新牌仔搵男友補鐘
楊思琦與李永豪煙韌談情

楊思琦早前成功考獲車牌，但對自己的駕駛技術尚未有足夠信心，所以早前她的緋聞男友李永豪便專誠跟思琦私人補鐘，二人寓練車於拍拖！　

剛於上周成功考取車牌的楊思琦，有感自己始終是新牌仔，未有任何路面經驗，故自考牌以來，一直未敢獨自駕車外出。思琦的緋聞男友李永豪見到思琦的情況，即伸出援手。早前他親自駕車到思琦的住所，幫思琦「補鐘」之餘，又充當司機，管接管送，十分細心。就記者所見，李永豪係思琦渣車時，除了十分細心外，更逗得思琦十分開心，二人不時相對而笑，場面溫馨。

被取笑渣車渣

思琦昨日在電話中承認永豪經常幫她「補鐘」，她說：「佢幫過我幾次啦！始終都係新牌仔，而且我又係學貨Van o黎，同渣私家車o既感覺好唔同，所以我暫時唔夠膽渣車出街！」

二人在車廂中，態度親暱，思琦對此則笑說：「係咩？可能佢笑我渣車渣啦！其實我開頭諗住搵Daddy o架！不過佢去o左旅行，咁我又想快o的渣到車喎！所以永豪咪幫我渣車囉！畀佢幫完之後，我都覺得技術係進步o左o的！」