二零零五年八月二十一日    星期日    間中有雨

因為尋日極夜睏o既關係，今日都睏到十二點幾。尋晚亞儀話場波會打早D，今日再問清楚亞Yo之後，我就決定去比賽，最多趕D je﹗梳洗完，亞媽話唔出去食o野，所以我都係食o左少少粟米片就算。之後就o向屋企睇暗戰，真係好好睇，哈哈﹗睇到夠鐘就執o野，準備出去。

出門口o個陣，都ok大雨，但為o左唔會打波o個陣肚餓，所以都係去o左麥當當買o野食，之後就去等278x。好彩都好快有車，拿拿聲食飽，就睏喇，因為今日真係好眼睏﹗點知都未睏醒就到喇，落車之後，就靠頭先亞邦教我o個個方法，同我對上一次o黎o既記憶咁行過去，哈哈﹗冇行錯呢﹗

去到o個陣，大家都換緊衫喇，火火忍唔住指住沖涼o個格俾我睇，原來有隻大強o向入面囉，搞到我地兩個極驚﹗哈﹗出到去，場波delay囉頂，永遠都係咁，趕住走就梗係delay o既，可惡﹗

今日打得ok啦﹗我都出o左一陣，雖然唔可以話係打得好，不過都做o左D自己應該做o既o野，叫做過得人過得自己啦﹗不過因為我地贏Fissile 2:1，所以都應該出唔到線，但唔緊要啦，做好自己已經好夠﹗

打完，我同Winnie就拿拿聲換衫走人，因為大家都好趕，同埋大家都係搭火車，所以就一齊走，佢仲帶o左我去買麵包添﹗好耐冇食過豆沙燒餅喇，超好食﹗之後我地就去o左搭火車，傾住計咁，唔覺唔覺就到喇﹗

眾望所歸，我當然係搭的士番去喇，不過番到去已經完o左扯大纜，但好彩都趕得切影大合照，哈哈﹗不過揀o左一個好shit o既位囉﹗影完之後，就開始sharing，頂丫﹗我最怕就係咁多人咁傾計架喇，不過後尾因為太嘈，所以都係要分批傾。不過好快，sit game就開始喇，今次又係玩錢，真係好悶囉﹗仲要無啦啦玩到咁大，真係好絕﹗搞到老鬼拖馬走囉，哈哈﹗一路都有好多人眼濕濕，玩o左勁耐都唔完o左佢，超悶﹗玩完，就行番小矮人繼續sharing，叫做有少少o野食啦，不過上年o個D好食D囉﹗傾o左唔夠一陣，我地就出去踩hut喇，真係衰，完全唔理D freshmen，哈哈﹗踩hut真係一年比一年有計劃，隊長今次仲帶埋水槍o黎，仲要出o黎briefing先出發，真係好癲呀﹗哈哈﹗可惜，俾少平見到，佢就話要收槍，雖然係好掃興，不過其實佢o既做法係o岩o既﹗好彩，最後都傾掂數，遊戲開始。

先係J o既地盤，可能佢地想玩春媚先卦﹗三支水槍代表攝影機，freshmen要做choir，唱新聞theme song，之後再cue燈，邊支槍對住你你就要望住佢，如果唔係cam man就會驚，驚就會手震，手震就會開水，哈哈﹗超絕﹗不過春媚都超pro，冇NG，完成任務﹗勁呀﹗但freshmen玩當然冇咁o既效果啦﹗哈哈﹗但最絕o既係「你試過射王春媚未丫﹖」哈哈﹗之後再有陳凱欣、王春媚同羅暉翔o既cross over，哈哈﹗羅暉短o既橫傳超絕，「因為今日落雨，所以冇波踢」，笑到裂o左﹗哈哈﹗不過呢個game玩多幾次就悶架喇﹗雖然中間加插o左倒立飲汽水，不過都係冇前幾年咁好玩﹗

玩完，大家都散水喇，不過我同明就同o左班year 3去食宵夜，大家落到旺角，見到有間舖頭仔有夜茶飲，哈哈，就呢度啦﹗一行十二人，就貢o左入去，怒叫o野食﹗都唔錯喎﹗仲幾好招呼添﹗最後大家都係廿一蚊咋﹗抵到丫﹗食飽飽就番屋企lu，聽日九點ES呀﹗

完