今日其實係九點ES，不過因為唔係我負責，所以我完全唔想起身，哈哈﹗七點幾俾亞媽剷醒o左之後，我落到樓下都係繼續睏，仲睏到十二點，真係好癲呀﹗哈哈﹗最後我買o左兩個麵包就上車，去到將軍澳再買o左包排包，仲要俾我趕到公司車，勁呀﹗

番到去，寫埋cue sheet同埋亞Ben張綠單俾Carrie，就落番ES搵Angel喇。因為其實佢今日幾趕，所以我都冇乜點問佢o野，反正佢聽日得閒，聽日一次過先問啦﹗之後我再幫佢上去搵Ernest，再拎隻碟過去audio booth。今次係我第一次等佢過埋碟先走，其實都好o既，我又唔駛再行多一轉，同埋終於可以睇下其實個哥哥要做D乜o野。臨走，個哥哥同我傾o左幾句，問我o黎o左幾耐，辛唔辛苦o個D啦，最後仲祝我好運添，多謝呀﹗

之後我就番去ES，嘉萍又落番o黎喇。唉，最衰都係我，搞到Angel俾嘉萍鬧o左幾句，對唔住呀﹗搞掂哂D o野之後，嘉萍走o左，Angel要繼續搞offline，我就番上去，同亞Jan傾番星期四五o既外景，不過因為多數人都收哂工，我可以聽日先落booking，哈哈﹗咁我就可以趕六點二班車走喇﹗Yeah﹗一上車冇耐就睏，真係睏醒就到喇。之後去o左幫亞媽交card數，真係慶到癲﹗好煩囉，又多人等，叫人幫佢o個D人D態度又差喎﹗哼哼哼﹗不過最後都交埋先番屋企......

約o左明聽日食o野，不過都要睇下大家起身o既狀況先，哈﹗今晚見到個MV出街喇﹗嘩哈哈﹗好開心﹗