佘詩曼楊思琦聞所未聞</FONT></B>

重新整理

傳候選港姐要陪訓
佘詩曼楊思琦聞所未聞

佘詩曼、楊思琦、譚耀文與洪天明等昨日在元朗拍攝電視劇《無名天使3D》，談及日前白韻琴大爆電視台有高層淫魔，並指若有候選佳麗陪瞓便會獲獎。同是港姐出身的阿佘和思琦，均表示未有聽聞，阿佘說：「我從來冇聽過有件咁嘅事，如果係就好唔公平，其實當年我參選都想試吓有冇造馬，最後證實係冇，係一個公平嘅比賽，（怕唔怕對得獎佳麗有影響？）所以咪好唔公平！」

楊思琦則說：「我唔知，冇聽過，唔覺有呢啲嘢，可能我入行淺啦！不過初頭參選都有啲驚，怕自己成為被講簕目標，其實Rosa（陳紫蓮）都好照顧我哋，對個個都好好，所以『港姐之母』呢個名係實至名歸。」而譚耀文透露拍完《無》劇後，便會與張衛健合演電視劇《少年諸葛亮》，問他有否推掉外面的工作，他說：「推咗幾個電視劇同一部電影。」