二零零五年八月十七日    星期三    間中有大雨

今日雖然係開早，不過都開遲過平時，但我都遲o左起身，所以遲o左番去。番到去第一件事就係check props，又話有牛油刀，邊有喎，呃人﹗搵埋牛油，我就番上去，搵Carrie拎埋DV，執齊o野，就出發喇﹗之後仲要落雨，呢hea到一個極點﹗出o左車，去緊接亞Joan o個陣，我先醒起我唔記得拎牛油囉，頂丫﹗

出到去，等到亞Jan之後，佢地三個先前後腳o黎到，哈哈﹗今次係Oscar最遲，亞Jan話要扮嬲佢喎，哈哈﹗仲話要佢著條死人姣褲先原諒佢，哈哈﹗不過Oscar夠膽死唔理囉，好cheap﹗到等齊人諗住開工，又落雨喇，真係頹，之後見細雨D就決定照拍，拍o左個金句之後，就上車，出發去九龍塘，沿路仲拍埋其他o野，唉，今次又要我出鏡，頂丫，仲要炒正面添，真係好絕﹗不過亞Jan應承我會打格仔喎﹗哈哈﹗演技獲得一致好評，真係好癲﹗哈哈﹗冇計，鬧人係我強項﹗

之後o向個公園門口拍埋個closing，就夜飯喇，我地落o左旺角食，大家都食米線，好癲﹗不過唔知點解得Oscar o個碗有一片檸檬囉，奇奇怪怪﹗食飽，我地去接人同拎衫先，但拎衫o個陣超大雨囉﹗痴線架﹗搞掂哂，就番四廠喇﹗

J-board，因為我隻腳未好番，所以我唔敢玩，係咁咦玩過塊板仔咋﹗請番o黎o個兩條友仔，仲以為好勁，點知，唉，大家都好失望﹗拍完呢個，就出走廊拍埋個YN function，我又要出個背脊囉頂﹗仲要NG添呀﹗shit﹗拍哂，拿拿聲執o野，因為仲要出去還衫，不過我地話會一齊出去睇衫，因為Rico話想買喎﹗之後因為我又拎漏o野，YoYo又拎漏o野，跑到我丫，癲o左﹗之後我地又決定買完衫一齊食飯，哈﹗好彩車長車我地出去咋﹗唔該哂呢﹗

上到去Phase0.2，真係激死，我地乜o野都睇唔中，雖然D o野係幾平，不過feel到佢已經將佢成間舖最靚o個幾件衫拎o左俾我地囉﹗真係頹呀﹗之後我地就行去尖咀寧記食o野，開頭仲驚要等位，點知我地早得濟，一個人都冇﹗哈﹗同artist食飯，總會聽到D八掛o野，不過有D o野，聽完就算啦，呢個世界，真係乜o野人都有。大家都努力為Ada改變形象，哈哈，都係一件好事o黎o既﹗食飽，大家繼續傾計，不過因為限食兩個鐘，我地唯有走，亞Jan話因為尋日佢冇番工，我頂o左成日，所以請我食飯，嘻﹗之後我地就一齊去旺角搭車番屋企喇。

完