馮 仁 昭 四 圍 超 ： 書 麒 秋 怡 趕 住 擺 酒 　 論 盡

王 書 麒 同 許 秋 怡 噚 日 洲 際 酒 店 筵 開 三 十 五 席 舉 行 婚 宴 ， 噚 日 朝 早 未 夠 八 點 一 班 姊 妹 團 同 戥 穿 石 就 集 齊 酒 店 接 新 娘 。 佢 兩 個 圈 中 一 向 人 緣 唔 錯 ， 向 海 嵐 、 楊 思 琦 、 趙 學 而 、 吳 家 樂 、 蔡 一 傑 同 李 永 豪 都 係 兄 弟 姊 妹 團 一 分 子 ， 而 安 德 尊 就 反 串 做 大 妗 姐 。 

大 喜 日 子 竟 爆 粗 
一 班 姊 妹 梗 係 唔 放 過 玩 新 郎 呢 個 大 好 機 會 ， 其 中 有 個 環 節 要 新 郎 哥 問 人 簽 名 同 恭 賀 語 句 ， 吳 家 樂 就 叫 大 妗 姐 安 德 尊 畀 支 筆 佢 ， 安 德 尊 話 冇 準 備 到 ， 吳 家 樂 居 然 老 友 大 喜 日 子 爆 句 ： 「 × 街 啦 你 ！ 」 書 麒 最 後 以 九 千 九 百 九 十 九 蚊 開 門 利 是 過 關 。 
呢 對 新 人 雖 然 連 仔 都 生 埋 ， 但 係 開 門 接 新 娘 一 刻 ， 兩 個 都 感 動 到 眼 濕 濕 ， 不 過 最 搞 笑 都 係 佢 兩 個 重 未 得 閒 去 註 冊 ， 而 且 連 個 仔 名 都 未 改 ， 搞 到 過 晒 期 要 俾 人 罰 錢 。 秋 怡 又 因 為 產 後 肥 到 戒 指 都 戴 唔 到 ， 好 彩 有 書 麒 送 條 價 值 三 十 幾 萬 家 傳 之 寶 鑽 石 鏈 墜 撐 住 。 
至 於 嘉 賓 名 單 中 最 矚 目 賓 客 都 應 該 係 萬 梓 良 ， 佢 重 坐 主 家 席 ， 而 楊 思 琦 同 李 永 豪 呢 對 就 成 日 俾 人 玩 話 下 次 輪 到 佢 。