拍拖識做 預埋屋企人
楊思琦陪李泳豪一家行街　

文： 追蹤小組

楊思琦與李泳豪拍拖以來，一直未肯承認情侶關係。原來二人早已有共識，要待事業更上一層樓才肯公開。李泳豪表示，男人要給女人多一點安全感，如此體貼，難怪成功奪得美人歸！

楊思琦與李泳豪雖已多次被傳媒拍到拍拖相片，但兩人仍死撐只是朋友。日前有讀者報料，發現思琦與泳豪一家人在旺角長沙街出現，戴著冷帽的思琦坐在車上看雜誌，見泳豪與媽咪施明拿著一袋二袋上車，她十分識做，細心地把車上雜物搬開，方便施明上車。

對於記者突如其來的出現，思琦與泳豪表現大方，只是思琦以沒化妝為由拒絕影近鏡。記者昨日致電二人，看來二人早已夾定口供，異口同聲表示只是普通朋友去街，但泳豪承認關係已有進展，並說：「咪朋友去街囉！（感情係咪有進展？）可以咁講，我o地係好好朋友，佢係我紅顏知己。（係咪認定思琦做老婆仔？）咁遠唔知o播！」

承認與李家好熟

泳豪表示要給喜歡的人多一點安全感，他說：「鍾意人都要有事業基礎，大家事業剛起步，唔想講咁多。（係咪有共識？）我諗……係o卦！」

相反，思琦雖曾被指默認與泳豪是拖友關係，但她昨日卻反應甚大，並說：「好奇怪囉！我都冇認過，總之現階段係好朋友，工作緊要。（怕唔怕以後冇人追？）如果真係有心追我，唔會因為呢o的緋聞而卻步。」思琦只承認與泳豪一家人稔熟，與他們食飯及行街很平常，絕不會避忌。