一個通宵之後，睏到四點幾先睏醒，之後就沖涼洗頭，食埋D粥先出去。最後七點先番到公司，先去o左ES搵帶先，搵到，就番上ffice。擺低o野，先見到亞Jan個袋，但又唔見佢個人喎，所以即刻落番ES，但都唔見佢，所以拿拿聲做o左D字幕先。

好彩我做完亞Jan先到，搞掂哂D帶，Jan又講埋佢o既要求，我地就開始key字喇，好緊張呀﹗好彩最後都只係改o左兩三次就搞掂，真係好鍾意呢個MV，有機會一定要錄起佢﹗搞掂之後，整埋推介，再幫亞Jan搵埋男人魅o既帶，佢改完shot就上去開廠先，我搞掂D o野就上去搵佢地，因為佢話會教我開廠o既o野。

上到去，佢地錄緊，睇亞Max做o左一陣，亞Jan叫我留心睇，之後會留番一集俾我做喎。其實睇o左一陣，大部份o既o野我都明，只係有少少唔係太知做乜。之後就到我喇，好緊張呀﹗不過感覺好得意﹗哈哈﹗最後，亞Jan趕車走先，我同亞Max就執埋D首尾，等第二班車走。我地上office hea o左一陣，點知原來Taylor都仲未走得，我幫佢mark o左一首歌，同埋將張poster擺o左o向檯面，哈哈﹗等到夠鐘，我就同亞Max一齊搭車落旺角，再轉小巴番屋企喇。