梁思浩都估唔到斗零唔使食飽玩飽
回思浩訪問

又 到 暑 假 ， 對 好 多 學 生 講 放 暑 假 就 梗 係 開 心 啦 ， 但 對 部 份 畢 業 又 未 搵 到 工 的 「 雙 失 」 年 輕 人 講 ， 暑 假 簡 直 係 噩 夢 的 開 始 ！ 佢 冇 工 返 又 冇 錢 使 ， 又 唔 想 攤 大 手 板 問 屋 企 人 錢 ， 一 日 到 黑 留 在 家 中 都 唔 係 辦 法 。 到 底 有 咩 辦 法 可 以 $0 消 費 過 一 Day ？ 即 睇 梁 思 浩 親 身 示 範 ！

記者：黃藹瑩 攝影：伍慶泉 特別鳴謝：梁思浩
■ 今 次 我 邀 請 黎 做 示 範 梁 思 浩 起 初 都 唔 信 ， 不 過 經 過 一 輪 體 驗 之 後 ， 佢 都 話 ： 「 原 來 真 係 可 以 一 蚊 都 唔 使 喎 ！ 」
11:00am 起 身 ： 去 Food Court 睇 電 視
斷 估 暑 假 學 生 哥 們 都 絕 對 唔 會 早 起 ， 一 日 行 程 就 由 中 午 開 始 。 起 身 又 未 肚 餓 ， 最 好 就 係 睇 電 視 ， 了 解 一 下 世 界 時 事 。 對 時 事 有 認 識 ， 分 分 鐘 可 以 幫 你 見 成 份 工 。
天 氣 咁 熱 ， 要 有 電 視 睇 又 可 以 免 費 歎 冷 氣 ， 首 選 一 定 係 商 場 Food Court 啦 ， 地 方 夠 大 又 夠 寬 敞 ， 避 開 食 飯 時 間 座 位 簡 直 多 到 坐 唔 晒 ， 就 連 低 都 得 ！ 而 且 商 場 Food Court 的 電 視 有 個 好 處 ， 就 係 唔 止 得 一 部 ， 每 部 都 播 緊 唔 同 電 視 台 節 目 ， 新 聞 台 、 娛 樂 台 、 煲 劇 台 、 體 育 台 等 等 ， 選 擇 重 多 過 你 屋 企 ！
■ 去 Food Court 真 係 舒 服 到 打 橫 訓 都 得 ！
1:00pm 開 餐 ： 超 市 魚 翅 啷 口

睇 完 電 視 就 係 時 候 開 餐 喇 ！ 想 免 費 填 飽 個 肚 唔 係 唔 得 ， 不 過 一 定 要 識 揀 地 方 ！ 今 次 思 浩 就 去 位 置 都 幾 就 腳 又 一 城 TASTE ， 呢 個 超 市 其 實 唔 算 好 大 ， 但 試 食 的 Counter 就 多 到 十 足 一 條 Buffet 街 咁 ， 思 浩 行 完 一 個 Round 都 話 ： 「 我 真 係 有 飽 感 覺 ！ 」
■ 賣 生 果 的 阿 姐 好 熱 情 ， 好 似 驚 死 你 唔 去 試 食 咁 。
千 祈 唔 好 以 為 係 思 浩 的 特 殊 身 份 先 可 以 免 費 試 食 到 咁 盡 ， 實 情 係 超 市 的 一 眾 食 品 Promoter 都 好 鬼 熱 情 同 Nice ， 人 人 經 過 都 俾 佢 叫 停 試 食 ， 魚 翅 、 牛 排 、 包 、 酸 齋 、 生 果 、 雪 糕 、 紅 酒 、 花 茶 … … 真 係 豐 富 過 去 食 一 餐 碟 頭 飯 ！
其 他 試 食 超 市 熱 點 ： 黃 埔 吉 之 島
■ 最 數 梗 係 ： 飲 紅 酒 ！
2:00pm 睇 表 演 ： 溜 冰 場 撞 明 星
一 個 Round 食 飽 飽 就 不 如 行 Hea 喇 ！ 其 實 商 場 好 多 時 都 會 呢 時 間 推 出 特 備 的 暑 期 表 演 節 目 ， 如 果 無 的 話 ， 睇 平 民 版 真 人 表 演 都 唔 錯 ！ 推 介 你 去 溜 冰 場 ， 涼 浸 浸 有 得 睇 人 溜 冰 之 餘 ， 溜 冰 場 外 亦 都 企 滿 人 ， 你 一 個 人 長 時 間 企 度 都 唔 會 覺 得 異 相 ， 周 圍 大 把 人 陪 你 。 思 浩 重 話 又 一 城 溜 冰 場 成 日 都 會 撞 到 張 芝 ， 如 果 你 係 Fan 屎 就 更 加 要 去 喇 ！
其 他 溜 冰 場 熱 點 ： 太 古 城
■ 唔 知 點 解 ， 溜 冰 場 永 遠 係 閒 人 最 多 的 「 罰 企 」 熱 點 。
3:00pm 打 書 釘  
又 係 吸 收 一 下 文 化 知 識 的 時 間 ， Page One 呢 類 書 店 的 最 大 好 處 係 任 打 書 釘 ， 搵 一 本 心 水 的 書 睇 幾 耐 都 得 ， 坐 低 同 人 交 換 意 見 亦 得 。
■ 想 免 費 打 發 時 間 ， 打 書 釘 係 暑 期 的 指 定 動 作 ！
4:00pm 打 機 時 間
呢 個 世 代 的 年 輕 人 對 少 陣 電 腦 都 唔 得 ， 手 痕 痕 想 上 網 打 機 ， 就 最 好 去 提 供 呢 類 免 費 服 務 的 Cafe ， Pacific Coffee 就 係 一 個 好 例 子 ！
■ 係 度 上 網 的 人 通 常 都 會 買 杯 咖 啡 或 果 汁 ， 思 浩 唔 買 齋 度 上 網 都 冇 俾 人 鬧 。
5:00pm 遊 街 睇 窗

最 後 一 程 梗 係 來 個 Window Shopping 。 咪 以 為 真 係 好 無 聊 ， 其 實 吸 收 一 下 時 裝 資 訊 都 唔 會 Out ！
同 場 加 映 ： 師 奶 殺 手 喇 ！
沿 途 梁 思 浩 極 受 歡 迎 ， 師 奶 同 細 路 都 鍾 意 同 佢 一 齊 試 食 ， 有 師 奶 重 埋 相 機 同 佢 影 相 ， 兼 且 跟 足 思 浩 全 程 ， Hea 足 一 日 ！
■ 思 浩 試 食 完 一 樣 又 一 樣 ， 個 口 根 本 就 冇 停 過 ， 今 次 就 同 小 妹 妹 食 雪 糕 。

BY2005年07月18日 蘋果日報