諗住十點幾起身，最後都係失敗。打電話問一問Angel，最後決定唔番，所以就決定去比賽。不過原來Solar張poster嚇親Angel，哈哈，笑死我﹗

去完麥當當買o野食，見30X冇乜人等，又驚等好耐，所以都係的過去，點知原來都幾貴﹗去到，得Queenner一個，佢叫我揀今日著咩衫喎，哈哈﹗不過最衰都係黃蛇，著o左白色先話轉紅色，好玩咩﹗哼哼哼﹗點知Queenner冇帶紅褲仔，所以我陪佢著藍褲仔，哈哈，不過最搞笑o既係最後大家都一齊著，連最實牙實齒話唔會咁做o既火火都變節，哈哈﹗

今日，場波打得好差好差。講真，一路我都冇諗追呢彭波會輸。我冇落過場，其實有D唔開心，一o黎難得唔駛番工咁趕o黎又冇得出，二o黎係好嬲自己到而家仲係打得唔好，三o黎係唔想打o既又要打，又打得唔好，想打o既又打得唔夠好所以冇得打，四o黎係工作同興趣o既掙扎，唉﹗

訓示期，超頹﹗裡面燒到「陷陷」聲，不過好快冇事。睇完波，等大家一齊去食o野，十六個呀﹗好癲﹗叫o野食share，超正﹗不過D侍應態度真係好有問題囉唔該﹗多謝亞晶指教﹗蟹柳咩味架﹖梗係唔係蟹味啦﹗係蟹柳味架﹗哈哈﹗黃蛇相約，聽日有機會食譚仔喇﹗

食飽飽，就四散。Carmen問我係唔係唔開心，唔，冇o野lu，係眼睏姐﹗番屋企，睇電視，開電腦，恰o左一陣，就食飯喇。亞媽又唔知做乜躁底囉，煩﹗夜晚上緊網同睇緊電視o個陣，頂丫，有小強入侵，仲要係搵唔番o個隻。買o左藥番o黎又唔放，到有o個陣你先o黎放，又唔係去捉，咁有乜用呢﹖