢低頭／屈服o甘....又成日係度話／逢測驗考試就會話：「拿~~你而家讀好d書，辛苦個10年8年，以後o既日子就會好過ga la~~」

人，其實可以話係係悽慘o既動物，我地根本就唔知聽日會發生咩事，好似今日o甘，有架飛機墜毀，有兩個死者得23歲，一個仲係學生，一個係文員，o甘樣就死左，好可惜...人根本就冇辦法控制自己o既命運，好多人都浪費左今日o既時間，去為聽日、後日，甚至係十年之後作準備。但係佢地有冇o念過，可能聽日返工／學途中，遇到交通意外...死左。到時先至後悔，自己冇享受過生命，成世人只不過係為左自己唔知o既未來而努力，點知...o個個未來就係死亡...。

而且，我希望個D所謂o既大人唔好將佢地個套o念法加係我地身上。每個人對於好o既定義都唔同，佢地認為好好地過o既日子就係有份穩定o既工作、唔駛為兩餐而憂心。但係我地根本就唔認為係o甘，有D人認為好好地過o既日子係實現自己o既理想，有D人可能會想一世咩住個背囊去流浪.......呢D日子雖然可能係會辛苦，但係o甘又點？自己覺得有意義、開心已經好足夠...根本唔需要顧慮o甘多。一生人，可以有幾多時間？一般o黎講咪都係80年~如果要讀大學o既話....要用20年以上o既時間。用1/4時間o黎準備，我認為唔係好值得lor~

仲有，中學讀個D o甘o既野，係超級無聊!!!!!!!!!!!!!!!!!!佔左80%o既野都無用o既!!!!!讀個D咩中史呀~history呀~都n年前o既事啦!!!!!!!仲知o黎做乜...唔係呀!!!!!!直情要你背熟，用七年時間o黎背D o甘o既野...係極度唔值得。D大人成日認為個D實用中學唔好，我個得呢D先至最好!!!例如你想做髮形師o既，可以早D比人地學到，o甘樣仲好啦!!!!!!!!!萬一發覺唔適合自己，都可以早D返轉頭ar!!!

20020526