**********LUCKY DAY**********

今日最值得記o既就係巧遇兩位好男人，哈哈﹗殺死人﹗

因為今晚要ES，所以要o向公司食飯，但係天使又要番屋企食，所以我唔俾佢搭車，要佢陪埋我食飯先，哈哈﹗點知我地o向六樓落去o個陣，「車立」門一開，竟然見到鄭嘉穎囉，哈哈﹗佢著住西裝講緊電話，痴線，天使話我轉身o個陣偷笑，哈哈﹗見到超索型男點可以唔笑﹖哈哈﹗之後我地一路行去canteen o個陣一路都仲講緊佢，真係超正﹗同埋真係好想同佢講一句︰「求下你，你帶我走啦﹗」哈哈﹗

買o野食o個陣，Angel又打俾我，佢話佢會落o黎食飯喎。咁o岩佢兩個可以輪流咁陪我，哈哈﹗Angel o黎到冇耐，天使就趕車走喇。同Angel講開頭先見到鄭嘉穎o既同事，又講開其他artiset，點知呢頭講完Bosco，o個頭佢就行入o黎，嘩嘩嘩﹗佢今次仲要係o黎食飯架囉﹗哈哈﹗不過我o既失禮o野就俾Angel見到哂喇﹗哈哈﹗不過最衰o既就係開頭佢係坐o向我後面o既，點知我又衰，就去坐o向另一邊，諗住對住佢可以影佢相，點知佢又衰衰咁同佢朋友坐o左去我後面o個張檯囉﹗頂丫，好彩佢係背住我咁坐，如果唔係我一定仲後悔囉﹗最後Angel都陪我坐到八點幾先走，多謝你呀﹗

之後番去ES，今晚係肥啤呀﹗亞花交代哂所有要求之後就走o左，肥啤原本都叫我早D走o既，不過我都留到四點幾，佢同另一個女仔仲教我做字幕o既o野，之後買點幾就趕我地走喇﹗