二零零五年八月九日    星期二    間中有大雨

今日又睏到唔願醒喇，最後明都係冇打俾我，唯有再約過啦。

出門口之後，買完麵包就去搭車，今日竟然趕到公司車，哈哈﹗番到去，Angel做緊o野，所以都唔得閒俾我問o野，不過佢都有幫我打俾Kelvin，但我最後都係要問番亞麟。其實我都覺得自己好好彩，就算亞麟好唔得閒，佢都會叫我一邊行一邊講，起碼佢唔會唔教，不過D人竟然夠膽死唔理我問乜，淨係問我借錢囉，痴線架﹗哈哈﹗

最後我都成功落哂booking，雖然有o野漏，不過都有時間俾我補番o既﹗之後Vincci番o黎，我話想問佢o野，好彩佢都得閒咋，不過我決定食完飯先問。難得今晚亞子同亞Max都有期要做o野，仲要大家都係開20，所以就一齊落canteen喇，仲拉埋天使落去，哈哈﹗食飽飽，就番上去等八點，Vincci番上o黎之後，都過o左好多料俾我，唔該哂呀﹗

之後我就落DUB 17搵Angel，我第一次落去咋。我落到去，Oscar錄緊VO，不過因為佢o向第二個門口走o左，所以見唔到。之後就睇埋Angel搞sound effect同key音樂o個D，哈哈，呢度D哥哥又係幾好人架喎﹗個keyboard真係好正，好想玩下﹗哈哈﹗十點幾就搞掂哂，嘉萍都有番o黎睇過下，之後我地就一齊番六樓，嘉萍等的士走，之後我就陪Angel去canteen食o野，因為佢仲未食飯。點知，今晚又俾我見到Bosco同嘉穎，嘩嘩嘩﹗真係開心到呢﹗哈哈﹗如果唔係Angel要趕住offline，我真係死都唔走呀﹗

終於睇過條「蛋糕」片，真係好癲，不過真係好想學呀﹗最後我陪Angel到點半就走喇﹗「陷陷」聲番上六樓執o野，原來亞麟都趕同一班車走，但佢仲要上七樓，所以我落去幫佢hold車先，之後就一齊走，佢o向將軍澳落o左車，我就一路同亞邦講電話到旺角。死o野﹗我最憎人一路做住私人o野一路同我講電話架喇﹗下次我一定唔理你﹗哼哼哼﹗

番到屋企，原本好眼睏，點知最後都係睇哂電視先走，好癲呀﹗

完