家住大坑西擥恕斥冇掩雞籠
楊思琦私人信被盜報警求助
楊思琦近半年在大坑西村的舊居接連被人偷信，除糧單及月結單等私人信件被盜外，連稅單都不放過，令她慘被稅局追稅！吃盡驚風散的思琦，有感屋村恍如冇掩雞籠，故昨日決定去警局備案！
本報昨日收到讀者報料，得悉港姐楊思琦出現石硤尾警署，記者隨即到現場守候，約下午二時三十分，果然發現楊思琦獨自步出警署，架上墨鏡的她神色凝重，似乎不欲予人發覺。到記者上前表露身份後，楊思琦先表現驚訝，隨後不發一言，急步離去！
其後她接受電話訪問時，得悉備案一事曝光，乘機向記者大吐苦水，講出最近被偷信的經歷，她無奈地說：「自從舊年十一月開始，我已經發現唔見信，起初都唔係好為意，以為係惡作劇！點知後來愈o黎愈唔對路，就連我刋糧單、Bank Statement（銀行月結單）等私人信件都唔見埋，完全冇晒私隱，搞到我好唔安樂。」
無辜被稅局罰款幾千
由於楊思琦屬公眾人物，加上大坑西村住址外洩，令她更擔心個人資料被盜用，她帶點勞氣地說：「我唔知o們人係好奇，定係惡作劇，總之我覺得好無助、好冇安全感，我點知佢o地有乜目的⺊！自從稅單被盜後，我知道事態嚴重，咪轉晒o的郵址囉！但係斬腳趾避沙蟲都唔係辦法！（有冇向管理處投訴過？）我都想o架！不過作用好似唔係咁大，你估佢o地會派多o的Security巡邏咩！」
楊思琦有感求助無門，加上為求心安，終於決定報警，她續說：「希望報警備案之後，會起到阻嚇作用，總之，希望大家可以放我一馬啦！」
