貨Van爬頭 急煞車兼死火
楊思琦考牌臨尾香取消買車

楊思琦昨日考輕型貨車車牌，考試前她信心十足，誰知卻因煞車死火，最後犯了兩個嚴重錯誤而「臨尾香」，令思琦打消買車念頭。

楊思琦昨日在沙田駕駛學院，應考輕型貨車車牌路試，她前晚及昨晨都特地補鐘練習：「我今朝早九點就o黎練車，諗住練熟o的。（總共學o左幾多個鐘？）差唔多三十個鐘。」考試前信心十足的楊思琦說：「今日考路試，希望一次過考到啦！我爹o地有好多車牌，之前都有叫教o下我考車心得。」

考試完畢後，她一臉無奈地說：「好驚呀！頭先突然有架黃色Van仔爬頭，我即刻煞掣，點知死埋火，死啦！唔知得唔得，好緊張，上次好順利o架！」結果她因犯了「轉車時位置不正確」及「駕駛錯誤」兩個嚴重錯誤而不及格。

向師傅大吐苦水　

楊思琦拿著成績表說：「唔制呀！要考多次。」原來她打算考牌後買二手車代步：「之前睇中o左架車，開頭諗過買新車，但諗諗o下新牌技術差，多數會整花架車，所以決定會買二手車，然後載屋企人……依家唔使買啦！」

她還拿著成績表向考車師傅大吐苦水，跟著便與師傅研究犯了甚麼錯誤，並用相機拍下，思琦說：「影低今日個樣，等自己記住下次唔好再錯！」