十二點九，番工以o黎o既新紀錄﹗真係好絕﹗起身第一件事就係打去TC，哈哈，俾人話我遲打去添，對唔住囉﹗番工途中，一路叫人幫手查探，最後都知道亞Jan未番o黎，哈哈，所以我冇打俾佢。番到o黎，搞掂哂D帶，打俾亞Jan，佢似o岩o岩睏醒囉，佢叫我開o左帶先等佢番o黎，之後我就番上去搵o野做。不過Jan最後都係冇offline，佢仲教我搵個架荃灣車，佢叫我問下係唔係上人事部買飛喎，我打上去人事部，先知架車係出面搞o既，唔關公司事架囉，樣衰到震﹗蕭小姐仲要話用私人名義答我問題喎，激死呀﹗哈哈﹗

夠鐘，走人，因為今晚仲要2430-3030 o既ES，所以我決定番屋企食完飯再番o黎。出去正門，真係見到有人排隊，不過為免買錯飛，都係問一問人穩陣。最後都係用二百蚊買o左張死人飛不過真係好爽，一車番到荃灣，超好睏﹗但其實唔知有冇買錯飛呢﹖冇理由去旺角同去荃灣都係咁多錢架......

番到屋企，等o左一陣就食飯，食飽就睇電視，不過未睇哂就收到亞Jan電話，唯有「陷陷」聲仆番去啦。不過因為太趕o既關係，完全就唔到時間搭公司車，唯有出到坑口搭的士啦，點知又通著個唔識路o既司機，唉﹗佢兜o黎兜去，痴線架，好彩佢都只係收我四十蚊，不過最衰未夠十二點丫，如果唔係實claim到錢﹗之後我就番ES房，做埋D首尾。D歌詞愈睇愈唔對路，所以都係諗住問o左Vicky先，不過其實已經兩點幾，所以我都只係send o左個sms俾佢，問o左之後就俾亞Jan鬧喇，早知我唔話佢知住啦，唉﹗

最後，我地唔覺唔覺就edit到天光，就係咁，愛上〈勞斯萊斯〉，Wyman真係好絕﹗唉﹗之後要等肥啤執埋D首尾，亞Jan就用呢D時間教我點樣用部機，之後我地就搭車出去搭地鐵，再去彩虹搭小巴番屋企，一路上，亞Jan都教o左我好多o野，不過希望我記得啦，因為大家o既精神都係麻麻地，哈哈﹗

番到荃灣，都係忍唔住去o左粥舖買早餐，番到去食飽就睏喇。