二零零五年八月十九日    星期五    大雨

七點幾起身，頂丫，超大雨囉﹗最後都係冇搭到「一條龍」，去o左搭小巴，唉，呢hea到爆﹗不過算啦，都冇計﹗番到公司，上去擺低o野之後，join埋小虎就落去上堂。仲以為o向邊度上，原來o向字幕組出面。入到去，簽到，但都等o左勁耐先開始。個女人真係惡頂，因為真係超慢動作，痴線架﹗最麻煩係我今日要十一點出車，但個course要十一點先完，諗住個女人問過有冇人趕時間之後會講得快D啦，點知又唔會喎，唉﹗不過介紹公司o個條片又真係拍得okok o既﹗好彩之後有個break，我就有時間打哂D電話先，之後入去聽多少少，填埋問卷就走得喇。

拿拿聲番上去，執齊o野，走人。拎完衫就出去接Lillian，之後就過紅磡，哈﹗真係未開工先放飯囉﹗真係好癲﹗不過亞Jan未出到o黎，我地同crew去o左大利食，仲記得對上一次食就係o向灣仔，不過我覺得呢間好食D，哈哈﹗食飽飽，亞Jan唔識路過o黎，但又打唔到俾車長，唯有叫佢搭的士過o黎，點知的士唔車佢囉，哈哈﹗好彩後尾我地都上到車，之後就過去車亞Jan過o黎喇。之後大家都先後o黎到，超大雨囉真係，但Rico竟然冇帶遮，佢傻架﹗

等到夠鐘，我地就過去開工。入到去，班義工仲執緊o野，不過好快D公公婆婆就落o黎喇。過o左一陣，劉日曦同鄭融都o黎埋，一路都係拍下佢地唱歌玩遊戲，之後班義工仲同班老人家傾計，有D真係幾好傾，但有D就唔鍾意我地影佢地。拍o左好一陣子，兩個「明星」走o左，我地又拍o左D散shot之後，就開始搵D婆婆拍「激激激」喇﹗哈哈﹗呢個係Oscar o既主意，哈哈﹗聽住個婆婆o向度講「激激激激激激激激激激優一族」o個陣，真係好好笑，搞到拍DV o個陣手都震埋，哈哈﹗最搞笑係有個婆婆講o左「荊州一族」囉，真係笑到癲o左﹗哈哈﹗

拍完老人家，再訪問班義工，之後就拍info喇﹗背到佢地痴o左線呀﹗哈哈﹗不過佢地竟然唔知甘地係邊個，冇諗過囉真係﹗同佢地唔識軟硬o既驚嚇度絕對相等﹗拍完，就車Oscar佢地去火車站，點知佢地最後個個都o向o個度落，所以就唔駛落尖沙咀。之後Lillian o向坑口走，我就番公司還衫，之後就預備聽日offline o既o野，最衰趕唔到「一條龍」。

完