呢個地方開業以o黎，第一次一個禮拜都冇貨到，亦都係第一次一個星期o既貨一次過推出o黎。冇計啦，因為真係太忙，記得幾多就幾多啦。

上星期日，之前應承o左亞Jan番o黎睇勁歌，但最可惜o既仍然係冇o左Alive。張智成真係非常ok，好鬼cute﹗完o左勁歌，冇人食飯，諗住番去荃灣先搵o野食，點知無啦啦天使打o黎話想唱K，雖然聽日番09，不過最後我地都係去o左觀塘APM o既greenbox。經過幾個鐘o既洗禮，大家把聲都去得七七八八。走o個陣，竟然有隻小強企o向車立口，我地想走，佢又行埋o黎，我地行開，佢又行開，都唔知想點﹗最後有一班人走，又見唔到佢，仲幾乎踩到佢，最後嚇到佢周圍走，搞到我同天使走都走唔切。好彩最後都唔駛好耐我地就擺脫o左佢，如果唔係聽日就真係唔駛開工。

星期一，冇老細睇住o既ES，呢哂hea﹗開頭仲要搵唔到亞Jan寫俾我o既notes，趕到呢﹗雖然亞Jan話ES o個兩個哥哥係好人，不過佢地兩個都唔算真係好nice，搞到我都唔知點咁，但其中一個把聲真係好似好似好似黎諾懿﹗四點，幾經辛苦，終於完工。不過真係一波未平一波又起，下個星期o既無間又殺到埋o黎喇。

星期二，竟然o向番工o個陣撞到ex，嘩，嚇鬼死﹗我唔知佢見唔見到我，最好就見唔到啦，正如我見到都當見唔到，拿拿聲上月台，走為上著﹗今日兩個ES，搞到夜晚o個轉冇時間準備，不過好彩o個個好易搞掂﹗下晝o個轉要砌榜，其實係簡單不過o既事，唔知點解搞到咁，同埋用o左好多時間去搵帶，shit，最後call o左亞Max落o黎，好癲呀﹗搞掂之後，個人都仲係慌慌地，好彩今晚有o野玩，因為搵o左Angel o黎錄VO，哈哈﹗笑到死o左﹗佢o既表現非常出色，把聲超似陳霽平呀﹗哈哈﹗總算係臨走前o既傑作﹗完哂dubbing，我又要趕rundown喇，星期二竟然一日都出唔到，好大鑊﹗今晚一個人留o向公司，佩華姐三點幾走，食蕉哥哥唔講我都唔覺得番我自己一個，都幾得人驚﹗最後我都係留到天光先走，最絕o既係落到旺角，竟然冇小巴番荃灣，渣打ATM又冇提款服務，真係PK﹗不過最後都係的的番屋企睏覺。

星期三，晏晝番去，其實應該一點前番到去，點知我又唔知醒，海豚仲早番過我﹗唉﹗其實無間o個邊咁趕仲要我趕ES，最絕o既係要跟埋亞Max o個邊，痴線架﹗今日係Angel o既last day，我地一齊食飯，因為佢今晚要靜雞雞過帶拎番屋企，最搞笑係佢要一次過拎哂D o野番去，好似去camp咁，哈哈﹗幾收得，不過我又係留o向度砌rundown。最後，我同Angel都一齊留到天光，不過因為佢之後就唔駛番工，我仲要過帶，所以都係走先，點知我落到去就送車尾囉頂﹗所以就搭的士出地鐵站。司機話有order要接，所以車我去坑口，同埋收我平D。諗住去彩虹轉車，點知又睏過龍，去到旺角，又係冇小巴，所以都係搭的士番去睏。

星期四，過帶日，不過都係掛住做rundown，好遲先落去過埋D字幕，不過好彩D哥哥都好好人，不過今日D歌就有D騎呢。同o左Eddie去食飯，難得有番楊枝甘露，點知，臨門一腳竟然倒瀉o左，重點係成個canteen o既人望住我之餘，仲要搞到郭峰一腳都係，同埋整到Eddie成個file都係楊枝甘露......唉﹗極度唔好意思，shit﹗最絕o既係，食完飯，番TC個哥哥都串我，頂頂頂﹗過哂帶，key哂subtitle，番上去做埋D首尾，三點先走，不過已經係呢幾晚最早番屋企o既一晚......

星期五，遲o左起身，但又想早D番去準備今晚開廠o既o野，所以call的士番去。fax o左D稿，就同Angel同Eddie食飯，哈哈，兩杯一齊倒佢o既話都應該幾好笑，哈哈﹗食飽飯，就番上去搞埋其他o野。等亞Jan番o黎，就同佢食飯，之後就開廠。要周圍擺低rundown，行到我丫﹗仲俾我o向廠見到Bobo，唔...唔靚o既﹗開頭我真係手震架﹗仲要唔記得count down，不過最後都冇乜o野，超額完成﹗yeah﹗

星期六，終於可以睏晏D。起身之後，煮o左個麵食，點知跌o左D o野落個爐度，燒著o左，哈哈﹗嚇死﹗夜晚上o左舅父度食飯，都係o個句，好怕同D唔明白o既人去解釋我而家o既工作。夜晚，收到杰仔o既電話。嗯......放心，一定o向你身邊。

星期日，再一次唔駛番工，同亞媽去反。先去吉野家食飯，之後就搭車出黃埔行街，但行o左好耐都係乜都買唔到，唉﹗最後我地o向詠藜園度食，好一個麻辣，真係好麻，不過唔好食。食飽就搭車番屋企，頹﹗

星期一，ES，一路我都冇諗過亞Jan會番，點知佢打o黎話佢唔知醒，叫我搞住先。唉﹗做得好慢，同埋我諗漏o左D o野。嗯﹗下次一定會快D﹗最後，十一點先完工，算係咁啦﹗之後我就砌定D rundown先，三點先走，仲拎番D o野俾亞Jan，之後就番屋企睏覺。

星期二，再ES，今次o既8仔榜，比上次順利好多。師傅教落，事不過三丫嘛﹗今次仲有時間改埋歌添，不過俾個唔識o既人串囉，我唔知佢係唔係有心，不過o個一下真係覺得佢好仆街﹗好耐冇試過番屋企食飯，難得﹗一路睇電視一路砌rundown，咁就天光喇，好彩聽日冇期﹗

星期三，再一次搭的士番去，真係好癲。不過因為想快D搞掂D rundown，所以都冇計。搞掂份rundown，就係時候做下其他o野，最緊要係book齊帶。八點，走人，番屋企食飯。終於睇哂D錄影帶喇，個頭好痛﹗

終於，好hea咁趕哂D diary喇﹗