二零零五年八月二十日    星期六    超大雨

今日亞媽唔駛番工，不過我都遲o左少少起身，搞到要天使幫我去還碟，唔該哂呢﹗幾經辛苦，終於番到公司，擺低o野就落去join佢地食飯。今日有天使、亞子，後尾仲o黎埋亞全，同埋有經過o既亞Max。食飽飽，我就要去mark帶喇，過o左一陣亞Jan都番o黎喇，不過後尾問問下先知原來仲有D不知名o既帶有我地想要o既內容，好彩亞Jan番o黎之後要食o野先，所以我仲有時間落film traffic搵帶，唉，超好彩﹗不過都係做漏o野，但已經好過上個星期架喇﹗

全日就係咁不停mark帶，之後就打rundown。死人亞麟，讓你用電腦仲咁多o野講，作死呀﹖之後佢同Vincci趕車走，見未夠鐘就落canteen應酬一下肥啤，之後亞Jan上o黎，我地就落canteen食飯。點知呢個時候，就見到亞麟同Vincci番上o黎，哈哈﹗原來佢地睇中o左星期六冇o個班車，哈哈，之後佢地call o左的士，又唔想俾肥啤見到，所以番上o黎等車，好蠢呀﹗哈哈﹗之後我地落去食o野o個陣，再o向肥啤面前踢爆佢兩個，超好笑﹗

食o左一陣，亞Max都落o左o黎，之後亞Jan上去睇港姐，我同亞Max食飽就番上去喇。打埋份rundown，就落去搞deko，順便睇埋隻歌o既duration o個D o野。之後仲可以一路播住餅帶咁打caption，幾正﹗不過最後都兩點幾先走，好絕﹗因為整完deko，我要book帶，諗住試下用電腦啦，點知login唔到，我又驚佢唔收form喎，開始拗底，所以搵天使求救，點知佢話亞子同佢講，呢兩日CPL用唔到，頂丫﹗最後我都係交form落film traffic，之後就閃喇﹗o向巴士，無啦啦有個浪囉頂﹗因為今日極大雨，巴士上層極多積水，所以架車一急停，D水就湧哂上o黎，真係十個頂﹗呢hea到一個極點﹗同時好嘔心囉唔該﹗

想早D睏都唔得，因為要洗鞋。最後都係睇埋港姐先睏，唉﹗十八號輸o左，真係唔抵，不過五強已經好好﹗同埋學人地話齋，靚o既通常都唔俾冠軍佢，因為冇獎o既先會得閒拍劇喎，都係o既﹗等我有機會搵佢拍MV先﹗

完