二零零五年八月十二日    星期五    一號戒備訊號

今日六點三先起到身，激趕，不過都叫做趕到公司車番去，不過都幾呢hea，因為尋日打唔到去transport o個邊問車牌，所以一番到去就即刻搵下架車o向邊先，但又唔見車長，唯有過o左外景o個邊先，見到尋日個lighting叔叔，不過今日唔係佢出，但都係山哥做車長，俾低哂D rundown我就番上去等Carrie喇。點知等o左勁耐，Carrie都未出現，嚇死我呀﹗因為今朝要問佢拎DV，佢唔出現我就死硬，等到八點，要走喇，最後一刻，我終於都等到佢喇，拎齊o野之後就出發。我拎完衫，就去接亞Joan，之後就去鑽石山接Oscar同Rico佢地，點知去到，淨係見到Oscar同Ada，等o左一陣，Oscar先o黎到，之後我地就出發入天水圍喇。

入到去，見到班學生o向度準備緊，我地用DV拍住先，因為班crew遲大到，激死人喇﹗最後我地終於搵到路入o黎，拿拿聲拍完就收皮。因為班學生勁多人，所以我同Ada要過crew車o個邊坐，之後就係咁，我地一路睏到出番九龍，再去搵o個間cafe。上到去，佢地已經開始準備緊，等緊肥谷上o黎。之後因為唔夠DV帶，所以我落o左去幫亞Jan買，落到去，就見到肥谷上緊o黎喇。好彩我唔駛行好遠就買到，之後就番上去，佢地已經同肥谷玩緊遊戲，我真係唔信肥谷唔識玩囉，真係一個好易o既遊戲。過o左一陣，佢地就開始訪問，不過都冇乜心機聽佢地做o既訪問，因為好期待班學生設計o既sit game，哈哈﹗嘉靜一路都好緊張，成日忍唔住笑，又成日望部電話，超好笑﹗不過佢D動情真係好似亞時，連個樣都激似﹗好戲o黎喇，不過唔係好夠大聲，件事發生o左肥谷都唔知乜o野事，超搞笑，之後嘉靜真係開口鬧肥谷，但佢真係忍唔住笑，哈哈﹗好癲﹗完o左個訪問之後，就要獨立訪問肥谷，之後我又問下大家o既感想，同埋執o野，之後拍埋evaluation之後，就送佢地走，不過搞到車長食飯o個度有D問題，對唔住呢﹗番上去，佢地決定直頭o向cafe食喎，都好，唔駛周圍走。

呢度D o野都幾好食，又唔算真係好貴，食飽飽，大家又坐低傾計喇。亞Jan真係名副其實一個神婆，諗都唔駛諗，睇下掌紋，睇下個樣就知你o黎緊會點，真係好癲呀﹗最後傾到我唔記得去買花，仲要NHK o個班學生已經上o左o黎，所以拍o左佢地先。今日全程都係亞Jan自己拍DV，所以我都冇乜o野做。話說個男仔Michael o向o個邊識o左個日本妹，哈哈，大家知道之後都不停串佢，佢又怕醜，極搞笑﹗到佢地拍完，我先落去買花，好彩番過寶靈街，好快就買到喇﹗番到上去，拍埋個tag同埋佢地D still shot就散得喇。落番車，又要等佢地換衫，佢地個個都唔跟車走，但又唔願落車，都唔知做乜﹗之後我就番去還衫。打番俾亞媽，又嗌交，頹﹗番到公司，天氣極差，果然係一號風球﹗

搞掂哂D o野，八點幾先走，番到去都九點幾，拿拿聲食飯，唉，黑口黑面，好難受﹗

完