有講有笑力證冇不和
阿佘唔信楊思琦搶走角色

集合無線三大姐仔佘詩曼、郭羡妮及楊思琦的劇集《無名天使3D》，甫開拍即傳不和，前晚三人拍攝外景未見異樣！期間楊思琦更被醉貓鬼佬騷擾，嚇得頻吃NG！

佘詩曼、郭羡妮及楊思琦前晚在Soho區拍攝一場蒲Bar戲，只見她們有傾有講，事前又齊齊對劇本，以行動證明並無不和。其後楊思琦拍攝一場「撇仔戲」時，竟先後被數名醉貓鬼佬「撩」，加上現場圍觀者漸多，令她緊張得頻食NG，好不狼狽！另一邊廂，兩位好姊妹佘詩曼與郭羡妮，當時因未埋位躲在車廂，未有及時出手！

唔慣鬧人頻NG

事後記者取笑思琦被嚇到「呆晒」，她歎口氣說：「我頭先掛住諗D對白，冇點留意佢地，都唔識得驚啦！（唔係嚇到你NG咩？）少少啦！其實係我未試過咁大聲鬧人，所以先至窒住晒！」

對於近日有報道阿佘不滿被她搶去出位角色，故聯同Sonija（郭羡妮）發起杯葛，思琦笑說：「由我收到劇本開始，都係做神槍手喎！邊有改過呀？阿佘同Sonija對我好好，仲以過來人身份叫我唔好介意！」

雖然三人傳出不和，思琦又頻吃NG，幸而兩位師姐都出面力撐，阿佘更讚她表現OK，並說：「每個人都會NG架啦！佢都OK啦！（係咪俾人搶咗角色？）係？佢地（雜誌）咁好嘢，連我唔知嘅都知！梗係冇D咁嘅事啦！」

Sonija亦表示三人「冇嘢」，但就預料必有是非，她歎說：「驚唔驚都會傳是非，惟有做好自己，其他D就唔理囉！！」