被指唱衰佘詩曼
馬浚偉道行高是非當修行　

最近備受是非困擾的馬浚偉（馬仔），日前被傳唱衰佘詩曼，他昨日與楊思琦出席電視電影《懸案追兇》拜神儀式時，笑言將是非當作修行，竟被監製劉家豪明窒：「你道行好高喇喎！」馬仔只好尷尬地說：「係呀！道行低o的都死o左啦！我忍功叻o左好多！（有冇同阿佘解釋？）做朋友無需要解釋，我o地根本冇度期上《勁歌》。（怕唔怕變是非精？）所有o野都唔係事實！」馬仔笑言有緋聞抗體，不怕感染「非典型緋聞」！

與楊思琦保持距離

同場的楊思琦似乎未知馬仔有「抗體」，當記者要求兩人合照時，她竟企到「離行離列」，場面搞笑！事後思琦紅著臉說：「我未企定！平時影合照都係咁！（怕唔怕佢多是非？）做o野唔怕啦！我唔使埋位都係睇劇本多。」