二零零五年八月二十五日    星期四    天陰

今日係我最後一日跟激優，有D唔捨得添，最重要係我真係唔想做無間，唉﹗大家都唔鍾意做o既節目，真係好絕﹗天使原本想約我食飯，但佢打俾我o個陣我先o岩o岩起身，但我已經幾乎趕唔切番去喇，所以都係拿拿聲番工，仲要搭的士添﹗唉﹗

番到去，諗住check o左props先，點知道具房連燈都冇開，嚇死﹗原來放飯係會咁o既，真係唔知囉﹗最重要係原來Long Gun其實o向房入面，不過佢鎖o左門，頂﹗執齊o野，出發﹗先去鑽石山，因為約o左Oscar佢地o向o個度等，點知Rico最後都係自己去喎﹗等到亞Jan o黎，Oscar同YoYo都未到，所以亞Jan就上學校先，我就o向度等佢地。YoYo帶o左份生日禮物o黎俾Oscar，係佢朋友送俾Oscar o既，仲有封信添，真係好癲﹗哈哈﹗等到架車番落o黎，我地就番上學校喇﹗

間學校其實都幾大，不過要行上天台，真係好癲﹗但有自己o既golf場就真係癲o左D囉﹗亞sir好pro，應該都係有打開o個D，有幾個學生都打得唔錯。之後都係拍下大家練下波，學下打o個D囉﹗長氣鬥長氣，我同亞Jan都好無奈，哈哈﹗

拍完golf，我地就落去拍埋opening同closing o個D o野，要佢地三個做運動，哈哈﹗熱死﹗之後我地仲要扮評判甲乙丙，不過今次終於唔駛出鏡喇﹗唉﹗之後再拍金句，哈哈﹗Oscar勁講錯o野，節制講o左節食都算喇﹗「孔雀石班」真係唔可以接受，笑死人﹗亞Jan仲寸佢，有多餅四十幾分鐘o既帶俾佢慢慢玩﹗哈哈﹗拍哂，走人﹗送哂大家走之後，我就番公司還o野，車長好好人呢﹗

上番office，book埋帶，搞埋其他o野，就走人，番屋企食飯。

完