二零零五年八月十五日    星期一    間中有雨

遲o左少少起身，不過都可以九點前番到公司，搞掂D「林嬸」o野，就落去ES喇。雖然亞Jan遲o左少少先番，不過我最後都係做唔切D o野，最後都係俾佢鬧。鬼咩，上次又跟唔足，今次要自己做，梗係lai哂o野﹗不過唔緊要o既，做完第一次，知佢o既要求，下次咪醒水囉﹗十二點前搞掂o左個MV viewer，之後我地就去o左食飯。好搞笑，亞Max又同隔離組D同事食飯，咁o岩又坐o左過o黎我地o個邊，但個女仔因為唔識亞Jan，大家都好直接咁講o左D說話，真係好絕，哈哈﹗

食飽，我就落埋D booking先，搞掂哂先去番ES，又係時候搞埋D deko喇，唉，真係頭都痕﹗不過幾經辛苦都搞掂哂喇，好癲，四點就做哂，哈哈﹗所以我有番D時間做埋D首尾之餘，仲可以早走番荃灣同Yo佢地食o野添﹗哈哈﹗

清番條數，執好D垃圾，走人﹗搭車番到荃灣，就去八面玲瓏join Yo同寶寶佢地。我應該係第一次o黎呢度食o野，亞Yo話有個幾好食喎，所以我就揀o左。之後施敏同Terri都o黎埋，食飽飽就去搭車。約o左小Bear o向南豐等，之後一齊搭車入蝴蝶灣。排隊o個陣勁多人，不過Terri同施敏唔願上車，我地四個又唔想太遲，所以我地上車先。o向車度，小Bear又講佢去camp D搞笑o野俾我知，哈哈，笑都笑到傻﹗

入到去，換埋衫，熱埋身諗住猜波，點知又開始練波喇。今晚係針對上次o既比賽喎，但我冇打，所以搭唔到嘴，不過都有份練。練哂兩邊就練o左一陣開波，之後就開game喇﹗今日同亞Yo講過我要怒打，哈哈，雖然打得唔係好好，不過總算冇辜負到自己好想好想練波o既熱情。

練完波，換完衫，就同大家一齊搭車車走，黃蛇又提番人地D舊事，衰格﹗行到半路，雞雞先話俾人知o個邊冇荃灣車搭，頂丫﹗你唔早講﹗之後我地又行到好遠先有站，仲要走o左班車，大家等o左極耐囉低能，搞到激夜先番到去，頂﹗

完