二零零五年八月十六日    星期二    間中有雨

今日係orientation o既日子，不過見到咁大雨，仲要咁眼睏，最後都係衰o左，唔番喇，哈哈﹗睏到十一點幾，就起身，落去食個米線先番工，哈哈﹗激耐冇食喇﹗食飽番到去，就係時候落下booking喇，俾Long Gun串添，哈哈﹗

搞完booking o個D o野，就番上office，因為要聽番D碟，最後真係唔夠歌用，所以就落o左music library搵，不過都唔係搵o左好多，是但啦﹗之後又番上去搞下聽日D稿o個D o野，唔覺唔覺就好晏喇，今日好難得可以同Taylor、Vincci同Vivian食飯仔，真係好癲﹗不過最絕o既係落到去買o野食o個陣，企我前面o個個竟然係山蔥囉﹗入o黎咁耐，終於都見到佢，超開心﹗因為對上一次見佢已經係《白雪公主》o個陣喇﹗超耐﹗食飯o個陣，仲要對住咁坐，哈哈﹗不過我一定唔可以好似上次咁失禮，嘩哈哈﹗食飯o個陣，大家談論白切雞同海南雞o既分別，好低能﹗之後我地又講人事非，一講亞Ron，亞Ron就入鏡，激邪﹗食飽，傾o左一陣計，我就走先，因為約o左Rico七點半dubbing，拿拿聲上去執齊o野，join埋Joan Joan就一齊落去喇。

o向我地仲諗緊Rico會幾點o黎o個陣，點知佢已經o向DUB 17等緊我地，超癲﹗哈哈﹗所以我地就即刻開始喇﹗今晚又係上次o個兩個哥哥，咁都好，好過D唔識o既人。先錄哂D effect，之後就到佢地錄VO喇，不過佢地都好快搞掂。亞Jan打俾我，佢話佢九點先會番到，叫我過住其他位先喎，點知過完佢都未番，哈哈﹗搞到我同哥哥都唔知點算，不過有兩個位佢話叫我自己揀，所以我就揀o左隻我都幾鍾意o既歌，哈哈﹗過o左冇耐佢就番到喇，之後我地都好快搞掂，佢就趕到十點七車走，我就番上去執埋D o野先，不過因為如果我搭十一點七班車走，我去到觀塘又要搭貴車，所以我都係決定等到十二點先走。見仲有時間，所以就搵D o野做下，先去scan稿俾YoYo，之後就去打music cue sheet，難得Vincci教o左我一個咁好o既方法，哈哈﹗搞掂之後，仲同Vincci一齊搭車走，不過Taylor又繼續留守lu...

完