亞媽唔駛番工，我又唔駛咁早番，所以可以一齊食埋飯先番去。最後我地都係去o左吉野家，食飽飽我就搭車番工喇。反而今日可以就到搭公司車，真係好絕。番到去，就開始預備今日要外景o既o野。

趁有時間，我就去check o左props先，因為今次都幾多，不過冇check哂，因為Long Gun話有D未拎落o黎。之後我到到咁上下就打俾亞Jan，睇下佢過唔過o黎，點知一問就知D字真係唔o岩佢，唉，早知早D問，不過都好彩叫o左亞John整埋黑底白字﹗如果唔係就真係好大鑊﹗亞Jan話叫我睇下改唔改得切，點知亞John又叫我搵Long Gun，Long Gun個電話又冇人聽，到佢打番俾我o個陣都已經就o黎要出車......唉﹗

上o左車之後，因為今日props自己有車出，所以可以直接過一廠。原來呢個就係一鳥，唔怪得上次個哥哥話見到就知邊個啦﹗今次係我第一次出外景有劇務跟住，真係有D唔慣，因為有好多o野佢都會幫我跟，我就少o左好多o野做。我去check完D衫之後，佢就幫我拎出去，我就去睇黎諾懿化妝化成點。講真，我真係好唔慣對住塊鏡咁同人講o野囉，點知我望住佢佢又唔望我，咁我唯有望番塊鏡啦，哈哈﹗一鳥幫我地settle down之後，我同諾懿就搭車出去，接埋楊秀惠，我地就出發喇。

車上面，佢兩個一人一句，真係好好笑﹗超級細路仔，仲要夾計想早D收工﹗痴線架﹗話咁快我地就去到o個間學校，點知亞Jan已經到o左，settle down D o野，開工﹗話時話，個境真係唔錯，仲可以上埋天台，好正﹗我見又唔係真係咁多o野做，所以係咁影相。其實都幾好，因為今日幾好天，所以拍走廊同天台都拍得幾靚﹗拍完天台，就放飯，點知Vicky打俾我話佢地已經o黎到咁滯，所以唯有打番俾佢地，叫佢地周圍行下先囉，哈哈﹗去o左一間都幾「up dup」 o既餐廳食飯，都唔緊要，最好笑o既係諾懿同Vivien都同我地一齊去，餐廳入面o既人都望住佢地，超怪囉﹗

食飽飽，就番去開工，點知Vicky佢地唔識o黎，我要o向出面接佢地。其實都幾搞笑，o向一個咁舊o既屋村，有一個歌星周街行，都幾癲﹗何詩詩o黎到，要化妝同set頭，所以我地拍埋其他o野先。唉，真係俾Long Gun玩死，竟然咁玩我，話o左要五張透明梳化架嘛，你又俾得兩張我，仲要有張漏氣o既添，唉﹗搞掂室內，亞Jan就放諾懿同Vivien出去行一陣，十一點先再番o黎拍。之後我地就開始拍架勞斯萊斯喇。講真，其實架車真係好靚﹗之後亞Jan要何韻詩挨向玻璃，但又想佢開個水撥喎，不過佢唔夠手長，哈哈﹗就係咁，我就可以上車幫佢手喇，兩個亞詩坐上架勞斯萊斯度，其實真係好絕﹗哈哈﹗不過如果何韻詩可以再好傾D仲好﹗

拍完呢個落雨shot，何韻詩就走得喇，淨番就要拍埋諾懿同Vivien o個D，佢地要濕身喇，不過好彩，佢地都好快拍完，之後再番個小禮堂度拍個夢境。開頭Vivien未得，我要幫佢試o左位先，哈哈，超近距離同諾懿傾計，嚇死我呀﹗不過其實都幾頹，原本眼前o既會係Bosco囉，唉﹗試完位，開始拍喇，但要整郁吊起o左o個個橙波波，哈哈，我一手整走o左個波波，冇錯，我係一個排球員﹗哈哈﹗

幾經辛苦，終於拍哂，收工﹗收番哂D衫之後，我地就一行四人搭番公司車走，不過得我一個番公司，因為我要還衫，唉﹗好彩都趕得切book埋帶先走﹗